استفسار عن الولادة القيصرية

[مألوفة]

السلام عليكم بنات


بنات انا حملت مرتين وولاداتي كانت طبيعية والحمد لله بس مشكلتي بنات واهي البواسير

بالولادة يطلعولي وامووووت منهم المشكلة الحين حملت وبفترة الحمل اطلعولي قبل الولادة عيل بالولادة شلون وخايفة منهم

فقررت اني اولد قيصري ولما كلمت الدكتورة قالت مو مشكلة اذا بعد ما تبين تيبين عيال بس بنات ابي شورتكم

وعندي جم استفسار


تنصحوني اني اولد قيصري ام لا

وشلون الم القيصرية وصج لازم ابرة الظهر لاني ما ابي بنج موضعي ابي بنج كامل فديتكم بنات لا تبخلون على بأجوبتكم فديتكم

والله يسهل لكل حامل ولادتها واللي يفرحكم بعيالكم يا رب :yaaaaaarb:
​

 

[غلاتي غلا]

اول شي الله يرزقني الولاده الطبيعيه يارب لاني ببجري عمليه
ثاني شي يا اختي احمدي ربج وبعدي عن العمليه
بغض النظر عن الاااام و و و اذا بتكلم انا عن الامها فيبيلي يوووم كاامل اشرح لاني صج تعبت فيها وتعبت من الكمام ماااحب اذكر ولادتي الاولي والسبه التعب اللي تعبته فيها وكله كوووم والترجيع بكوووم
خلينا من الامها

ياختي يكفي انها تحدد لج عدد الاطفال اذا ماصاار في مشاكل
اما اذا صار التصاقات وبلاوي واجد حدج حمله او ثنتين بس يعني فيها خطووو ره
نصيحتي لج اولدي طبيعي ان شالله وبعدها سوي عمليه البواسير
والله يسهل عليج ان شالله
ونصيحه كل ماثارت عليج البواسير غرقيها خوا جواا يرييييح

 

[ام الحلوااات]

اســمـــع ان الــقــيــصـــري مــعـــانــاتهـــا مــاتــخــلــص ونــصــيــحــتـــي الــطــبــيــعــــــي افــضـــل

 

[حرم راشد الماجد]

والله يا حبيبتي انا ماجربت الطبيعي وولدت قيصريه اللهم لك الحمد ماعانيت وايد يعني عادي طبيعي الالم بعد الولاده

 

[M!SS.LOBY]

سبحان الله وبحمده

 

[آخر حبيبة]

حبيبتي خلج عالطبيعي والبواسير سوي العملية بعد الولادة حرام تطلبين القيصرية ويمكن انتي مو محتاجتها

 

[بابريكا]

مرحبا
أنا والده قيصري .. أخذت ابرة ظهر وجذاب اللي يقولج اتخرع عاديه مافيها شي بالعكس شكلي كل مرة باخذها اهيا أفضل من البنج العام لأن البنج العام يسبب الكحه عقب والقيصريه إذا كحيتي تحسين بعوار جايد بس مع ابرة الظهر ما اتييج الكحه
وبالنسبه حق العوار وجذي .. عوار طبيعي بعد شاقين البطن .. بس مو شي خيال .. لا عادي اتصور مثل ألم الطبيعي 3 أيام ويروح العوار يبقى شي خفيف
القيصريه افضل حق الرضاعه لانج تقعدين على راحتج ما تتعورين وانتي اترضعين بسبة الخياط لان الخياط عالبطن فهمتي قصدي؟ ونفس الشي وقت دخلة الحمام وانتي بكرامة ماكو عوار بالعكس الوضع عادي
اللهم إلا الكرشه تضل معاج فتره أطول من الطبيعي يعني اللي يولدون طبيعي تروح كرشتهم أسرع .. بس مع الوقت والحركه والتخفيف تروح لاتحاتين بس أقصد إنها اتطول
بعد شنو يا ربي .. همممم مادري والله شقولج إذا عندج سؤال محدد سئليني
بس الصراحه كل شي طبيعي أفضل وإذا انتي حاصلتلج الولاده الطبيعيه فأنا أشوف إنها أفضل مثل ما قالو لان القيصريه تحد عدد مرات الحمل والولاده وإذا عالبواسير ويه ياما الاوادم اطلعولها و شالوهم بعمليه سهالات وإذا انتي اتقولين الحين وانتي حامل طالعين لج فماراح تفرق مع الولاده و سوي عملية البواسير مره وحده

 

[ناتشوو]

استشيري طبيبتج
شنو حل البواسير
شوفي اذا في مجال
حل لها
واكيد في حل طبي لها
لا تقترحين القيصري ع طول

 

[مألوفة]

تسلمون بنات والله انا مو خايفة من الولادة الطبيعية لاني ولدت مرتين طبيعي بس المشكلة بالبواسير لو تحسون بمعاناتي تعذروني

انا اقول الم القيصري ولا الم البواسير

المشكلة مع الخياط والبواسير بالمنطقة الحساسة تخيلو الالم حتى القعدة صعبة مااقدر اقعد ولو بس على جذي بالليل لو ما اروح المستشفى يقزوني ابرة ما اقدر انام وبس ابجي

