يا حياتي يالجادل وربي بتنوووووووووورين ديرتج الثانيه يالغاليه وحياج الله فديت قلبج
حبيبتي والله فنادقنا واجد طبي وتخيري بس انا بحط لج الفنادق اللي في الدوحه نفسها بحيث انج تكونين وسط المدينه والاسواق تقريبا قريبه من هالفنادق
الميلينيوم ( جديد ) في السـد
44411800
44479990
http://http://www.millenniumhotels.com/qa/millenniumdoha/index.html
وعندج بعد
فندق جراند ريجنسي
(جديد)
44343333
http://http://www.grand-regency.com/
وعندج
لاسيجال
( جديد )
44288888
السد
http://http://www.lacigalehotel.com/
************************************************
الحيييين المجمعــــات :
مجمع المول + مجمع فيلاجيو + مجمع السيتي سينتر + مجمع اللاند مارك + مجمع حيـاه بلازا + مجمع الرويال بلازا + مجمع الاصمخ
مجمع السد بلازا
فديتج الجادل حبيبتي بقولج شغله كل مجمع منهم يتميز بشغله غير عن الثاني والله وكل واحد من اللي ذكرتهم مميز بشغله معينه
بس عندج فيلاجيو عنده كل اللي تبيييييييينه قسم خاااص للماركات العالميه وقسم خاص للسوق العادي وهشكل يعني
مجمع المول عندهم السلام اتوقع تعرفينه في الكوييت بعد ديبارتمنت كبيييير يشمل العطورات الاكسسوارات الملابس* والله يعز القاري * الاحذيه ( رجالي + نسائي + وللاطفال ..>> لووووووول وعليه توهقت كانت بتقول طفولي xD )
اللاند مارك بعد محلاتهم مميزه مثل الملابس والعطورات والميك اب وغيره
الرويال بلازا اكثر محلاته للفساتيين وملابس السهرات
السد بلازا والله من زمان مادخلته بس اخبر قمصان نوووم ومحلات عبي وهالسوالف والله يعلم
حياه بلازا بعد محلاتهم حلوه وعندج اووول باب في المجمع اعتقد رقم خمسه عندهم محل اسمه ( هوم زا راس ) يهبببببببل وربي هالمحل وكل شي عنده رخييييص يبيع كل شي تتخيلينه وماتتخيلينه ماعدا الملابس والاكل هو عباره عن طابقين الطابق الاول الاثاث والطابق الثاني ادوات المنزل >> إإلللللعب ياللغه P:
والستي سنتر هم حلوه محلاتهم عندهم قسم كله حق العبي والجلابيات عندج للبيت وللزوارات
انا جذيه قلت لج كل مجمع وشنو الشي اللي يميزه عن الثاني بس فيلاجيو كاااااااامل والكامل الله
وفي كل مجمع فيه فوود كوورت وفيه قسم العاب ترفيهيه حق الصغار
صح صح ونسيييييييت احلى مكان في الدووووووحه كلها سوق واقف بصراحه شي تحفه والله العظييييييم من تصميم من محلات من مطاعم من تمشي يعني شي صج رووووووووووعه والله
وانصحج بأسوواقه سووق واقف داخل في سوق اسمه سووق الحرييم يبيييع كل شي تبينه جلابيات عبي قطع وخامات دهن حق الشعر P:
صوابييين * عزكم الله * شحاطااات القديييمه اللي عليها زري وهالسوالف ومكسرات وحلويات يعني كل شي تحصلينه في سوق واقف مستحييييييل تحصلين نفس سعره في المحلات الثانيه ! كل شي عندهم شعبي وحلو وسعره معقوول مكسرات وبقلاوه وهالسوالف !
وعندج بعد اذا انتي من محبيييين العووود والبخور وهالسوالف في محل هناك اسمه * السليم * للبخوور والله وربي اتعب وانا اممممممممممممممممممممممدح العووود ماللهم والله كل اللي عنده اصلي ومضموووووووووووووون 100% والله
انا للامانه ماجربت البخور عندهم بس العووود شي شي شي مش طبيييييييييييييييييعي
********************************************
الحييين المطاااااااعم أه يالمطااعم P:
اذا انتي من محبين السوشي عندج سوشي منتو ( اف عجييييييييييييييييب )
واذا انتي بعد من محبين السي فوود عندج يوم الاربعاء في فندق الشيراتون يسوون هاليوم مخصوص حق السي فود بس للامانه ماجربته
وعندج بعد للسي فوود مطعم ريشو في الستي سنتر ( ربعي يمدحووووونه واجد والله )
وعندج مطعم وكافيه ليونتر ( فيلاجيو + شارع سلوى ) ( اكله بصراحه رووووعه شوي عليه )
وعندج بعد هيديارد ( شارع سلوى ) ( كلااااسي هالمطعم واجد ويجنن اكله )
وعندج زعتر وزيت فظيييع هالمطعم بس حطي في بالج بيكون هاي غويلي شوي بس يستاهل صراحه
مطعم الطواش في سوق واقف
انصحج بمطاعم سووق واقف صراحه لان شي غريب واول مره يعني تحصلين نسوان قطريات وكبار بالسن الله يطول بعمرهم هم اللي يسوون ويطبخونه قدامج وياحلييييلهم وربي تقعدين وتسولفيييييييين وياهم وجذيييييييه يعني تووونس مطاعمهم واكلهم شي شي شي شي شي خياااااااااااااااااااااااااااااااااااااااااال وربي كل الاكلات القدييييييييمه ( لقيماااااااات + ثرييييد + خبز رقاق وانتي تختارين شتحط لج داخله واشيااااااااااء واجد والله عجييييييييبه
وبس ههههههههههههههههههههههههههههههههههههه امبيه الله يحفظني قرقرت واجد xD
بس والله ياقلبي لعيونج ولعيون حبايبنا الكويتييين
واتمنى اني كنت عند حسن ظنج واستفدتي ولو شي بسيط من اللي قلته لج
وربي يحفظج فديت عمرج
فمــان الله
