استفسار بخصوص الخدم من نيبال

[زوجة الفنان]

السلام عليكم


بنات خدامتي راحت ووراي ولاده ابي اطلب خدامه نيبالليه اللي عندها شلونهم زينين بييب ثنتين للطبخ والتنظيف واليهال

في مسلمات والا لا ؟

واب منطقه زينه اطلب منها ؟؟

انقذوني بنات واللي تعرف مكتب زين اييبهم لها دعوه من كل قلبي​

 

[غلا فهد]

والله انا نفسج ودي اجيب خدامة بس موعاررررفة عنهم شي ابيها لليهال

 

[أم حمودي**MALL**]

صراحه ماجربتهم بس اللي اعرفه النيبال مافيها اسلام

 

[يمامة]

رد : استفسار بخصوص الخدم من نيبال

حبيتي النيباليات ما فيها مسلمين ما عندهم مذهب أنا كان ودي فيهم بس زوجي مو راضي عند حمواتي صراحة يمدحون فيهم وايد ويقولون بسرعة يتعلمون وتري مو شرط الخدامه حظ

 

[أغلى حبيبه]

رد : استفسار بخصوص الخدم من نيبال

الحلو اللي فيهم بسرعه يفهمون الحجي ويتعلمون الشغل

بس عيبهم مالهم دين

وانا سالت شيخ قال عادي اذا انتي يايبتها بس حق الشغل

انا جربت اللي مشتغله

والجامعيه

والحين عندي ماتعرف تقرا ولا تكتب

بس كلهم شغل وكراف ويبردون جبدج بالشغل

ويمكن ليش انا مجابلتهم مو مخليتهم على كيفهم

 

[nadoooy]

رد : استفسار بخصوص الخدم من نيبال

قوة بنات انا يبت حق امي خدامه نيبالية من مكتب بالفروانيه اهم شي انها وصلت خلال خمس ايام طبعا هالحجي من سنه ونص وتقول انها مسيحية
تصدقون طلعت تفهم اردو وانكليزي بعد وانا امي اشوي تحن عالخدم هاذي مسكينه خلال سنه ونص اللي هي عندنا عمرها ماطولت لسانها وتعرف تطبخ بس حسافه بتروح بعد جم شهر عن تجربة انصحج بالنيباليات بس ها لا تييبنهم صغار دايما طلبو خدم اعمارهم من 34-40 صدقوني راكدات وهم اساسا عندهم عيال ويكونون زينين مع اليهال بس لو اتييبين اي جنسية وتكون صغيرة اكيد وراها مشاكل

 

[دنيا من الوله]

رد: رد : استفسار بخصوص الخدم من نيبال

الحلو اللي فيهم بسرعه يفهمون الحجي ويتعلمون الشغل

بس عيبهم مالهم دين

وانا سالت شيخ قال عادي اذا انتي يايبتها بس حق الشغل

انا جربت اللي مشتغله

والجامعيه

والحين عندي ماتعرف تقرا ولا تكتب

بس كلهم شغل وكراف ويبردون جبدج بالشغل

ويمكن ليش انا مجابلتهم مو مخليتهم على كيفهم

كلامها عدل 1001%

والله انا جربت الفلبينيه والهنديه والسيلانيه بس ما ارتحت الا عالنيباليه

يهبلووون وحنونين عاليهال حيل حيل انصحج للبيبي ييبي نيباليه وانتي مغمضه

اصلا صرت اغار منها من كثر ما تحب ولدي:eh_s(3):

 

[الابلة الحلوة]

رد : رد: رد : استفسار بخصوص الخدم من نيبال

النيباليات وايد زينييين

بس عيبهم شغلة وحدة بسسس
يحبوون الاكل

بس ترا كرااااف و حق اليهال زينييين

 

[عمشه المنتفشه]

والله انا اكثر من مكتب قالولي ماكو لامسيح ولا اسلام كلهم بوذ

واصلا حتى لو حق الشغل ترا كلشي تسويه نجس وانا سمعت ان حتى حجاب تلبسين عن اللي مالهم دين وكتاب

ورفيجتي كانت عندها وعلمت بنتها ان عندهم بالنيبال عادي يقصون ايدهم بالسكين مايعور وتقول ماتنام الا تحت مخدتها سجينه

 

[خبيرة اعشاب]

رد : استفسار بخصوص الخدم من نيبال

و الله يا حياتي انا اتعامل مع مكتب الصيرفي بحولي

عندهم وحدة نيبالية اسمها جولي

اختار لي 3 او 4 من الصور الي عندهم و هي تقرا المنطقة و تقول لي هاذي زينة او لا

و طبعا اي خدامة بتجيبينها انتي ما تدرين عن نفسيتها شنو

و النيباليات العجيب فيهم انهم يكرفون كراااف مو طبيعي و هذا الي لاحظته

و للبيبي كان عندي نيبالية هم بعد تجنن ما شاء الله عليهم تلعب مع عيالي واداريهم حييييييل .

بس ما ادري انا الي جبتهم كلهم حلوين و حماتي جابت وحدة انغثت منها و اخر شي انحاشت مع باكستاني

 

[aljadel22]

خبيرة اعشاب
لو سمحتي حطي رقم مكتب الصيرفي

 

[aljadel22]

خبيرة اعشاب
لو سمحتي حطي رقم مكتب الصيرفي

 

[om al ghaleen]

والله شحلوٌهم وكل واحد وحظه بالخدم
بالنسبه للديانه سألت وقال اذا للشغل عادي وعلى طوٌل تلبس قفازات
وبالنهايه اهما فقاره ويبون الرزق

\\

 

[كويتيه وافتخر]

رد : استفسار بخصوص الخدم من نيبال

والله زينه النيباليه وبالعكس تقدرين تدعينها للاسلام وترغب فيه لانها بدووون دين