استفسار بسيط بليز بنات

[أم حسون]

يعطيكم العافيه بنات حبايبي بغيت اسالكم شنو يعني الحقن المجهري وشسالفة الابر اللي تنباع بالصيدليات؟والحقن المجهري مضمون شغله؟علموني عفيه

 

[أمونة الحلوة]

الابر حياتي هذه ابر تنشيط المابيض لين توصل للحجم المطلوب للحقن ويتم سحبها تحت تاثر البتج يعني ماراح تحسين بشي وبعدين يحقنون الحيوان المنوي داخل البيوضه وعقبها ب 3 ايام يرجعون البويضه لج
وان شاء الله ربي يرزقج الذريه الصالحه يارب

 

[تمر حنا]

امون ردت عليج الابر هذي لازم متابعه مع دكتورج والله يرزقج بدون ابر ولا حقن مجهري

 

[bnt_kwt]

الله يرزقج من غير ابر ولا حقن ولا شي ان شاء الله

 

[أم حسون]

تسلمون حبايب قلبي ماقصرتوا

 

[كويتيه مذهله 87]

الله يرزقج هالشهر بالذريه الصالحه وكل المتأخرات ياااارب

 

[محاميه الغد]

هلا ام حسون
الحقن المجهري يعني بعد ما يعطونج منشطات يسبحون البويضات منج و يحقنون السائل المنوي فيها و بعدها تتكون الاجنه بالمختبر
و يرجعونها لج
و طبعا نسبه نجاح الحقن المجهري اعلى من طفل الانابيب
و الابر الي تنباع اهيا ابر منشطه للمبايض تطلع عدد من البويضات و تكبرها استعدادا للتلقيح و لازم الطبيب يوصفها لج
الله يوفقج يارب

 

[زنوبة الحلوة]

ام حسون حبيبتي نفس الكلام اللي قالتلج عنة امونة

الابر منشاط للبويضات يوصولنهم لي الحجم المطلوب وبعدين يسحبونهم لتلقيحم بالحيوانات المنوية وعقبها ب3 ايام يرجعون لج الاجنة مرة ثانة

وربي يرزقج الذرية الصالحة يارب ياكريم