استفسار عن الرشاد

[omzayed]

السلالالالالالالالالالالالالام بنات

انا كان عندي سؤال

اشلون استخدم حب الرشاد

يعني قبل لا استخدمه اغسله او انقعه من الليل لاني شاريته من الحواج

لاني بحطه مع التمر

اذا نقعته صار كله ماي و خرب التمرة

ممكن تساعدوني
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟​

 

[قلب امي]

مرحبا حبيبتي نعم اغسيله با الماء وحطيه في الشاخول حتى يطلع الماء بعدين جيبي اي قطعه قماش وفرديه فوقه وخليه با الشمس شوي او اذا عندك مروحه يا يبيله يوم كامل بس لاتنسين كل شوي حركيه عشان ما يصير رطب من تحت وبا العافيه على قلبك

 

[عسولة ودلوعة]

انت بتطحنينه وبعدين تعجنينه مع التمر؟

 

[عسولة ودلوعة]

قولي حق شنو عشان اقدر افيدك
وسلامتك

 

[omzayed]

انا بغسله عشان اعجنه مع تمر و زبدة واكله ايام الدورة

 

[نسكافيه بالحليب]

اللي اعرفه ان الرشاد ما ينغسل

 

[زوزونوفا]

شوفي ياقلبي
اذا تبينه ايام الدوره
فكل ما عليك هو الاتي:
1ملعقة رشاد حب غير مطحون
7تمرات
1ملعقه سمن بلدي او زبده
اكاس حليب
نص ملعقه صغيره فلفل اسود
نص ملعقه صغيره قرفه مطحونه
الطريقه:
تسخنين جميع المقادير على النار ما عدا الرشاد
والتمر طبعا تشيلين النوى منه
بعدين تصفين المشروب وتتركيه الين يدفى
ما يكون حااار مره
وتلهمي ملعقة الرشاد عليها تشربي كاس الحليب اللي عملتيه بالتمر
وتشرب ثالث يوم بالدوره

والرشاد يحتوي على زيوت طياره اذا عرضتيه للشمس او الهواء راحت فايدته
اشتريه من عطار مضمون ولاتغسليه ولا شئ

 

[القبله]

حبيبتي الرشاد ما ينغسل

 

[@@@ام حمووودي@@@]

شوفي غسليه وشلون راح يصير راح تنتفخ الحبة ...

أصلا ما ينغسل ...............

 

[مسك الزهور]

لا يالغاليه ما ينغسل راح يخرب ويتنفخ عليك اشتريه من حواج نظيف ومضمون وبس

عليك بالعافيه

 

[بناتي حبيباتي]

ممكن اعرف شنو فوائد الرشاد ؟

وليش استعمله ؟

ومتى استخدمه ؟

 

[>>روضـة الحسـن<<]

ماينغسسسسسل

اخذي منه شوى وحطيه ع التمر واكليه

 

[دانات]

انا ماغسله اعجنه مع التمر واسويه مثل الكور واكله مع القهوه وبالعافيه

 

[سمار الشمس]

عمري ماسمعت انه ينغسل

 

[ملاك-77]

الرشاد ماينغسل لان عليه طبقه هلاميه شفافه تخترب اذا حاشها الماي او اي سائل

اشتريه من عطار ثقه