استفسار عن خلطات خاصه بالعروس - تم تعديل العنوان من قبل الاشراف

[أنا القمر]

السلام عليكم ورحمه الله وبركاته
بنات انا زواجي باقي عليه شهر وعشرين يوم .. حددي محتاسه ماسويت شي لاخلطات للجسم ولا هم يحزنون..تكفون ابغى خلطات للجسم مجربه مع العلم راح استخدم خلطه بياض الثلج لجابر القحطاني والخلطه الصابونيه بس بعد ابغى خلطه تكون وقت الضهر للعشا
بانتظار تفاعلكم معي :eh_s(17):

 

[أم*سلمان]

رد: تكفون يابنات فزعتكم

عسى الله يوفقج يا رب حبووبه دشي قسم العنايه بالشعرو البشره

وبتلقيين كل اللي تبين فيه ان شاء الله

 

[عالم البزنس]

رد: تكفون يابنات فزعتكم

ديري بالج حبيبتي في بعض الخلطات تسبب برص
وفي خلطات يحطون فيها كلوركس
وفي خلطات يحطون نسبة كرتزون عاليه تسببلج امراض جلديه
لا تشترين الا من احد ثقه

 

[أنا القمر]

رد: تكفون يابنات فزعتكم

بنات لاتتركوني انا ابغى شي مجرب ومضمون


ووينكم ياعرايس عطوني تجاربكم

 

[You FOR Me Only]

رد: تكفون يابنات فزعتكم

روحي حمام مغربي البخار وايد يفتح ويوحد الجسم بوقت اسررع من الخلطات ونتيجته مضمونه
بالتوفيق حبيبتي

 

[حناينq8]

رد: تكفون يابنات فزعتكم

خلج على الحمام المغربي
والخلطات اللي تسوينها بالبيت قبل السباحه مثل الهرده والروب
او جلسرين وليمون وماي ورد

 

[&موناليزا&]

حبيبتي الف مبرووووك مقدماااا
:eh_s(7)::eh_s(7)::eh_s(7):​

حبوبه شووووووفي هذا الموضوع وان شالله يفيدج مثل مانفع وااااااايد عرايس وصاروا زوغه ونيووو لوك بأعراسهم
:eh_s(15)::eh_s(15)::eh_s(15):​

http://www.q8yat.com/t620343.html​

 

[أنا القمر]

موناليزا الله يجزاك خير
ولا يهونون الباقين

 

[♥ خجل♥]

انا ان شاء الله بستخدم الخلطة الصابونية والصابون المغربي

لو سمحتي شنو خلطة جابر القحطاني يمكن استخدمها

 

[كلي أماني جنون]

للأمانه أنا ما أستخدم خلطات أستخدم مرطب يومي للجسم أحسن أخاف من الخلطات​

 

[ليان]

مساء الخير حياتي
والله بعض كلام العضوات صحيح ولا اعارضه

في خلطات تجيب نتيجه وفي خلطات لا والله ما تجيب الا المرض

بس كل وحده وضميرها

الحق ينقال الكريم اللي ابيعه من اول استخدام تشوفين الفرق وكذا وحده تسأل عن السعر بس اذا شافت ان السعر غالي ما تبيه

وانا مستغربه يعني معقوله اذا لقيتي كريم رخيص بدينارين والا 5 ويمدحون فيه راح تشترينه

بس اقولج قبل لا تشترين اي شئ استخيري

والحمدلله الكريم اللي عندي نتيجته مضمونه وخالي من الكرتزون

اذا ما بين من اول استخدام اتصلي وارد لج فلوسج

استخدامه بأي وقت// بس ما تطلعين فيه بره الشمس

وبالتوفيق​

 

[• JoJo •]

بصراحه انا معتمده على شغلات /


الحمام المغربي وحمام سونا كل يوم جمعه مع الصنفرة والفرك

والصابونية كل يوم مع خلطة ترطيب

لكن خلطات وجذي ماسويت لان بصراحه ما اشوف منها غير النعومه بس لكن تبييض ومدري شنو ما شفت