استفسار عن الدكتوره شيرين ابو الفتوح

[درهما]

صباح الخير
بستفسر عن الدكتوره شرين
انا ابي اشد بطني وارفع اردافي واتفخهم
منو سوا هالشغلتين عندها وجم تكلف
دقيت عليها امس وعطتني موعد شهر 9 لانها بتسافر 7-7
وراح تستقبل شهر 9

 

[المستغفرة 74]

شوفي انا جربت عندها الزنود بصراحة ما عندها التنسيق ايد ضعيفة وايد متينة وشفت بنات مسوين عندها شفط وشد بطن وهم يشكون بعدم التنسيق يعني صوب مشدود وصوب مترهل
الله يسامحها ولو ينعاد الزمن ما سويت عندها
ونصيحة للامانة ابعدي عنها انا ما اقطع رزقها بس لاني مجربة شغلها على نفسي
وانتي كيفج
شوفي قطينة او تقي والاهم استخيري

 

[amoonh-87]

معقوووله عاد وايد بنات هني يمدحون شغلها زين بلغتينا عاد انا حاطه مو عد معاها قريب

 

[اثير الدلع]

حبيبتي انا سويييت ظهري شفط عندهاااا للحين مورم ظهري بس مبين ناحتته عدل

 

[my dreams]

انا سويت عندها تكبير صدر الحمدالله

كل شي تمام حتي الجرح ما ششالله نظيف وخط خفيف

بس بشي ثاني مادري والله

 

[BlackRose]

انا شديت بطني عندها

لوعة

السرة عوية

الخياط دراعة

مو شادة لي فوق المعدة بس الكرش من تحت

الاخت ناسية تشيل الجوانب وناسية تنحت الخصر

حرام عليها 2250 دينار اللي خذتهم مني

 

[** رش رش **]

عفيه بنات لا تخوفوني اكثر
انا مسويه عندها شفط لي 3 اسابيع و للحين ما بينت النتيجه بس عندي امل ان بعدين بتبين

 

[my dreams]

بلاك روز امبييييه من صججج

يمكن مو شاطره بالشد !!!!!!!

 

[كماشه]

ويه ويه الحمدالله ماتهورت وسويت شد عندها بس بالشفط والتفخ شغلها حلو

 

[Reem_q8]

خرعتوني كنت حاطتها في بالي

 

[dectora 7elwa]

كل دكتور
ينمدح بعد فتره تطلع عيوبه
الله يستر لازم ما نستعجل
مشكورين بنات على تجاربكم

 

[أميرة طفولتي]

انا سويت عندها شفط زنود وماشالله للحين شغلها حلو

الظاهر والله اعلم من التجارب الي اقراها انها شاطره بالشفط بس مو بالشد !!

 

[المستغفرة 74]

والله يابنات سوتلي تفخ للشفايف ومن طلعت من عندها بساعتين فشو ورديت لها بعد اسبوع وهم ردت اتفختهم ونفس الشيء
وحرمت اروح لها مرة ثانية .