استفسار .. النمسا .. سويسرا .. ايطاليا

[7bebt 3bod]

بسم الله الرحمن الرحيم
اعضاء المنتدى الرائع اتمنى انكم تفيدوني لاني اول مره اروح رحله فيها تنقلات
السفر ان شاء الله شهر اكتوبر راح انزل في فيينا والعوده من ميلان
من تاريخ 19 اكتوبر
الى تاريخ 5 نوفمبر
الاشخاص انا و زوجي
قسمتها تقسيم مبدئي
فيينا من 19 الى 21
سالزبورغ من 21 الى 24
زلمسي من24 الى27
انترلاكن من27 الى31
لوغانو من31 الى 2/11
ميلان من2 الى 5/11

شنو رايكم بالجدول
التخطيط كان عن طريق قوقل ماب
اتمنى تساعدوني هل التخطيط جيد ولا احتاج اني الغي وحده من المدن
التنقلات بتكون ان شاء الله بالقطارات المسافات كلها بحدود الساعتين الى 3 ما عدا التنقل من زلمسي الى انترلاكن 6 ساعات

وكل الشكر لكم مقدما ​

:eh_s(17):

 

[قلبي تركواز]

حبيبتي تروحين وتردين بالسلامه
كتبت لج رد بتجمع المسافرات لاوربا

 

[M!SS.LOBY]

تروحين وتردين بالسلامة

 

[ريم2013]

حلو توزيع الوقت

انصحج نصيحة و ادعيلي فيها


الغي لوغانو و روحي كومو


لوغانو بين الحدود السويسرية الإيطالية
و منطقة سويسرية حلوه لكن بشكل عام ما يسوى غلاها


لان سويسرا راح تشوفين فرق كبير بينها و بين النمسا و إيطاليا من ناحية غلاء المعيشة


و كومو بينها و بين لوغانو نص ساعه تقريبا


مثل المكان بحيره لكن كومو في إيطاليا


منطقة جميلة جداً و هادية بحيرتها عجيبة و مكان راقي و حلو


بالنسبه لي فضلتها وايد عن لوغانو


سوي سيرج عنها و خليها بدال كومو

 

[اخت خالتهم]

انا اقول فيينا ريحو فيها يومين
عقب سالزبورغ بالايام اللي تبونها
و زلمسي او كابرون يم بعض بالايام اللي تبونها
وبعدها لوغانو نصيحه لا تطولين وايد يعني ٤ ايام كافي
و لوغانو تبعد نص ساعه اوساعه الا ربع عن ميلان ما يحتاج تسكنين بميلان
لوغانو احلى وميلان روحي لها يوم وردي
الغي انترلاكن لانها بعيده وااايد عن هالمناطق حوال ٧ ساعات

و لوغانو اساسا بعيطه عن زلمسي تقريبا ٦ ساعات سياره
فخلي التعب احسن حق لوغانو و ميلان


و خلي اغلب الايام بزلمسي راحه واستجمام

 

[اخت خالتهم]

انترلاكن يمكن راح تكون قريبه يم لوغانو توني استوعب اذا تبين روحيلها

بس وايد وايد زحمه جدولج

 

[Patcholli]

الجدول متعب
وواحسه بسرعه بسرعه ماراح يمديكم تشبعون من كل منطقه
مثلا فيينا من 19 لي 21
يوم 19 بتكونون توكم واصلين على ماتريحون وتبدولون وتطلعون ماراح يمديكم تسوون شي
وثاني يوم بس الي عندج تتمشين فيه وثالث يوم بتحركين
ترى تعب
مايمديج تبطلين الجنطه وبتصكرينها مره ثانيه
وانترلاكن وايد عليها 5 ايام ترى حدها يومين مافيها شي
صج حلوه بس مو مال تطولين فيها بتملين
خصوصا انج بتروحين زلمسي وتقريبا نفس الطبيعه بحيره وجبال وجذي
وانتي بتقعدين بميلان تقدرين تروحين لوغانو بينها وبين ميلان ساعه ونص اذا بتاجرون سياره روحولها يوم واحد وردو ليش تباتون فيها ؟
واذا عجبتكم هم روحولها يوم ثاني
اهي حلوه خصوصا الاوت ليت الي فيها بس يا تروحين لو قانو او تروحين ميلان لانهم يم بعض تقدرين تروحين حق وحده منهم بالسياره او القطار ماله داعي اقامه
كل ماتنقلتي اكثر بتتعبين وماراح تشبعين من المنطقه


وملاحظه قسمي المناطق على حسب الايام
يعني مثلا فيينا حاولي تخلينها بنص الاسبوع عشان يكون كلشي مبطل مثلا اذا وصلتي السبت وثاني يوم الاحد ماراح تسوين شي لان كلشي بيكون مصكر
والمناطق الي بس طبيعه وريلاكس خليها تصادف يوم الاحد لان ماعندج شي فيها غير طبيعه وتمشي

 

[M!SS.LOBY]

موووووفقة