استفسار بسيط ........... صور قطووتي

[عيون الورد]

مرحبا كويتيات اشلوونكم ان شاءلله كل وحده مرتاحه مع قطوتها :eh_s(6):

بنات انا عندي استفسار بسييييط

اولا انا شريت قطوتي وكان عمرها شهر ونص

الحين صارلها شهر عندييعني عمرها شهرين ونص وعمري مادخلتها الحمام ( وانتو بكرامه) ولا سبحتها لان اخاف اطيح

مريضه

وللعلم ان مافيها لا ريحه ولا وصخ ماشاءلله بروحها تنظف عمرها

وهذي صورتها وعطوني رايكم

قوولوو ما شاءلله

..


ويعطيكم العافيه

 

[sweet cake]

كتكووووته تدنن تبارك الرحمن..

شوفي لازم تتعلمين تسبحينها وهالشي من صالحها شعرها يصير انظف واحلى.. طبعا اذا سبحتيها لازم لازم ما تنزلينها من ايدج الا وانتي مخلصه من الاستشوار..
شوفي طريقتي.. انا امسك ايدينها بـ ايدي وبالايد الثانيه اسبحها ومعاي شخص ثاني يساعدني يا اختي او الخدامه.. واكون قبلها مجهزه الماي الدافي بالحوض واحطها فيه واصب عليها ماي دافي وبعدها بسرعه الشامبو مالها وبعدها لما اخلص اصب عليها ماي دافي مره ثانيه واللي معاي بسرعه تجيب لي الفوطه واحطها فيها والفها عدل وبعدها اقعد افركها ولما اخلص آخذ الفوطه الثانيه واحطها فيها واقعد انشف شعرها بالاستشوار.. وترى تنشف اسرع اذا استخدمتي المشط اللي مثل الفرشه..

يمكن تشوفين كلامي واجد بس ترى كل هذا ما ياخذ منج 10 دقايق.. بس الاستشوار يطول والباقي بسرعه تخلصين منها..


اما اذا خايفه لا تمرض استخدمي مناديل مرطبه وامسحيها فيهم ولا فوطه فيها ماي وامسحيها فيها.. بس ضروري تتعلمين تسبحينها واهم شي تنشفينها تماما عشان لا تحوشها فطريات

 

[عيون الورد]

بعد عمري ماثصرتي وان شاءلله بحاااول بس الي اعرفه ان تصب وتعض وتشمخ اذا سبحتها

 

[semony]

لازم تعودينها

خلي احد يساعدك يمسكلها لك وانتي سبحيها على السريع

وعن نفسي 50 يوم سبحتها بس نشفيها كويس بالاستشوار على طووول عشان الفطريات

والراس لاتسبحينه ابدا بس امسحيه بمنشفه مبلوله بمويه دافيه

 

[عيون الورد]

مشكووره حبيبتي بحاول اتشجع اليوم وسبحها ادعوولي

 

[lojeeen]

ضروري تسبحينها بالشتا لأن داخل البيت يصير الجو رطب و دافي فتكثر الفطريات و شعرها بيتدي يطيح
طريقه سويت كيك حلوه بالتسبيح و مثل ماقالت اهم شي السشوار لا تتركينها إلا لما تنشف بشكل كامل

 

[catwiti]

لاااااا اشدعوه انا كنت اسبح قطوتيي شكثر

كنت احاول انه مايحوشها برد والحمد لله مامرضت

كنت اسبحها طبعا الماي داافي نفس الماي الي اتسبح فيه واسبحها مو بروحي لازم معاي احد يساعدني عشان بسرعه وما اخليها تطول مع انها تخاف وتسويلي سالفه
وعقب احطلي طبعا فوطتين وحده راح تغرق مااي والثانيه عشان ابدل بينهم
واهيئ لها الغرفه الي بنشفها فيها تكون دافيه انا عندي دفايه هوا اشغلها واسبحها ولما تدخل تكون الغرفه جوها دافي واجهز السشوار
طبعا لاتشوفين الهوشه الي تصير بني انا ويهاها تخاف من صوت السشوار بس امسسسسسسسكها غصبن عليها انا واخوي وانشفها عدل صوب بطنها وريولها طبعا ماتنشف كلش لان شعرها وايد بس ما اخليييييها مبلله

وخليها بالغرررررفه راح تنام مسكينه من التعب انا قطوتي تنااام طبعا راح تلاحظينها ترجف حيااتي بس يكون من الخووف اعتقد حياتي كانت تكسر خاطري

 

[ياعشيري جعلك السلال]

من صجج ما سبحتيها

اذا تخافين قرضي اظافرها وتعلمي تسبحينها

 

[sweet cake]

انا قطوتي ما تأذيني كللش بس لازم اكون قاصه أظافرها قبل لا اسبحها..احتياط يعني.. وتعلمي واول شي راح تتوهقين بس بعدها يصير عااادي عندها..

 

[عيون الورد]

واااي شجعتوني خلاص باجر بوديها البيطري عشان يقص اظافرها واول ما ارد البيت ان شاءلله على طووول الحمام اسبحها وبقووولكم شنو بصير معاي

ويعطيكم العافيه بنات

 

[الفراشة_البيضاء]

البنات ماقصروا بالردود
اهم شي تقرضين اظافرها قبل لاتسبحينها
وعلى فكره ترى البيطري يسبحها لج اذا تبين

 

[ربوع الحلوة]

لا زم حبيبتي تسبحينها حتي إنت راح تستانسين لما تشوفينها نظيفه وريحتها حلوه تعلمي بعدين يصير عادي تتعودين

 

[بنت بابا جابر]

لازم تسبحينها

 

[عيون الورد]

مشكوووورين بنات وما قصرتوووو