استفسار عن السونار الداخلي بليييز الكل يدش

[البارونة شوشه]

مرحبا

حبيت اسأل عن السونار الداخلي يعني يدخلون شي داخل الرحم والا بس اشعه تلفزيونيه؟
وثاني شي انا بعد ماتخلص دورتي بيوم بروح المستشفى عشان اعالج الالتهابات اللي عندي هل عادي اروح بعد ماتخلص بيوم عشان تاخد الدكتوره مسحه للافرازات والا وقتها بكون ناشفه ومابستفيد شي ؟

يزاها الله الجنه اللي بترد علي

 

[الأميرة جوري]

الداخلي يدخلون جهاز عادي مايعور ..والافرازات اعتقد عادي بعد الدوره بس سالتى دكتوره افضل

 

[البارونة شوشه]

يمه خفت يعني يدخلون جهاز
وبصراحه مليت ناس تقولي عادي الافرازات بعد الدوره وناس تقول لا اللي عادي الافرازات قبل الدوره , لان مشكلتي الافرازات تجيني قبل وبعد الدوره عشان جديه بروح اتعالج اخاف في رحمي شي
راسي دار ومتضايقه من هالافرازات الله يعين

 

["*آآآنؤؤؤقهـ*"]

ليش تخافين ترا عاااادي ،، مايخوف حبوبه ،، ولا يعوور

روحي من ثاني دوره احسن لج ،،، وتعالجيين بالدوره احسن لج

والله يشافيج

ويشافي االجميييع

 

[H&M love]

السونار الداخلي حدة مايخرع ولا يعور

سألي دكتورتج احسن اهي اللي عندها الاجابه

 

[البارونة شوشه]

ليش تخافين ترا عاااادي ،، مايخوف حبوبه ،، ولا يعوور

روحي من ثاني دوره احسن لج ،،، وتعالجيين بالدوره احسن لج

والله يشافيج

ويشافي االجميييع

هلا قلبي ,الحمدلله دامكم اجمعتو انه مايعور تطمنت اشوي فديتكم
بس اشلون اتعالج وعندي الدوره لانها بتاخد المسحه لازم مايكون فيه دم مو؟ والا اشلون ماعندي فكره

 

[3aSaL Q8]

اذا تبين تتعالجين اوشيكين على هرموناتج ورحمج والمبايض تراجعين ثاني يوم الدوره علشان الدكتوره تسويلج الفحص الداخلي وتكشف على الرحم والمبايض وبعدين مثل تعطيج مواعيد تحاليل تسوينها تشوف فيها انتظام هرموناتج وتبويضج
بالنسبة للالتهابات اي يوم بس بعد الدوره ما تخلص ( يفضل بعد الدوره على طول) علشان لا سمح الله اذا فيج التهابات تعطيج كورس العلاج على حسب نوع الالتهاب والفطريات والبكتيريا اللي حايشتج والعلاج عباره عن حبوب مضاد حيوي وتحاميل مهبليه
والالتهابات لا تستهيينين فيها لانها لاقدر الله تسوي التصاقات بالانابيب والتهاب بالحوض وتسبب قرحة الرحم
وخلال فترة العلاج من الالتهابات ممنوع الجماع لان الاتهابات تكون معديه للطرفين
في بنات ساعات يتعالجون من الالتهابات وتردلهم بسبت ان الزوج في التهاب ويعاديها كل ما تتعالج فلازم الزوج يتعالج بعد وهالشي الدكتوره تقرره اذا الزوج يحتاج يتعالج على حسب نوع الالتهاب اللي المريضة مصابه فيه
وبعد المعالجه من الاتهابات في دكاتره ينصحون عمل أشعه صبغه للرحم علشان اذا كانت الاتهابات وايد قويه ومؤذيه يمكن مسببه التصاقات بالانابيب تمنع الحمل فاشعة الصبغه تبطل الانابيب
اتمنى اكون فدتج وانشالله يارب مايكون فيج شي وتكون مجرد افرازات عاديه

 

[ام الحلوااات]

انـــا الــدكــتـــوره وقــــــت الـــدوره قـــالـــت لـــي تـــعـــالـــي بــــعـــــــد الـــدوره مــبــاشــــرة عـــشـــان اعـــالـــج الالــتـــهـــابـــااات​

 

[البارونة شوشه]

مشكورين يعطيكم العافيه