استفسار بخصوص طفل

[MewMew]

السلام عليكم ورحمة الله وبركاته

خواتي العزيزات


بغيت استفسر من ذوات الخبره بخصوص حاله طفلي جزاكم الله خير

طفلي عمره 12 شهر لا يمشي و لا يحبي ولا يقلب على بطنه

ولا يزحف و ماعنده ولا ضرس ولا اسنان !!

بدا الجلوس متاخر و بدا يقول كلمة بابا و دادا مؤخرا !!

وزنه تحت المعدل الطبيعي حوالي 7 كيلو ولا يزيد بالرغم من انه يشرب الحليب عالي السعرات !!

كانت نتيجه الرنين ان عنده ضمور في بعض خلايا المخ ( بسيط ) الفص الامامي

وعنده فقر دم والحمدلله لا يعاني من نقص كالسيوم او فيتامين د

خواتي من منكم مرت عليها نفس هالحاله ؟ او تعرف اي معلومة ممكن تفيدني ؟؟

* هل ترشحون لي دكتور معين ؟ علما اني اراجع خاص و حكومة !

* مشكلتي حاليا تحليل الكروموسومات و الجينات

* وين اقدر اسويه حق الطفل ؟؟ الحكومه قاعدين يماطلون بهالتحليل وينطروني !!

انا ودي اسويه بسرعه ! منو تعرف مختبر او مكان مضمووووون لعمل فحوص المروموسومات

ساعدوني الله يسهل عليكم وعلى عيالكم

 

[MewMew]

اصبحنا واصبح الملك لله

 

[قلب طفـــله]

حالته نقص اكسجين من الولاده صح ؟ هالضمور موقف نموه وترى راح يتأاخر بالنطق وبتصير له مشاكل بالنطق لازم تاخذينه لأخصائي نطق والنمو بيعطونه ابر هرمونات مايشوف شر وبالنسبه للفحص مادري بس انصحج تعالجونه برع اذا امكانيتكم تسمح ويمدحون التشيك يقولون ان اهيا متخصصه بعلاج هالحالات والله يشفيه =) حبيبي

 

[MewMew]

مشكوره حبيبتي ما قصرتي

اهوا ما تعرض لنقص الاكسجين عند الولاده

وللحين حالته شبه غامضه مو عارفين له

اللي تقدر تفيدني الله يجزاها الف خير

 

[قلب طفـــله]

اي الضمور يسوي جذي =) مثل ماقلت لج والله يشفيه ويخليه لج حبوبه

 

[عاشقة الككاو]

ما حبيت اطلع من غير لا ادعيله


اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما
اللهم رب الناس اذهب الباس واشفيه انت الشفاء لا شفاء الا شفاءك شفاءا لا يغادر سقما


حبيبتي انتي امة
ادعيله بصلاتج وبقيامج الليل دعاء الام مستجاب
واقري علية ومسحية علية ماي زمزم ولا تخافين الطب تطور وان شاء الله باذن الواحد الاحد بيتطور نموة وبيكون عال العال
بس اقري علية قران ورقية شرعية ترى العين حق ومذكورة ف القران

 

[الصابرة المحتسبة]

وعليكم السلام

ان شاءالله خواتج امهات والتحدي والصبر يفيدونج
وهذي روابط مواضيع تفيدج:

http://www.q8yat.com/t348551.html

http://www.q8yat.com/t265904.html?highlight=%C7%E1%D4%E1%E1+%C7%E1%CF%E3%C7%DB%ED

http://www.q8yat.com/t1019067.html?highlight=%E4%DE%D5

http://www.q8yat.com/t265550.html?highlight=%E4%DE%D5

http://www.q8yat.com/t940849.html?highlight=%E4%DE%D5

 

[منال2013]

أعرضية على دكتور علاج طبيعى ودكتور أخصائى تخاطب فى وقت واحد .... والله الشافى المعافى

 

[أم عبدالرحمن 1]

شوفي مستشفي الطب الطبيعي

 

[MewMew]

اشكركم جميعا

 

[MewMew]

انزين هل يعتبر الطفل من ذوي الاحتياجات الخاصة او الاعاقات ؟! وشلون اتاكد !!

 

[الصابرة المحتسبة]

رديت عليج بالموضوع المثبت

 

[MewMew]

مشكوووره

 

[M!SS.LOBY]

شوفي لعلاج طبيعي

 

[شمحووطة]

الله يطمن قلبج عليه
المستشفيات الحكومية مامنها فايدة للي بايع نفسه يروحلها
بالنسبة لولدج روحي للدكتورة عفاف الرومي عيادتها بالجابرية ما تبخل بالنصيحة
اذا ىنفع عندها ولا تنصحج بدكتور معين
اما التحاليل شوفي مختبر البشر والكاظمي بالسالمية لانهم على مستوى وبعض التحاليل
عندهم يرسلونها للندن
والله المستعان