استفسار عن حليب الطفل الرضيع

[أم شيــ@وخة]

خواتي الكويتيات عندي بنتي عمرها 3 شهور ونص استخدم لها حليب نوفيلاك تركيبة الامساك
وودي اغيره لها لانه احسها ماتستفيد منه قبل كان فيها امساك والحين الحمد لله
فسؤالي في احد مثلي غير حق عياله حليب وشنو صار معاه بعد تغير الحليب يعني امساك مثلا
وشنو احسن نوع حليب حق عمر اربع شهور
*

 

[fofowa_q8]

أنا اعطي بنتي نان وماشي معاها الحمدلله وعندج ابتاميل بعد زين

 

[أم شيــ@وخة]

مشكورة اختي على الرد الله يوفقج دنيا و اخره
بس الي بسأل اذا تغيير الحليب ما يسويلها امساك *

 

[باقة ورد]

يعتمد حسب الطفل في اطفال يصير معاهم امساك لما يتغير الحليب و فيه لا بالعكس يرتاحون مع الحليب الجديد

 

[كـ غلا ــلي]

بالعكس نوفولاك واايد زين ولا فيه ريحه انا جربت كذا نوع الله لا يوريج شنو روايح ما تقولين اللي

اب هالقوطي حليب حتى ولدي ما كان يرضا يشرب حليب سوا اضراب فعندج احسن شي جربته نوفولاك وابتاميل

اما سالفه الامساك جذي ولا جذي راح يصير لانه الحليب صناعي فحال عطي عصير برتقال مخفف وانشاءالله

الامور بتنحل

 

[c a t w o m a n]

مافي حليب مو زين

كل ياهل يطيح عليه شي و ما يطيح عليه شي


إنتي غيري حليبه لما يرتاح على نوع معين

أنا غيرت الحليب من سيميلاك لي حليب أبتاميل سيميلاك ما طاح على عيالي كلله غازات غيرته لي أبتاميل كومفورت والحمدالله مشكلة الغازات انحلت

 

[أم شيــ@وخة]

مشكورين حبايبي على الردود والمشكلة غير اني احسن الي مو مستفيده منه انه مكلف وايد وصرنا بالشهر نقط على الحليب اكثر من ١٠٠ دينار لانه عباره عن تركيبة

 

[ام خدود ورديه]

بنات نوفلاك مو موجود بالتموين توني الاحظ انه وايد غالي
بس خوش حليب

 

[سارا ديور]

عندج حليب ابتاميل ممتاز

 

[Q.8.h.2]

نان متوفر بالتموين وخفيف وزين