استفسار عن الإجازاة ..

[Q8Lady]

مساء الخير


خواتي المعلمات


بغيت أستفسر عن شغله واتمنى اللي عندها خبرة بهالشي تفيدني


بنات أنا خلصت طبياتي ال 15 يوم كلهم وغبت بعدهم 4 أيام وخصموا علي شهر 9

المهم أنا الحين يوم الاحد باذن الله بسوي عملية وبدخل المستشفى

سؤالي ...

بعد العملية اذا كتبولي خروج من المستشفى باذن الله مابي اداوم على طول هل يصير اخذ فترة نقاهه وتنحسب ضمن ال 30 يوم طبيات دخول المستشفى ولا راح يحسبونها من ال 15 يوم نص راتب ؟؟؟

انا ماني عارفة الطريقة شلووون

يعني اذا طلعت من المستشفى لازم اداوم على طول ولا اخذ طبيات ويخصمون علي !!!

رفيجتي قالتلي ان حماتها سوت عملية وثاني يوم طلعت وكتبولها نقاهه وماخصموا عليها !!!

أتمنى تفيدووووني باسرع وقت شلووون بيحسبونها وانا ومخلصة طبياتي

وماتشوفون شر

ودعواتكم لي

 

[ام عيالها الغاليين]

لاحبيبتي الطبيه اللي مالت العملية ماينخصم منها

والراحة بعد العملية بعد ماينخصم منها بعد انا ماخصموا مني

وسألت السكرتارية عندنا قالولي نفس الكلام

و رفيجتي بعد غابت 30يوم عشان عملية بالقلب ونقاهه وما خصموا منها

 

[Q8Lady]

مشكووورة حبيبتي بس متأكدة لان انا مخلصة طبياتي ومابيهم يخصمون علي !!

 

[قمر الكويتية]

رد : استفسار عن الإجازاة ..

الله يوفقك ويشافيك ويعافيك

ما عندي خبر ما أعرف

ممكن تروحين المنطقة التعليمية عند الإجازات والدوام تسألينهم

و ممكن تسألين سكرتيرة المدرسة أكيد تعرف