استفسار بخصوص القهوى بالاستقبالات ؟

[حبيبة دودي]

ماحبيت هالحركه ابدا ..واذا وحده بتقهويني وانا عند الباب برفض طبعا لاني مو ميته يوع الحمدلله القهوة تنطرني ببيتي..
رفيجتي صار لها هالموقف ماشربت القهوة قالت تسلمون ومبروك وطلعت خخخخخخخخخخخ

حلاتها القهوة وانا قاعده شاللي حادنا نصف عند الباب نتقهوى..شالفايده مااخذه جناح وتوقفين الناس عند الباب..ابدا مو حلوة
ولاهي من السنع

 

[دلع×دلع]

شهالحركه؟؟

لالا ابدا مو مقبووووله

ولا فيها أي شي من الذرابه , اذا البنت اللي تسوي جذي ماتبي تضيف الناس لاتناديهم ,

احنا تعودنا من عمر على اصول كرم الضيافه وقمنا نتفنن فيها , والتفنن والتطور مايخلينا نوصل لمرحلة اني استهزئ بالضيوف

وأقلل من أهميتهم

انا بصراحه أعترض وبشده على حركة القهوه عند الباب

كلش كلش احرجهم اقول مابي قهوتكم عشان يتأدبون ويعرفون يكرمون الضيف

..

سووا وتفننوا بحركات ثانيه المجال كبير , مو بهذي الطريقه

وآسفه عالإطاله , بس والله انقهرت شي يرفع الضغط

 

[اوتار الحياه]

مادري بس احس فشله هالحركه اضيفهم عند الباب
المعروف القهوه والحلو ضيافه للضيف بوجوده مو بطلعته وهذي عادات العرب

 

[zahoora304]

أنا بعد كلششششششش ما عجبتني الحركة عيييل وين السنع انتي مسوية و قاطة فلوسج حق منو ؟ وين يمديها الناس اتشوف الفناتك الي مسويتها لالالا و مرأة كبيرة ياية اقهويها وهية واقفة اكبر عيب و الناس ياية ومتعنية ليه عندج الصراحة السنع سنع و الاصول اصول ناس تاكل و تشرب قهوتها و هي واقفة وين بحس بطعم الي كليته أنا استقبال اختي قبل اسبوعين امي قالت اهو صج الناس هابين في هالحركة بس كلش مو حلوة فشنو سوينه بس يقعدون يريحون اول شي العصائر بعدين الشاي بعدين المعجنات و حلو القهوة و اتقهوينهم وهم قاعدين و بعدين و اهم طالعين امي كانت اتقولهم اتفضول مرة ثانية والحلو القهوة و القهوة و المعجنات على الطاولة افتشلت يمكن وحدة بخاطرها اذوق شي ثاني شبيقولون يايين استقبالهم و ضقنا شي قرقرت واييييد على راسج

 

[الاخلاص]

شوفي انا عمامي وخوالي ماسوي هالحركه احنا اول شي نوزح حلا ونشربهم قهوه وهم قاعدين بعدين فطاير وجاي نرهي عليهم اما اذا كان مجتمع ريلج متعودينى على جذي مثل الي صار معاي اتيكيتهم جذي ماحب اخالف احد فا اضطريت باستقبال ولدي اني اسوي جذي حطيت طاوله عند الباب وانواع الحلا وهي طالعه تتقهوى لانهم متعودين على جذي يعني لو اسويها عند خوالي وعمامي بينقدون علي وتلقينهم يتطنزون علي

 

[واثقه خطاي]

لاااااااااااااااااا شنو هذا وي قاعدين ,,,,,,, بصراحه اول مره اسمع الحجي هذا ,,,,,ولو قدمولي ولنا طالعه ماراح اخذه ,,,,,,,,الحين قاعده ومرتزه ماعطووووني ولمن قمت صبووووولي ,,,,,,,,,,اصلا لمعلوماتكم غلط تشربين او تاكلين وانتي واقفه مضر لصحتج ,,,,,,,,,,,,بعدين القهوه لنا واحناااااا اللي نعلم مونتعلم تلقين وحده ماتفهم بأصول القهوه وسوت هالطريقه والناس قلدووها في ناس ماعندهم الا التقليد صح غلط مافي مشكله عندهم ,,,,,,,,

 

[عهودة]

معاج حق اهيا صحيح حركه هابين السنين الاخيره
بس انا افضل اول شي اول مايدخلون العصاير بعدين الجاي ومعاها موالح بسيطه يم الاستكانه وعقبها القهوه وتمرين بصحن حلو عليهم واخر شي لمى يطلعون الككاو او السوفينير
واحنا البدو نفس الشي بس الفرق القهوه قبل الجاي وبسسسسسسسسس
يعني اختاري وحده من هالطريقتين اما حركه عند الباب ماحبيتها حسيتها ناس مستانسه على الفقر على كثر مارحت استقبالات مسوين هالحركه على كثر ما كشيت منهم ماحبيت اتقهوى عندهم
اهما خايفين لاتطولين عرفتي لووووووووووووول يعني هدف الفكره يفشل لووووووول
عشان جذي من البدايه لمى اشوف ناس مسويه هالحركه استوعب اني ماطول يدوب سلام عليكم الحمدلله على السلامه واستكانه جاي عالماشي واطلع لووول
انتي سوي اللي يريحج الحين الزمن تغير كلن يسوي اللي يريحه
انا عندج بدويه ومتعودين نقدم القهوه قبل الجاي بسسس انا ماحبيت هالحركه صرت اقدم الجاي قبل القهوه عااادي ولا احد ينقد علي
لاني افضل الوحده اول شي تاكل موالح وتشبع وتشرب جاي عقب تمخمخ بالقهوه وتحلى لان الحلو يسد النفس عن الموالح
شفتي تفكيري لول يعني كل واحد يطبق تفكيره بس باطار الادب والاحترام والضيافه
اما الابداع الزايد عند البيبان كللللش ماحبيته
وسوري عالاطاله

 

[عندي رب كبير]

شنو هالحجي ؟؟؟؟
شهالساااااااالفه ؟؟؟؟
بصراحه حركه حدها باااااااايخه
عيب ....... فشله ........ عند الباب عاد ....... ولا فلبينيه يالله لاتخسف بنا

 

[leza_q8]

مشكورين ما تقصرون عساكم على القوه