استفسار عن التحليل الرقمي

[كويتية..]

السلام عليكم ورحمة الله

عزيزاتي بغيت اسالكم عن تحليل الحمل الرقمي..
دورتي هالشهر اما تيي 2\ابريل او 12\ابريل
فرحت سويت تحليل الحمل الرقمي تاريخ 23\مارس ((هالشهر))
وطلع صفر..فهل هذا يعني اني موحامل اكيد؟؟ او انه احتمال يكون في حمل بس ما بين؟؟
تكفون ابي اجابة تعبت

 

[Swan]

وعليكم السلام ورحمه الله وبركاته
ممكن تطلع النتيجه ايجابيه قبل الدورة باسبوع
بس انتي عيدي التحليل اذا تأخرت عليج اسبوع عشان تتأكدين
لأن ممكن يصير الحمل متأخر فما يبين بالتحليل خلال هذي الفتره

والله يرزقج ويرزقنا الذرية الصالحه

 

[Sweet-Heart]

هلا وغلاا حبيبتي

عسي الله يكتب لج الحمل في القريب العاجل ان شاء الله

بس توقيتج للتحليل بدري وايد

يعني قبل الدورة بيومين أو ثلاثة ممكن يبين في تحليل الدم

أما التحليل المنزلي لازم يطوف علي الدورة 10 أيام أفضل

وان شاء الله يكون حمل ونفرح فيج يا قلبي

 

[كويتية..]

السلام عليكم

Swan
مشكورة على ردج عزيزتي والله يسمع منج يا الغالية


ريم
اختي انا اقصد التحليل الهرموني اللي يطلع نسبة الهرمون بالارقام
قالولي انه يطلع النتيجة ومضبوط ،، وبيني وبينج انحبطت لما دريت انه دقيق
فقلت اتاكد منكم يمكن في وحدة صار فيها نفسي وطلعت حامل بالنهاية

ومشكروة حياتي

 

[$غــ(ز)ــل$]

اللي اعرفه التحليل الرقمي يبين قبل موعد الدوره ب10 ايام اذا حامل ولا
وانتي تقولين دورتج اما 2 او 12 -4 يعني بعيد واحتمال انتي الحين بموعد التويض وماصار حمل للحين او توه الحمل صارلها يوم او يومين
لاتستعجلين حبيبتي
وانسى التحليل الحين واذا تأخرت عليج سوي تحليل
لاتسوين من الحين وتتحبطين
والله يرزقج ان شااءالله عاجلا غير آجل

 

[كويتيه مذهله 87]

لا حبيبتي استعيلتي علي التحليل

حتى اذا حامل ما يبين


لا بعد دورتج علي الاقل ب3 تيام حللي

وانشالله حامل يارب

 

[أمونة الحلوة]

ربي يرزقج بالذريه الصالحه يارب

 

[badrah]

الله يرزقج يا رب

بس ترى وايد استعيلتي

 

[كويتية..]

السلام عليكم

مشكورين حبيباتي على المرور الطيب..
ولا تلوموني اذا سويت التحليل بهالسرعة..
ابي طفل :0bee2e8d89:
الله يرزقنا جميعا وما قصرتوا عزيزاتي

 

[زنوبة الحلوة]

الله يرزقج انشالله بالذرية الصالحة يارب

بس احتمال تكونين حامل نطريلج بعد جم يوم وسوي التحليل مرة ثانية

والله كريم انشالله تبشرينا

في ناس ما يبين معاهم الحمل مبجر حتى بتحليل الدم

 

[ModaQ8]

الله يرزقج انشالله وتكونين حامل يارب