استفسار عن شاليهات خليفة؟؟

[om mohammad]

السلام عليكم.... ابي استفسر عن الشاليه واسعاره منو عندها فكرة وحلو ولا موحلو ؟؟؟

 

[omali_store83]

باختصار وبرايي الشخصي مايصلح للعوائل وكل شاليه لازق بالثاني ومحد له خصوصية​

 

[om mohammad]

مشكوره حبيبتي على الإجابة....وبانتظار باجي الردود

 

[caramela 85]

حظج اليوم انا راده من شاليه خليفه
اهوا حلو ومنايب حق العايلات
بس اذا بتحجزين منه راح يطلع عليج وايد غالي ومايسوى بس اذا
في عروض من الجمعيات او اي مكان يطلع السعر مناسب

 

[حبوبه]

هلا ام محمد ..
احنا حجزنا الشاليه الكبير اللي علي البحر بالصيف ب570 ولاكان حلو واستانسنا فيه بس ماأدري عن باجي الشاليهات شنو اسعارهم وهذا رقمهم اتصلي وسألي 22402402 / داخلي 160 ..

 

[ترف 111]

بصراحه مااحب شاليهات خليفه احس انهم حكره وايد شاليه بالثاني اللي صج تستانسين فيهم شاليهات الجوووووووووووون او كمبنسكي سابقا سيشل حاليا روعه مكان خيااااااااااااااااااااااااالي

 

[روان_الكويت]

انشالله بنروحله اخر هالشهر مع الجمعيه
انشالله نستانس فيه

 

[قدساويه!!]

ما رحت له

 

[sara999]

والله كلهم حلوين
بس صح مثل ما قالولج خليفه يعني درايشه كباار ومكشوفه والبلكونه مو مسيجه
يعني الوطنيه بلكونتج مسيجه ونظامهك يم بعض بس واحد مجم عن الثاني يعني لي قعدتي بره ما تنحشرين بلي يمج ولا الي يمج ينحشرون فيج اوكي ؟؟؟


وعندج الخيران عاد يونس انا احبه خصوصا الحين غيرو الشاليهات جددوهم وناسه البح روالجتات وبليل مشي بالممشى وتشوي ونااسه وكبييير
وفيه العاب اكثر من خليفه وسيشل الجون والوطنيه كهم مافيهم العاب الا دوارف وقواري ام الخيران فيهم العاب خارجه وحناطير وبولنق ومطاعم 2 يعني اماكن وناسه اليهال اكثر

 

[أميرة النايف]

اشالية حلو وروعة بس عيبة مثل ما قالوا البنات ضيج شوي من حيث المساحة رحتلة 2008

 

[الغاليه نونو]

اشزينه الشاليه هادي ومااافيه صيحه يهال ولا ازعاج اغلب العوايل اللي اييوون هناك ناس يبون الراحه لانه مافيه العاب حق اليهال ولا وسايل ترفيه

الحلو فيه تاخذين الشاليه اللي عالبحر والا اللي يمه نظام 4 غرف وحده منهم ماستر وفيه تحت غرفه حق الخدم والصاله راهيه والبحر قريب عليج ووناسسه شغل عدل انا استانست 4 ايام وماودي ارجع الديره ههههههههههه بس رديت مغصوبه ماباليد حيله

 

[د.شريفة]

رد : استفسار عن شاليهات خليفة؟؟

شاليه خليفه حلو وعائلي وجوه روعه وكافي حق عايله ام واب وعيالهم يعني يكفينا احنا البنات وازواجنا وعيالنا كل ناس ياخذون لهم شاليه شرح ومكانه آمن على اليهال ماتخافين عليهم خصوصا للي عنده عيال صغار جدام عيونا مافي اماكن بعيده عنج وداعيس

كل سنة احجز ليه ويك اند مره ومرتين

 

[انجبر قلبي]

بغيت اسأل للي راحت الشاليه هالسنه في تطورات و اهو في العاب اطفال او لا ؟

 

[كوينه]

انا احب شاليهات خليفة وشاليهات وطنية
عائلي وفيه كل شي نحتاجه من جمعية والعاب وحمامات سباحة وغيره
وامان اكثر بالنسبة لي

 

[قدساوية 99]

بالعكس المكان عائلي حييل وحتى لمن تروحين تلقين كله عوايل ومكان هادي مو نفس سيشل ازعااج واغاني وصيحة خذينا 3 ايام ب450