استفسار عن العبايه القطريه ..

[البارونة شوشه]

هاي بنات

حبيت اسأل عن العبايه القطريه من داخل اهي مكونه من قطعتين صح ؟ سروال وبدي مدري ايش ,ماعندي صوره واضحه للقطعه اللي فوق ,حبيت اسأل كيف شكلها وياليت اللي عندها صوره واضحه للقطعه اللي فوق تسدحها هووون وبكون شاكره لكم
ووين ممكن الاقيها بالكويت وبكم اسعارهم؟

 

[**اطيب قلب**]

هلا ياحياتي.. العبايه القطريه من داخل قطعتين
بنطلون وفانيله حفر والفانيله طويله شوي
حييييييييل روعه انا مسويتها عند محل البدر اللي بالجهراء

 

[**اطيب قلب**]

نسيت اقولج انا شريتها ب60 دينار...

 

[moOoca]

رد : استفسار عن العبايه القطريه ..

انا مافصلتها ماحبيتها احسها مو عباية <<:eh_s(4): وجهة نظر
بس حبيت اساعدج سالت القطعة اللي فوق تكون اما من نفس خامة العباية او اي بدي اسود يكون طويل شوي .واذا مو حابة تقدرين تسكرينها من فوق مثل هالعباية



اي محل عبايات قوليله يسويلج والاسعار حسب المحل والشغل

 

[نونه شقراويه]

اولا الي لابسه العبايه شييييييييييييييي مشاء الله في الملح والجمال :sfg: انا صراحه خقييييييت احب الملامح هذي

وثانيا العبايه خرافيه شي مش طبيعي ولاهوب مستغرب عليكم الذوق يابنوتات الكويت

 

[الهنووف الاصيله]

رد : استفسار عن العبايه القطريه ..

السلام بصراحه انا شفتها علي وحده رفيجتي مخيطتها عند ام احمد الجبلي بصراحه حيل ضابطتها وقصتها تجيب العافيه مسويتها 60 مع الملفع خامها مميز وشغلها نظيف ومرتب انا بسوي نفسها للافاده رقم المشغل 99019298

 

[البارونة شوشه]

رد: رد : استفسار عن العبايه القطريه ..

مشكورين جميعا
حمستوووني افصل هالموديل *_*

 

[ajmal wa7da]

رد : رد: رد : استفسار عن العبايه القطريه ..

ماشالله العبايات قصتها حلوة

 

[ام فواازي]

شخباري هالموديل اي شي هبو فيه الصيف اللي فات حزتها كنت حامل ماتصلح لي والحين موديها صار قديم

 

[منو انا]

صــآاآارت قديمــه

 

[{الجارحه}]

تلقينها بالمغاتير

 

[قطرة من سحاب]

رد : رد: استفسار عن العبايه القطريه ..

يبت لج كم صورة انشاء الله تعجبك​