استفسار عن ابرة الظهر تكفووون دلوووني

[حبيبه قلبه]

السلام عليكم

بدخل بالموضوع على طول

انا قريب ان شاء الله بدخل الشهر التاسع

وحاطه في بالي اني اخذ ابرة الظهر وقت الولاده

انا سألت عنها الدكتوره ونصحتني فيها

وقالت ليه تتألمين وتتعبين وفيه الولاده بدون الم

بس في نفس الوقت انا خايفه

لان صديقتي خذتها ولما جاء وقت خروج الجنين وقالوا لها دفعي تقول ماحسيت انه بيطلع

وماعرفت ادفع فاضطروا يولدونها قيصري لانها ماقدرت تدفع وضعف نبض البيبي

بس يمكن ماعرفت تدفع لانها كانت بكر


والله مدري محتاره

ياليت اي احد جربها او سمع عنها يقولي تجربته

والله يعطيكم العافيه

 

[قطرة مطر83]

رد : استفسار عن ابرة الظهر تكفووون دلوووني

الله يهون عليج حبيبتي

عن تجربه اخذيها تراها احسن من الكمام " هاذا رايي "

و ارشح لج رويال حياة عند طبيب التخدير الخطيب ممتاااز

 

[حبيبه قلبه]

الله يجزاك خير

 

[أم عبود 2011]

رد : استفسار عن ابرة الظهر تكفووون دلوووني

حبيبتي الإبرة أماااااااااااااااان وما منها خوف أصلا رحمة من الله للحريم
وبعدين بالنسبة لرفيجتج يمكن من الخوف ارتبكت وما عرفت تدفع لأن أصلا الإبرة تشيل عنج الإحساس بالألم بس بنفس الوقت تخلي الأعضاء تتحرك

اخذيها وتوكلي على الله ماكو إلا العافية

 

[فرفوووشة]

رد : استفسار عن ابرة الظهر تكفووون دلوووني

صح من الخوف.. انا توني والدة و خذيتها و من الخوف ما قدرت أضغط خايفة اني اتعور,, و سحبو حبيبي البيبي بالشفاط و الحمداللة تمت على خير.. بس ترى حزت طلوع الراس راح تتالميين بس اهون بوااااااايد

 

[nana loly]

عن تجربه اخذيها

انا قيصري وخواتي ثنتين وحده بجر خذتها و وحده عيالها الاثنين كلهم اخذت ابرة ظهر


اريح الف مرة من الكمام


واللي ماجربها بذمها بس اللي جربها يعرف انها مريحه ومامنها مضره

 

[Tom ♥ Jerry]

رد : استفسار عن ابرة الظهر تكفووون دلوووني

.


انا فكرت اني آخذها بس مرت رفيج ريلي خدتهآ و بعدها انشلت :/
صار فيها شلل نصفي .. :| خفت صراحه و هونت !
يمكن الدكتور الي طآقها الآبره مو طآقها عدل
حلوه طآقهآ


:blueSmCLR:


الله يقومج بالسلامه !

مو قصدي آخرعج بس قلت الصج :fun:

 

[ام وريف]

بنت خالي اخذتها تقول مررره حلللوه تهدي الالم بس تحس بالم خفيف
لكن الاهم تختارين دكتورر مجرررب

 

[Beverly Hills]

جربي الكمام وعن لابرره خذتها وفعلا إبرة رحمة
وقولي يخففون مزة طلعة البيبي بتحسين خفيف
موفقه

 

[Beverly Hills]

جربي الكمام وعن لابرره خذتها وفعلا إبرة رحمة
وقولي يخففون مزة طلعة البيبي بتحسين خفيف
موفقه

 

[موله الكويت]

توكلي على الله واخذيها ماراح تحسين بشي ابد وماعليج بلي يقولج ماقدر ادفع انا ماحس بشي بس قعدت اسوي بوش لين ربج سهل عليج وان استصعب عليج باسوء الحالات يتم سحب البيبي وهذي مافيها خطوره ابد
الله يسهل عليج ان شاء الله

 

[لمسة انثي]

ابرة الظهر ابــــــــــد مافكرت اخذها الكمام احسن شي اعرف ناس خذوها وللحين ماحملوا ونااس يتلهم عورات بدوره والعمود الفقري وي وي شبي بالاذيه الكمااام روعه الالم ماتحسين فيه والالم اللي تحسين فيه مغفره من ربج واجر :yaaaaaarb:
وقبل كل شي الحمل كله تعب واجر ان شاءلله من رب العالميييييييييييين و:denya: وصدقيني لحظه حلوه لما تيي الحزه تشرف البيبي :lololoe:

 

[_ظل الياسمين _]

لعبت بظهرى وكل مااروح لدكتور يقولى مافيج شى شلون وانا احس بفقره ظهرى مورمه..

الله يعين خلج بالسيف سايد احس وربى يهون عليج.

 

[لمسة انثي]

اب اب :n2006107:

 

[Om-Faty]

رد : استفسار عن ابرة الظهر تكفووون دلوووني

انا كنت خايفه اخذها وقلت حق الدكتوره مابيها راح انشل
قالت توني معطتها حق 2 ومافيهم الا العافيه
وريلي راح وقع ولا خذا رايي لاني خوافه ولو معطيني ويه وناطريني جان ولدت قيصريه
واستسلمت والحمدلله لاني توكلت ع الله
انا خذيتها بالسلام عند الدكتور امير وايد ايده خفيفه ماشالله وما حسيت الا اول شي وخفيف
ووقت البوش بالعكس انا قدرت اتحكم بنفسي وحسيت بس براس البيبي خفييييييف
صج ان العوار اذا تعذبتي فيه لج اجر وانا بغيت الكمام بس كان يخنق وريحته قاز والدكتور قال اذا انتي جذي خوافه انا مضطر اولدج قيصريه او تاخذين الابره عشان جذي خذيتها لانهم لو ناطريني جان ليلحين ما ولدت :cxxxp:
استخيري وانشالله خير

 

[ام دودو المزيونه]

انا خذيتها بالحكومة بعد بس كنت قيصرية والله انها مريحه باعيالي الأولين كنت تخدير كامل ما شفتهم لحظة ولادتهم وبولدي الثالث كنت ابي لحظة البيبي لما يطلع من بطن امه ويبجي بحس بهاللحظة وفعلا عطونياها وكنت امصحصح عدل واسولف مع الدكتور بس ما احس بأي الم وتحققت امنيتي وسمع صوت ولدي لما طلعوه احلي لحظة
ويا حياتي كنت خايفه من الي اسمعه عنها وانها ممكن تسبب شلل وغيره بس شفت حماتي اجبن مني ماخذتها وبالحكومة تشجعت وطلبتها بدال التخدير الكامل توكلي علي الله ما منها ضرر

 

[كويتية ورديه]

اب اب

 

[ديانا سبنسر]

:n2006107:

 

[om al ghaleen]

حبيبتي اذا بجر ماانصحج تاخذينها لانج ماراح تقدرين تشدين معاهم
انا اخذتها اخر ولاده وضيعت الصراحه فقصت بنتي ولاعرفت اسوي بوش

والابره راحه صج صج ماتحسين الا بطلق خفيف "
والله يسهل عليج يارب

\\

 

[حبيبه قلبه]

الله يعطيكم العافيه

انا والله الدكتوره مشجعتني عليها

وكتبت بملفي عشان يعطوني اياها وقت الولاده

يااارب ان كان فيها مضره تبعدها عني

وان كان فيها خير وراحه ان شاء الله ربي يكتبها لي واخذها

وربي يهون علي وعلى جميع الحوامل

مشكورين ماقصرتوا