استفسار ضروري حيييل

[ياعشيري جعلك السلال]

السلام عليكم





بنات قطوتنا ولدت صارلها 5 ايام المهم

ولادتها كانت هدوووء وولدت في كرتون ارامكس حاذفينه فوق
ما ولدت في المكان الي مسوينه لها

المهم اول واحد ميت
والثاني حليو

المهم شلناها انا واختي حطيناها في المكان الي مسوينه لها

شالت ولدها الحي والميت خلته بالكرتون

وبعدها تمت ساعه يالله ولدت الثالث واشوى طلع حي وبعدها بمده ولدت الرابع وطلع ميت

وتمت ترضع هالثنين مسكينه عورت قلبي واشوى كلت وكل شي تمام وبعد يومين شلناها وحطيناها بمكانها فراشها

وصارت اوكي الحمدلله واليوم سبحناها وغيرنا تحت عيالها

ابوهم شافهم ولحسهم بعد حبيبي خخخخ

المشكله اهنيه ان لونهم بيج :|

وامهم رماديه وابوهم رمادي

وبسال عن الشعر شعرهم قصير وامهم وابوهم شعورهم غزيره ماشالله

معقوله عيال شوارع ​

 

[AmOoNa-]

تره غلط تسبحون القطوه مو زينلها
ثاني شي مايصير تغيرون مكانها في قطاوه ممكن تتقبل من اصحاب البيت في قطاوه تقط عيالها ماترضعهم اذا شمت فيهم ريحه فالحمداله انه ليلحي ترضعهم

بالنسبه لعيالها توهم صغاار ماراح يبين عليهم شعرهم طويل ولاقصير
واللون هم شي طبيعي انه يكون لونهم غير عن الام والابو ممكن عاليد اليده
واذا قطوتكم ماطلعت بره البيت لاتخافين انشالله موعيال شوارع

 

[lojeeen]

اكبر غلط انج تسبحين القطوه الوالد كان خليتيها عشر ايام على الأقل لما ترتاح أو إذا تبينها ما تتوصخ الحمله الجايه على طول حلقيها اول ما تتزوج تصير انظف

و بالنسبه حق لون الشعر عادي القطاوه ياخذون من اجدادهم أما الطول فتو الناس عليهم خل يكملون ست اسابيع حتى تعرفين ^^

 

[ياعشيري جعلك السلال]

امبيه :|

انا قالولي موزين تتسبح وهي امل وماسبحناها شهرين :|

وهي اصلا محلقين شعرها بس وصخه ومسكينه ساكته بالحمام تبي تتسبح

شنو ممكن يصير فيها ؟؟؟

عادي ترضعهم مسكينه

اهي طلعت بس بعد ما قعدت عندنا باسبووع بس حساب ولادتها صح يعني من قطونا

الله يستر بس

 

[lojeeen]

لا عادي حبوبه طول فتره حمالها سبحيها مره كل اسبوع و نظفي اذنها من الداخل و لما تولد خليها عشر ايام لأسبوعين لما اتحسينها تنشطت سبحيها و نشفيها عدل خصوصا بطنها خلي احد يساعدج يرفع لج القطوه و انتي تسشورين و تمشطين بطنها لما تنشف عدل حتى ما يستبردون عيالها

 

[كدووشه]

مبرررررررروك عليك البيبيز

 

[ياعشيري جعلك السلال]

الله يبارك فيج

البيطري مو شي يقول لا تسبحونها