استفسار عن امتحان الماجستير لقسم علم النفس كلية العلوم الاجتماعية

[Ms.LoL]

بشررررررررررررررررررررروا ؟؟؟

 

[mrs-yousef]

الله يستر انا كنت متوقعه اتينا اسئله اكثر من جذي عشان يعطونا مجال نبين لهم انا دارسين

انصدمت من الموضوعي ماعرفت احله كله تشير !!

وانتي شسويتي ؟
ومته موعد مقابلتج ؟.
وشنو تتوقعين يسالونا ؟

 

[Ms.LoL]

أهلييين
الحمدلله .. إنه مخلينا نختار من بينهم ..
يوم شفت الاسئلة اخترعت ولا نظرية جلفورد ..
وأول ما قال نختار استانست واي الحمدلله ..
بس لاحظتي الأسئلة محددة وايد .. ماتقدرين تفصلين !
يعني مثل سؤال أعراض الفصام ..
ما يترس صفحة !
أنا غصب مطيت الرد ..

وانصدمت من البنات يطلبون أوراق زيادة على شنوو ؟؟
وحدة طلبت 3 أوراق لكل مادة ما شاء الله !

الحمدلله مناهج موضوعي .. صج توهقت جم سؤال لأنهم شكلهم من الفصول المحددة

أما الاحصااء حدث ولا حرررج ..
ما هقييته جذي كلش !!
ولا اول سؤالين نسبي فتري مادري شنو !
وبعدين ما قالوا نييب حاسبه !
صراحة شيرت الاجابات ..
أزفت شي الاحصاء ..

لاحظتي كل مقرر أمبين إنه دكتورين المادة حاطينه
مثلا سؤال اكلينكي .. امبين السؤال الأول دكتورة أمينة السماج . .
والثاني دكتورة فاطمة ..

وأغلب الأسئلة .. واحد صعب واحد سهل ..

يالله الحمدلله .. عسى ما يدققون وايد ..

المقابلة ..
مادري ماعندي فكرة كلش /:
موعدي بال11
يقولون يسؤلونج ليش بتكلمين و شنو ودج تسوين و هالسوالف ..
بس شوية خمس دقايق لكل وحده !!
ما يكفي !

يبيلنا نسأل اللي دخلوا قبلنا شنو انسألوا !

 

[mrs-yousef]

انا هالسوال غثني نظرية جيلفورد مادرستها

حددددددي متحسفه

انا مقابلتي ١١:٤٥ اذا خلصتي مقابلتج طمنيني

 

[Ms.LoL]

بييه أنا دخلت عقب ساعة ..
الحمدلله .. مشى الحال ..
بس مادري هم يجاملون الكل ولا شنو !
يعني بينوولي إنه أدائي وردودي مقبولين ..
بس دكتور رمضان مشى ! مادري شلون بيقيمني !
ودكتور جاسم قال ما يبي يسأل .. بس كان يسمعني ..
ويحليلها دكتور حصة تريييح .. ^.^
حتى دكتورة هدى بعد ..

شفتي لما وهقووناا و قالوووا تكلموا انجليزيي !!
أشوه اني تهيأت من قبل و حفظت لي جم جمله !

النتايج ندورها بالجريده .؟

أكيد شفتج مع اللي ناطرين .. شكنتي لابسه ؟ d;

 

[mrs-yousef]

انا كنت لابسه نفنوف ابيض وجاكيت اسود


انا بعد حفظت لي جم جمله بس ما سالوني بالانجليزي ف يوم ييت اطلع قال خواجه ماسالتوها شي بالانجليزي ؟؟

فانا دايركت جان اقول اسمي وعمري ( في بالي نفس اسئله البنات لان كلهم عرفوا عن نفسهم )
جان يوقفني خواجه ويقولي منو قالج اني بسال هالسوال يالله غيروه سالوها شي ثاني
هههههههههه
فضحت روحي بروحي هههههه


بس صح كل من طلع من المقابله يحس انه قدم زين يمكن يجاملونا ً


انتي شنو كنتي لابسه ماعرفتج

 

[مشتطـه]

خرعتووووووووووووووووووووووني


صج الدراسه بالانقليزي
بعد الاعتماد الاكاديمي؟

 

[Ms.LoL]

هههههههههههههه
لا الدراسة مو بالانجليزي ..
بس في مواد لازم نترجم مراجع واايد و جذي ..

إي شكلهم كانوا يجاملونا ما تعرفين لو صج مستانسين عليج ولا لأ ..

أنا خواجة ما سأل شيي ..
بس دكتورة حصة و هدى ..

لووووووووووول قلتيلهم اسمج و عمرج .. عاد هذا مافي انجليزي .. الا عمرج
بس زين ضحكوا على الأقل ..
رمضان طلع من أول شي .. مادري شلون بيقيمني !

يوم دققوا على درجاتي ببعض المواد .. حسيت مالي أمل .. وانهم وايد يدققون ..
بس من تعاملهم .. تحسين خلاص استانسوا عليج !

يالله .. إللي الله كاتبه بيصير ..

ماذكرج حسافة \:
أنا كنت لابسه عباية d:

 

[mrs-yousef]

حته انا رمضان ماقيمني ....طاف
تهقين مته تطلع النتايج ؟

 

[Ms.LoL]

مادري والله !
يقولون خلال 10 تيام !
من صجهم يبون نقرا الجرايد وندور أسامينا .؟
عيل شحقه معطينهم أرقامنا ..!

 

[mrs-yousef]

بعد ١٠ ايام يخلصون تصحيح ويدزونها الدراسات العليا
وتعالي نطري وشوفي مته ينزلونها الدراسات العليا
في وحده قالت لي ان تاخذ لها شهر
العام نزلوا الاسامي باول ٦

 

[Ms.LoL]

وي لهالدرجة !
ذاك اليوم واحنا واقفين وحده قالت خلال 10 أيام تعرفين !
إنزين بيدقون علينا ولا شنو ؟
يعني شلو نعرف ؟

 

[mrs-yousef]

تنزل اسامينا بالجرايد وموقع الدراسات العليا
وماعندي فكره اذا يدقون علينا ولا لا

مليت وانا انطر ان شاء الله علا هالصبر في نتيجه

 

[Ms.LoL]

رحت لهم .. قالوا آخر شهر خمسة..
القسم دز النتايج ..
لكن اللي بالخالدية للحين ما خلصوا ..

إن شاء الله خير ..

 

[Ms.LoL]

أخيرا طلعت النتيجة تاريخ 28-5-2012
عقب شهر ونص ..
وهالمرة قابلين 20 من أصل 37 صح .؟
كنا جم . ؟ 40 ؟