استفسار بخصوص حركة الجنين

[زوجة الفنان]

السلام عليكم

شلونكم بنات

أنا بإجر بإذن الله أخلص 16 أسبوع يعني أخلص اسبوعين من الرابع

بنات سؤالي بخصوص حركة الجنين أنا مؤ بجر حمالي اللي قبل من أول الرابع أحس بحركه الجنين

أما هالحمل كلش ولاحركه وولاشي

بنات حدي خايفه موعدي تاريخ 30 نوفمبر أروح قبل وإلا لا

ومنو نفسي بهالوقت وماحست بالحركه ؟

جاوبوني بنات لأن جد خااااايفه

 

[DaLaL_Q8]

هلا حبيبتي
والله انا بجر و ماحسيت بحركة الياهل الا بالخامس و نهايته بعد
لا تحاتين يمكن حمال عن حمال يفرق

 

[& الذاهبه &]

هلا بج اختي

اهو عادي بس روحي تطمني عند الدكتور احسن

 

[T-shirt wardi]

عاااااااااااااااادي حبيبتي انا ماحسيت بحركة بنتي الا بالخامس ولمن كنت اقول حق الدكتورة تضحك علي تقول تتحرك بس انتي ماتعرفين انها حركة

وبعدين خووو ماراح تقعدين من الحركة لا تستعيلين

 

[ام ساره 4]

تبدأ حركة الجنين بنص الشهر الخامس

 

[أحساس نفسي]

عادي حبيبتي انا هذا ثاني حمل لي ومااحس بالحركه الا بنص الخامس
لا تحاتين كل حمل عن حمل يفرق
بس علشان تتطمنين روحي شوفي وانا الحين بالاسبوع ال17 ومااحس كلش ...
الله يثبت حملج يارب

 

[ام أحمدووه]

رد : استفسار بخصوص حركة الجنين

انا مثلج حبيبتي بولدي اذكر تحرك بأأأأأخر الرابع والحين حملي هذا صارلي اسبوع داشة الخااااااامس !!!! ولا حركة ولا رفسة ولا بوكس ولا شي لوووووول ترى عادي لاتحاتين

 

[هوازن العتيبي]

رد : استفسار بخصوص حركة الجنين

انا والله بااااخر الخامس بديت احس بالحركه

 

[غنوة ستايل]

حمال عن حمال يفرق ياقلبي
انا حسيت باول الخامس خاصه لما انسدح على ظهري

 

[*فدك*]

انا بجر وماحس بشي للحين هذا وانا بالاسبوع ال 18 اتوقع عادي لا تحاتين :

 

[@سيدة نفسي@]

انا هالمرة ماحسيت بالحركة الا بنهاية الاسبوع ال19 ؟؟!!

وكنت خايفة لأن أول مرة تتأخر حركة البيبي بس بعدين

الجمدلله صارت حركته طبيعية ..

 

[فرفـــوووشـــهـ]

مو شرط يمكن تحسين فيـه بشهر الخآمس
آنآ مآحيبت بحركه البيبي الآ متآخر يمكن بالآشهر الآخيره

 

[جذابه بنت ذيابه]

رد : استفسار بخصوص حركة الجنين

اشربي عصير برتقال طازج ونامي على جمبج اليمين وان شاء الله تحسين بحركه خفيفه


بس ترا عادي حبيبتي انا حمالي ببجري تحرك بالرابع
وحمالي هذا بنص الخامس


والله يسهل عليج يارب

 

[حرم يوسف بيك]

رد : استفسار بخصوص حركة الجنين

عااادي انا ماحس بالحركه والترفس الا بالخامس

 

[نرجس 85]

رد : استفسار بخصوص حركة الجنين

عادي حبيبتي انا توني بديت احس بالحركه قبلها كنت ما احس باي شي
الله يطمنج

 

[LiL MaMa]

رد : استفسار بخصوص حركة الجنين

عادي اختي لا تحاتين
لأن اغلب الاوقات حركة الجنين ماتبين الا خلال الشهر الخامس
الله يسهل حملج انشالله
و يرزقج الذريه الصاحه

 

[احب المنتدى]

رد : استفسار بخصوص حركة الجنين

يمكن فيج ولد لانه حركته اتاخر اشوي

صج ماسويتي سونار عند اشرف بالسلام؟؟؟؟؟؟؟؟؟؟؟

طلعت بره الموضوع