استفسار عن شرم الشيخ ؟؟

[F@ntG Q@t]

ابي اروح شرم الشيخ بس ما أدري وين العروض وارخص الاسعار ... وابي فندق حلو واسعاره معقوله ؟؟؟

 

[Hilton]

طيران الجزيره اسعاره رخصيه والفندق اللى اعرفه موفمبيك وايد حلو ... ياريت اكون ساعدتج

 

[ام الشيخه]

سعر التذكره على الجزيره62 وفي فنادق منهم الغالي ومنهم الرخيص ...شوفي موقع اسمه حجوزات او اسيا رومز

 

[صدى الاشواق]

والله انا بروح بعد سبوعين انشالله

بس المشكله مافي حجوزاات حق الفنادق كلش

انا متعوده اروح اتراكت ليالينا اينن ووايد راقي وحلو مقعه وايد حلو يطل على البحر

بس مافي حجز كلش

فياريت الي اتعرف فندق بنفس الصفه وحلو تفيدني وتعطيني اسمه

ويعطيكم العافيه

 

[F@ntG Q@t]

مشكورين بنات وما قصرتوا والي تعرف بعد تفيدنا

 

[[Q8TYA]]

شرم الشيخ احسن مكان تروحين وتسكنين فيخ خليج نعمه وسكني بفندق نعمه بي .. لاتفكرين تسكنين بره خليج نعمه لانه برا مافي شي كل الوناسه بخليج نمعه حتى ماكو لاتساكي داخل وولا شي ممنوع مايدخلونهم لانه صاير مثل منتزه كبير فيه مجموعت فنادق كبيره ووايد شغلات

 

[صدى الاشواق]

الي بتسافر شهر اربعه خل تنسى تحصل حجز فندق
انا عيزت وانا ادور ماااااااكو الحين موسم عندهم

انا بالاساس كنت ابي صفه البحر مافي دورت من الداخل هم مافي ويوم لقيت

حصلت الي بو 100 صار 170 دولار
والي انا كنت اروحله كان 150 دولار لليله صار فوق ال200 دولار


ناااااااااااااار الاسعار

الظاهر العدوه الي عندنا انتقلت لهم

 

[mrsq8]

صح كلام كويتيه احسن شي خليج نعمة وانا سكنت الموفنبيك وايد حلو جهة عالبحر والجهة الثانية على خليج نعمة

 

[Love \ Hate]

اي عفية انا بعد ودي اروح على شهر 5 .. بجم التذكره ؟ واحلى الفنادق شنو ؟ ابي فندق فــــــــــخم حيييييييييييييل

وحلو يعني ابيه ريلاكسيشن

 

[مون14]

يقولون فندق الفور سيزن هناك روعه بس بعيد شوي عن اللويه حق ناس تبي ريلاكس وهدوء

 

[F@ntG Q@t]

بنات انا ابي اروح شهر 5 وين ارخص تذاكر وسكن ؟؟

 

[فرنسا]

انا رحت 3 مرات
الاول موفمبيك :المميزات:راقي ,بخليج نعمة ،عالبحر,العيوب:ازعاج بالليل والصبح وخصوصا اذا تحبين نومة الضحى

الثاني ,مريديان :سكنت بالجهتين الي عالبحر واللي عالجبل والقصد ان بينهم خطرة شارع المميزات :هادي وراقي :العيوب بينة وبين خليج نعمة 5 دقايق مشي بالكثير
الثالث:نعمة بية ,مميزاتة:بخليج نعمة وبالسنتر ,عيوبة ازعاج.وزحمة.

حبيبتي الفنادق كلها جديدة وراقية وابعد فندق بالكثير 5 دقايق مشي عن شاطئ نعمة بس بالنسبة لي الافضل كان الماريوت عالاقل انام الضحى بدون ازعاج وبالليل انام بدون صوت المطاعم والموسيقى لان نومي خفيف والاغاني الى الفجر

بس تري واي 3 ايام عليها

 

[F@ntG Q@t]

مشكوره فرنسا صج بدتي قلبي ماتقصرين ياقمر

 

[ام الشيخه]

انا بروح ان شاءالله على شهر 5 حجزت على الجزيره التذكرتين رايح راد 124 لمدة 5 أيام

 

[الحلا لبنت عطاا]

يسلمو

 

[زهور222]

حبيتي طيران الجزيرة واايد رخيص واسعاره معقووله

والصراحه انا رحت فندق ماريوت شرم نظافة وترتيب واستقبال مو طبيعي

وشكراا

 

[أسرار الطبيعة]

طافني مره موعد تغيير لرحلة على الجزيره فراحت علي التذكرة بالروحه ، والردة قلت أبدلها بمكان ما شفته
فشريت تذكرة بشرم الشيخ على منتصف مايو إن شاء الله وبيكلفني 120 تقريبا شخصين
شكلي بسكن الماريوت وإن شاء الله يطلع نفس اللي بالقاهرة ، وبقعد فيها ليلتين.

 

[بنت الارسنال]

روحي على الجزيرة وسكني في ماريوت بخليج نعمة

 

[فنـــــر]

البنات صاجيييين .........
اتا لما رحت سكنا فى ماريوت الى على الجبل هاااااااادى وعائلى .........
وسعرة حلوووووو.............
موفنبيك حلو بس عيبة مافى غرف مرفقة للاطفال ................