استفسار عن تطعيمه!!

[هاشمية ولي الفخر]

السلام عليكم جميعا اخواتي
انا اختكم من السعوديه
وضعت مولودي البكر قبل 3 اشهر ونصف في كندا
واعطوه مجموعه من التطعيمات حق شهرين
بس هالتطعيمات ماكان من ضمنها تطعيمه الدرن
نصحوني مجموعه من الزميلات في الغربه اني حالما انزل السعوديه
اعطي ولدي تطعيمه الدرن طبعا بكندا وامريكا
مايعطون هاللقاح ابدا لان الدرن عندهم نادر بس سمعت
بالسعوديه موجود مع الخليج بكثره بسبب العماله
الوافده المهم رحت بولدي المستشفى وطلبت من الطبيب
يعطي ابني لقاح الدرن قال لي كل العالم بطلت تعطي
هالتطعيمه وانا اولادي ماعطيهم بس السعوديه والهند
لازالت تعطب هاللقاح وهو وجوده مثل عدمه وابدا
مامنه اي نفع بس لو تبغيها حعطيكم اياها لان شافني خايفه شوي

سوالي بنات صحيح مايعطون لقاح الدرن الحين؟!
اطعم ولدي ولا لا!؟؟

افيدوني الله يحفظ لكم فلذات اكبادكم
ريرزق المحرومين يالذريه الصالحه يااكريم

 

[انتيكا]

حبيبتي انا بالكويت وعطوا ولدي الدرن بعمر ٣ شهور حتى لو المرض نادر نصيحه طعميه بالعكس التطعيمات وقايه له ماتدرين شنو ممكن يصير مستقبلا الاحتياط واجب

الله يخليلج ولدج ويبلغج فيه

 

[حمرة الورد]

عندنا موجود ثلاث أشهر

 

[أم حسوون]

السلام عليكم ، لا زال موجود بالكويت ، وقبل كانوا يعطونه الطفل على دخلته الروضه اللحين لا وعمره ٣ شهور ، أنت استخيري وشوفي.

 

[مآيكبرني نك]

طعميه عشان يرتآح بالج

 

[CuTe KuwaiTia]

طعميه توكلي على الله

بالكويت موجود التطعيم و ضروري