عشان جذي فكرت بالقيصرية بس طمنتوني شوية اذا ما فيها مشكلة اقدر اسويها لاني ما احاتي عوار الخياط احاتي عوار البوااسيييير

 

[مألوفة]

حبيبتي ناتشو انا من احمل يطلعون لي

واحط دهانات ومراهم واشرب حبوب من السادس وهم بالولادة يطلعون لي وكبار مو صغار

ما خليت شي ما سويته بس الغلط اللي سويته اني عقب الولادة ما شلتهم ورديت حملت لو شايلتهم ما احاتي والله بس مافي حل غير القيصرية عشان اتجنب الالم

 

[مألوفة]

هلا حبيبتي بابريكا طمنتيني الله يوفقج يا رب

اذا عن الكرشة مو مشكلة انا اصلا ناوية اسوي عملية شد لبطني عقب الولادة اصلا انا عندي كرشة مع اني كنت اولد طبيعي بالنسبة لي نفس الشي ههههه

بس تقولين بنج موضعي يعني تشوفينهم اشقاعدين يسون ببطنج؟؟؟؟

يمة مابي اشووف

 

[بابريكا]

لا ماتشوفين يحطون ستاره بين الجزء الفوقي والجزء التحتي من الجسم يعني انتي منسدحه ولاتشوفين شي جدامج ستاره .. وخلي زوجج يدش معاج و قعدو سولفو على ما يخلصون هههه

 

[عسل حدي]

استغفرالله الذي لا اله الا هو عليه توكلت وهو رب العرش العظيم ولا حول ولا قوة الا بالله العلي العظييم ... اللهي هب لنا من لدنك ذرية صاالحة امييين يارب العااااااالمين

 

[زيووونتييي]

بغض النظر عن كل شي طبيعي الولاده الطبيعيه افضل

وبعدين يمكن هاذي ما تكون بواسير ساعات تكون لحمه زايده واذا شلتيها مع الحمال ترد تطلع انا جذي طلعت لي بعد الولاده ولما رحت وراجعت قالتلي الدكتورة هاذي مو بواسير هاذي لحمه زايده اذا شلتيها بترد تطلع

اولدي طبيعي احسن والله يسهل عليج ان شا الله

 

[انسام الكويت]

عالجي البواسير وارتاحي من همها لكن انج تطلبين تولد ين قيصيري عشان ماتحوشج البواسير مات درين يمكن تحوشج بواسير والتعب وآلام يصير دبل تعابلين بخياط البطن ولا البواسير حمدي. ربج انج تولدين طبيعي غيرج اتمنى تولد طبيعي وترتاح من شق البطن غير الكرشه غير الألم غير الاكل اللي ما تقدر تاكلهم غير وغير وماتدرين يمكن ربج ييسرها لج بالولاده وماتحوشج البواسير وبعدين البواسير ايي من الإمساك من تولدين طلبي حبوب ملينه عشان ماتحوشج بواسير بعد الولادة

 

[حكآية قلب]

شلونج مألوفه


تدرين ليش تطلع لج
لانج تحملين بعد ولادتج علي طول


اقل شي ترتاحين ٦ شهور


ياناس ترا الجسم له علينا حق والله


ترا ماااايثور البواسير غير الثقل و الحمل
و القيصري كلش لا تفكرين فيه دامج مجربه طبيعي

انا قيصري
صج عادي و اول ٥ ايام عوار
بسسسسسسسسسس تعب جسدي ٦ شهورررررر تخافين عليها



الله يسهل عليج

 

[كويتية بروما]

انا ولدت مرتين طبيعي

ومره قيصريه


واي فررررررررررررررررررق الطبيعي افضل بمليون مره
والبواسير نفس حالتج
بالطبيعي وبالقيصيريه معاناه حتى نزيف يحوشني منها دمممممممممممممممممم مو طبيعي والم
طلبي كريمات للبواسير وتحاميل من دكتورتج عقب الولاده تريييييييييييييح
وغسلي بماي وملح ومره ورا البواسير تخففففف وايد


واي من القيصيريه صارت فيني بلاوي ومضاعفات والرحم عندي تعب وصارت فيه بلاوي وامراض وسويت عمليات ترقيع للرحم وامنعوني من الحمال
سبحان الله لو ولدت اخر مره طبيعي ماتعبت كل هالتعب

لاتغامرين توكلي ع الله وولدي طبيعي والله يسهل عليج
وكل هدا اجر وعافيه
الله يوفقج

 

[mrs.abk]

أختي عالجي البواسير بالاكل .. اشربي مااااااااااااي ليوم المي .. ركزي على الالياف .. وفيه تحميل اسما نيوهيلار الدكتورة وصفتها لوحدة أعرفها وهي حامل .. تحاميل أعشاب هي ومرهم شاوري طبيبتج واستعمليهم ..

 

[mrs.abk]

صح بخبرج من تجربة اغلي الزعتر وسوي لج مغطس بماي الزعتر المغلي وماي بارد .. واقعدي فيه ربع ساعة .. بيريحج

والافضل تدهنين المكان دايما وتحرصين إن أكلج صحي ..

شوفي النظام الغذائي للبواسير وطبقيه