استفسار ضروري طمنوني بليز

[احلى ديما]

بناإاإات بليز طمنوني والله قاعده احاتي حييييل
اليوم رحت مراجعة عند دكتورة نهلة بطيبة كلنك سوتلي سونار خذت قياسات.البيبي قالتلي ان قياساته زايده اسبوع وجم يوم تقريبا عن حسبة الدورة يعني انا المفروض الحين 26 اسبوع وجم يوم والقياسات.بالسونار تطلع 28 ويوم او يومين جذي عرفتوا بنات ؟؟ وبعد الوزن كيلو و100 جرام وانا بعدي مادشيت السابع قالتلي.المفروض يكون اقل.وصج لما.سويت سيرج مكتوب ان هالوزن حق 28 اسبوع تقريبا !!!!!
طمنوني بنات هالشي طبيعي والا لأ ؟؟ اهيا كتبتلي على تحليل سكر وسونار تفصيلي والوالدة الله يحفظها تقول هذي عيارة الدكاترة عشان تسوين تحاليل ومادري شنو انتو شرايكم بنات ؟ في وحده جذي مثلي ؟

 

[*ضيفة*]

والله مو دائما السونار دقيق مرات يقولون البيبي حجمه كبير ويجي يادوب ضمن الوزن الطبيعي
ان شاء الله خير بس اهم شي سوي تحليل سكر الحمل لانه لاسمح الله اذا في سكر هو اللي يزيد وزن البيبي

 

[Tic_Tac]

والله ما عندي فكره بس السونار دايم يكون ادق من الدوره بالحساب
يعني انتي امشي على كلام السونار انتي حاليا ٢٨ اسبوع

بس انا ما اثق في دكاترة طيبة كلينك روحي مستشفى ثاني احسن لج وتطمني


وان شاءالله ما فيج الا العافيه

 

[شواااقه^-^]

انشاءلله مافي الا العافيه بس سوي السونار والتحاليل عشان اتطمنين اكثر

 

[-فلانة-]

حبيبتي..
قياسات الطفل اللي تحدد عمره تكون مضبوطة على الأسبوع ال 12 و بالكثير 13..
عقب جذي يصير صعب حيل إنهم يحددون عمر البيبي بالضبط من خلال القياسات..
بالإضافة لهالشي..نظام السونار عندنا ماشي على النظام الأمريكي.. وهالنظام دايما قياساته أكبر من قياسات العرب..
انا في بنتي دايما السونار كان يعطيني فوق عمرها أسبوع..
والدكتورة طول الوقت تقولي وزن بنتج زايد..آخر سونار سويته قبل ولادتي بأسبوع كان وزنها 3 كيلو و 300 جرام..
يبتها للدنيا 3 كيلو بس و نتيفة مسكينة تخرع..
روحي حق دكتور أشرف بالسلام..خل يسويلج سونار تفصيلي..
و شوفي شنو يقول..
هذا فاهم و شاطر و كلامه ثقة.​

 

[Aloe Vera]

مالج شغل هذي حسابات مو شرط صح
مو كل ياهل حجمة و وزنه نفس الياهل الثاني

 

[((غلاي))]

دايم السونار يزيد
انتي لج بالدوره هي الحسبه الصح
الله يتمم عليج يارب

 

[KOKO_284I]

مالج شغل بحجيهم وكل ما كبر الياهل صعب يعرفون التفاصيل الدقيقه لان يكبر والمكان يصير ضيق نصيحتي روحي دكتور ثاني

وعندج روبينا بالسيف خوش وحده وانا ارجع عندها من الاول والحين انا جريب الثامن

 

[سارة ة]

ااااب

 

[جمالي مو صج]

اب اب اب

 

[sosowaty]

صح كلام البناات مالج شغل بكلام السونار.
لان دايما يزيد من وزن البيبي

 

[t.o.o.ot]

دايم السونار يزيد بالحسابات عااااااااادي .....

الله يتمم عليج يارب