استفسار عن الربط لجهه حكوميه

[كويتيه طموحه]

السلاااام بنات حبيت أسأل عن الربط يعني شفايدة الربط دام الرقم يزيد ويقل يا يصعد أو ينزل يعني الحين الشهر الياي يصيرلي سنه وآنا رابطه ولا صار رقمي 1 والحل يعني ؟؟ وآنا الصراحه مابي أفج الربط مابي أنقط بمكان دايخ لانه الديوان يقطون أي مكان والسلام ... الربط له علاقه بالرقم ولابس جذي قاعدين يمشون ربعهم واييبون كتب وناس ترد قري نفس حالتي يعني اشذنبي ناس ترفض الجهه الي طلعتلها ويرد رقمي ورى بدال لايقل والله الواحد بينفجر من هالسالفه .

 

[كويتيه طموحه]

اب اب اب اب اب اب اب اب

 

[Lady Sweet]

فكي الربط لانج صج راح تتنقين ... او فكي عمرج وجيبليج كتاب ترشيح اذا تبين تروحين مكان معين

 

[السمبتيك]

بالربط يمشي الرقم بس اذا قدروا الي قبلج اييبون كتاب ترشيح

انابرايي تشيلين الربط وتروحين اي وزاره يحطونج فيها بعدين نقلي لوزاره الي تبينها جذي اسهل

 

[Lourdez]

حبيبتي ييبي واسطة يسوونلج كتاب ترشيح انا سويت ربط و الحمدالله توظفت بالمكان اللي ابيه بس لازم واسطة و لا تنطرين وايد حرام

 

[بشغلك عنهم]

بنات الربط شنو تقصدون فيه لا يكون الرغبات انا حاطه اربع رغبات التربيه والاوقاف والاشغال والشؤون ومسويه كتاب ترشيح للاوقاف له سنه بس مانفع هالكتاب بس ياليت تفيدوني عن شنو الربط

 

[Lady Sweet]

الربط لازم يكون طالع اسمج مره ... بعدين رفضتي اهني نسوين ربط. على وزاره الي تبينه
بس استقبلي سنه سنتين ثلاث سنوات على ما الوزاره تطلب تخصصج .. تبط جبدج على ماتتوظيفن الا اذا كان عندج كتاب ترشيح
وهذا بطلعت الروح واسطه وحب خشوم يعطونج الكتاب

 

[fun]

بالربط يمشي الرقم بس اذا قدروا الي قبلج اييبون كتاب ترشيح

انابرايي تشيلين الربط وتروحين اي وزاره يحطونج فيها بعدين نقلي لوزاره الي تبينها جذي اسهل

بس النقل مو سهل
اتوقع لازم سنتين خبره و بعدها تقدرين تنقلين

هذا اذا قدرتي لازم واسطه

فا من البدايه ييبي واسطتج لا تتدبسين بالوزاره

 

[عادت ذكرياتي]

صبري حبوبة وربج كريم