استفسار عن الدراسات العليا

[الجوهرة المزيونة]

السلام عليكم ورحمة الله وبركاته

بنات حبيباتي ابي اسال اللي عندها فكرة عن الدراسات العليا
انا مدرسة انكليزي وصار لي 6 سنين بالتربية ودي اكمل ماجستير ومعدلي العام مايسمح مع اني اداب انكليزي رحت لادراة التعليم العالي بكلية الهندسة قالوا مافي يبون معدل عالي ابي طريقة اقدر اكمل فيها

فـــــــــيــــــــــــــــــــدوني تكفون

 

[fri2010]

اشلون يبون معدل عالي!

انا اللي اعرفه معدلج العام لازم يكون من 2.67 وفوق

وتجتازين التوفل

 

[بنات حواء2]

سؤال اذا ابي استفسر منهم وين اروح الهندسه
انا اقتصاد منزلي كلية التربيه الاساسيه و معدلي فوق 3 نقاط

 

[Miss_Soso]

حبيبتي الي قالولج ما يصير روحي الدراسات العيا الي بالجامعه كلية الخالديه مره ثانيه سأليهم يصير تدرسين بالجامعه ماستر (( غير مقيده )) على حسابج بفلوسج ... او روحي التعليم العالي شوفي شنو الجامعات الي معترف فيها ... وسأليهم لازم تروحين عن طريقهم ابتعاث ولا عادي تسافرين للدوله الي فيها الجامعه المعترف فيها و تدرسين و اذا خذيتي الشهاده تعادلينها منهم

وشوفي نظام الانتساب معترف فيه ولا لأ و في طلبه يسجلون انتظام بس يتفقون مع الجامعه و ينسقون على اساس انتساب

فعشان هالسبب ايضا :-
روحي الفتوى و التشريع بالديوان سأليهم لو يبتي ماستر بعد جم سنه ان شاء الله يعدلون درجتج ولا لازم يكون ماخده تفرق دراسي عشان يعدلون درجتج من الديوان و يضيفون الماستر لج .... و هم هالسؤال سألييي في وزارة التعليم العالي شرط تاخذين اجازه ولا موشرط عادي تجمعين بين الوظيفه و الدراسه وقت الاختبارات بس تقدمين اجازه لان خوفج ما يعدلون الدرجه لو كان رايحه بدون اجازه و يقولون موظفه على راس عملج اشلون يبتي ماستر .... الخ

وهم سألي الشؤون الوظيفيه بالتربيه
و احتاط هم سألي بالجابريه اداره التنميه و التطوير الاسأله السابقه و سأليهم بعد يصير اهم يبتعثونج على حسابج ... و عطينا الاخبار لتعم الفايده لان هم انا بكمل بس ما عندي سياره اروح اسأل
واذا تبين اكثر اكثر سألي الاداره القانونيه بالتربيه بعد

 

[(كويتيه عسل)]

شلون تخضصج ادبي في الثانويه والبكالريوس انجليزي وتدرسين هندسه مايصير

 

[Miss_Soso]

^^^^^^^^^^^^

لووووووووووووووووووووووووووووووووووووولز حبيبتي البنيه تقولج راجعت ادارة التعليم العالي في جامعه الكويت بالخالديه كلية الهندسه مو تبي تدرس هندسه

 

[Q8Buying]

أتوقع كلام مس سوسو زين ..

يعطيها ألف عافية يا رب

كلش كلش راجعي الجامعات الخاصة

 

[مانجه]

حبيبتي يعتمد انتي شنو مقررة تكملين ووين ؟؟
اذا مقررة تكملين ماستر بالتربية اعتقد ما يصير لان لازم يكون عندج دبلوم تربوي
اما اذا بتقدمين ماستر اداب انجليزي فسألي عن شروطهم من خلال كلية الدراسات العليا وطبعا احد اهم الشروط المعدل ( اي ان يكون معدلج جيد جدا ) وطبعا والاولوية للمعدلات العالية .
اما اذا معدلج مو جيد جدا وتبين تكملين اول شي قرري الدولة والتخصص ،
وسألي الديوان ( ديوان الخدمة المدنية )
ووزارة التعليم العالي
وادارة التدريب والتطوير بالجابرية

والله يوفقج

 

[+بسبوسة+]

الماجستير الي على حسابج في جامعة الكويت وقفوه حاليا

درسي ماستر بره الكويت انتساب مصر

ولندن عندهم ماستر اسمه سمر بروجرام يعني بس بالصيف تروحين بس مدته اطول سنتين او ثلاث وهذا بعض الجامعات تقدمه



والله يوفقج

 

[الجوهرة المزيونة]

يعطيكم العافية انا مابي ادرس هندسة انا قلت لج رحت لكلية الهندسة لان ادارة الدراسات العليا عندهم بالخالدية عرفتي ياقلبي واهم اساسا واعدوني شهر 10 الياي قالوا استفسري يمكن نفتح لغير المقيديين والله كريم واذا في اخبار جديدة راح ابلغكم

 

[بنات حواء2]

محد رد ععلي مشكورين
صح اهم شي ناخذ فايدتنه مالنه شغل بفايدة غيرنه
الانانيه شلون قايله
يعطيكم العافيه

 

[الجوهرة المزيونة]

كل شي الا زعلج ياام زنوب حبيبتي مس سوسو ماشاء الله كفت ووفت عسى الله يوفقها دنيا واخرة
واذا بتسالين روحي كلية الهندسة والعلوم في الخالدية صوب النافورة تدخلين المبنى وتروحين فوق صوب الدراسات العليا وتسالينهم واحاول ادبرلج رقمهم يالغالية

 

[kuwait_queen82]

الجوهره ليش ماتكلمين في بريطانيا و اتوقع يعطونج فاونديشن ير بعدها سنه ماجستير ؟

 

[TIC TOK]

رفع رفع

الموضوع مفيد