استفسار بخصوص التقرير .... لاتبخلون بالمرور والمشاركة

[كويتية222]

السلام عليكم ورحمة الله وبركاته. كيف احوالكم زميلات النضال اتمنى تكونون بخير عندي استفسار يحتاج رد وحده خبيرة وهو: انا داومت على اخر. شهر يناير من الفصل الاول هل لي تقرير؟ لاني سالت مديرة وقالت شيلي من الحسبه يومي الجمعة والسبت وعطلة الربيع وحسبي اذا 100 يوم لج تقرير اذا اقل لا ، انا مو تعين يديد كنت في بعثة وبصراحة ظروفي الصحية ماتسمح بالكراف فما ابي تقرير هالسنة. ياريت اللي عندها خبر او معلومة تفيدني( عذرا قاعدة اكتب من خلال الاي فون)

 

[ابله كويتيه]

كلامج واضح
والله مدري بس اقعدي وحسبي اذ صارج 100 يوم تري حتى لو مو اميه لج تقدير بس مو متياز مستحيل والله اعلم وشكرا

 

[ابله كويتيه]

حبيبتي حسبتهم لج تصيرين مدلومه 105 اميه وخمي ايام اذا ماني غلطانه وبدون الجمعه والسبت
وبتوفيق

 

[كويتية222]

هلا اختي... عدل ١١٥ يوم تشيلين منهم طبياتي لاني تعبانه حاليا بينزل الرقم عن ١١٥ ، في قانون بديوان الخدمة المدنية واضح وصريح الموظف يداوم دوام فعلي ١٠٠ يوم له تقرير سألت فيه اليوم وفي زميلات لي نفس الوضع ردوا من البعثة وتم وضع لهم تقرير واهم دوامهم الفعلي اقل من ١٠٠ والمديرة وضعت تقرير رفعوا تظلموا وسحبوا تقريرهم. وكان في نشرة من التربية الغيت بعد من الديوان يعني ولله الحمد ماكو تقرير لي هالفصل.

 

[PuPa^^SWeeT]

ايي لج تقرير

 

[jessy85]

لج تقرير
لان النظام اليديد ينحسب لج
بس اذا مديرتكم شقرديه راح تعطيج امتياز
انا ماعطوني لان المديره قالت لي انا ما اقدر اساويج بالمعلمات الي مداومين من اول السنه

 

[alhnan]

يصير لج تقرير لان الفانون الجديد يحسبون شهر ٧ و ٨ اتوقع تصيرين ١٠٠ يوم

 

[كويتية222]

هلا خواتيً ماكو قانون يديد القانون واضح وصريح ١٠٠ دوام فعلي. شلون يحسبون لج ٧/٨ وانتي إجازة!! الوزير بآخر حجي له قال لو الموظف مداوم أسبوعين ينسحب له تقرير العام اللي طاف / لكن لو بت تظلم موظفة على التربية يلغون حجي ونشرات التربية لان القرار أقوى من نشرة داخلية . أتكلم من واقع أني سالت وسعيت بالموضوع والتأكيد ولما طرحت الموضوع كنت في بداية مرحلة السؤال والبحث . وفي نشرة وصلت للإدارات المدرسية بآخر موعد للتقرير ٦/٢ وكتابين فيها ترسل التقارير كما هي ورقة مؤ تبينون وتحطونها بملفات ويرجى إرسالها كاملة لو شائكة من كمبيوتري كنت أرفقت لكم النشرة الخاصة بموعد التقرير وفيه أن الموظف اللي دوامه اقل من ١٠٠ يوم ماكو تقرير له. وشكرا

 

[كويتية222]

اذاني المدقق الإملائي بالإيباد

 

[Vous jamais]

الحين طلع قرار يحسبون العطلة الكبيرة يعني لج تقرير

لانه خالتي ناظرة و عندها معلمات متعينين 3-3 بداية الكورس

على اساس مالهم تقييم بس عقب قالت لازم احط لهم تقييم لان القرار اليديد يحسب العطلة

 

[متفائله بالحياة]

الحين طلع قرار يحسبون العطلة الكبيرة يعني لج تقرير

لانه خالتي ناظرة و عندها معلمات متعينين 3-3 بداية الكورس

على اساس مالهم تقييم بس عقب قالت لازم احط لهم تقييم لان القرار اليديد يحسب العطلة

هالقرار الجديد اللي تقولين عليه متى أقروه
هالسنه ولا السنه اللي طافت ؟؟!!

 

[Vous jamais]

هالقرار الجديد اللي تقولين عليه متى أقروه
هالسنه ولا السنه اللي طافت ؟؟!!

السنة هذي

 

[كويتية222]

الحين طلع قرار يحسبون العطلة الكبيرة يعني لج تقرير

لانه خالتي ناظرة و عندها معلمات متعينين 3-3 بداية الكورس

على اساس مالهم تقييم بس عقب قالت لازم احط لهم تقييم لان القرار اليديد يحسب العطلة

هلا اختي. ماكو قرار فوق قرار ديوان الخدمة المدنية نشرات التربية مو قرار ، ويسري ع موظف التربية ما يسري ع موظفي الدولة. دوام فعلي يا اختي شلون تقيمها واهي. معطلة 7و8!! هالموظفات لو يدرون بحقوقهم كانوا رفعوا تظلمات .وياريت صورة للنشرة علشان يقرونها الاخوات. ويفرقون بين نشرة وقرار

 

[كويتية222]

خواتي اي وحدة تم تقيمها ودوامها الفعلي اقل من ١٠٠ ومديرتها حسبت ٧//٨ لها ترفع تظلم بالشؤون القانونية. حسبتهم غلط بغلط والقرار للديوان مو للوزارة اللهم اني بلغت اللهم فاشهد

 

[¤§ زيتونة §¤]

حبيبتي
الاكيد انه اذا داومتي ووصلتي الى 100 يوم بيكون لج تقرير ان شاءالله

انا مجلس طبي من شهر 10 وقالو تبين تقرير داومي 100 يوم وتاخذينه

بس انا مابيه

الله يوفقج حبيبتي

 

[كويتية222]

هلا اختي زيتونة... كلامج يوافق كلامي ١٠٠ يوم دوام فعلي، لكن وزارة التربية توها تصحى ع سالفة مخالفتها لقرار الديوان. وايد معلمات انظلموا بالتقارير وطلبت وزارة التربية حل او مخرج من الدكتور بدر بجاد المطيري المسؤول عن الشؤون القانونية بالوزارة وتوه ماسك المنصب ، قالهم ماكو حل لانكم تعديتوا ع قرار صريح للديوان . وبالتالي ماينحسب شهر ٧/٨ وحتي لو في نشرة يبلونها ويشربون مايها المديرات الديوان قراره واضح

 

[قوس قزح]

لازم تكونين مداومه 100يوم

 

[ROYAL]

السلام عليكم ، لو سمحتوا بنت خالتي غايبه الكورس الاول وداومت الثاني تقريبا بس يصير لها ١٠٠ يوم إذا ما غابت لاخر السنه بس تسال تقول شنو الأفضل لها تأخذ تقرير وإلا لا لان المديره حاطه عليها ماراح تعطيها امتياز وهي كل سنه امتياز حرام تخرب مسيرتها بالامتيازات وتعطيها جيد ،، فيدوننا جزاكم الله خير والله يوفق اللي ترد يارب

 

[قوس قزح]

لا تغيب
والتقادير يحطونها اخر اربعه

 

[ROYAL]

نبي نعرف شنو الأفضل لها تأخذ تقرير أو لا ؟