استفسار بسييط الله يوفقكم دخلوا تكفون

[اندرويديه]

السلام عليكم ..
مشكوره لكل وحده حبت تدخل وتساعدني...
انا عندي سوالين صغار وابي اجابه

اول شي

انا خريجه كليه الاداب قسم التاريخ .. ممكن يشغلوني،مدرسه ولا شرط اكون خريجة كليه التربيه؟؟1/

سوالي هذا لان زوجي مو موافق على اي فكره الا التدريس بين الحريم

وسوالي الثاني

توني تخرجت بالصيفي وموعد تقديم الاوراق لديوان الموظفين تاريخ 9/7
فبغيت اعرف يمدي اتوظف على بدايه الكورس الاول ولا لا واشكثر الفتره على ما يوظفوني


وسامحوني ع الاطاله بس تدرون احاتي عندي مسووليات ويهال والله المستعان

 

[Q8Buying]

أتوقع نعم يصير تصيرين مدرسة ..

مادري يمكن يجاوبون بنات أكثر خبرة مني ..

آنا مثلاً مو تربوية .. لكن تخصصي بالحاسوب .. فصرت معلمة حاسوب ..

فالله يوفقج ..

وإذا ما جاوبوا البنات .. تلاقين اجابة شافية من وزارة التربية .. لما تقدمين ..

لما يفتحون باب التقديم الديوان .. يبيلها مهلة على ما يتم القبول .. ويطلعون نتايج القبول ..
وممكن يقبلونج بوزارة ثانية! .. فالحل ترفضين وتنطرين قبولج في التربية ..
أو تسوين ربط للتربية ...
أو مادري إذا يصير تقدمين أوراقج عالتربية مباشرة ..

سألي فيها ..

والله يسهل أمورج عزيزتي .. وموفقة

 

[فطووومة]

اي عادي يصير يسوون لج مقابلة ان شالله وتصيرين

وما اظن يمدي يوظفونج الفصل الاول اذا للحين ما قدمتي اوراقج

بس ان شالله يصير

وموفقة حبيبتي

 

[اندرويديه]

مشكورين ما قصرتوا q8 buying عطيتيني امل وبعد فطومه <<سميت اختي
جزاكم الله خير

 

[$$لامار$$]

اي اي انتي نفسي بالضبط بس العام انا تخرجت وانا موتربويه

راح توضفين بس ورا الابلات بشهر

لان راح تقدمين وتنطرين الموافقه وبعدين الفحص والمقابله وهذا يبيله شهر او اكثر

 

[طالبة1990]

حتى لو بغيتي مكان ثاني

مالج الا التربية

والتعيين مو شرط يكون بداية كورس او سنة



تعيين المعلمات يكون باي وقت بالسنة من بداية شهر٩ الى نهاية شهر٦



والله يوفقج انشالله لالمكان الزين

 

[¤§ زيتونة §¤]

حبيبتي

يقبلونج انا اداب عربي وقبلوني معلمه بس مقابله طبعا

الله يوفقج يارب

 

[omaseel]

عادي يقبلو صديقتي اداب انجليزي وتوظفت معلمه في مدرسه ذو احتياجات خاصه

 

[كارلوفي فاري]

اب اب

 

[اندرويديه]

مشكوووووووورين كل الي ردوا علي جزاكم الجنه انشالله