استفسار!!!؟

[fri2010]

السلام عليكم

اشلونكم

بدخل بالموضوع بسرعه كان معدلي 2.96 حلوووو وكانو كاتبين لي على قائمه الشرف لا الحين صرت 3.07 مكتوب عند قائمه الشرف نعم فتحت الكتاب اللي عطوني اياه من اول ما دشيت الجامعه حاطين قائمه الشرف 3.5 مو معروفه هل هي خمسه والا خمسين المهم اتصلت عل العماده اول شي قالو لي خل تحافظ عل المعدل بعدين قالو لا خل تراجعنا وانا مالي خلق لهم كلش

والحين ابي اعرف ليش كاتبين يم قائمه الشرف نعم هل معناه اني صج بقائمه الشرف والا السستم مخرف

وشنو معناه قائمه الشرف يعني!!!؟

 

[بدلية]

شوفي انا بعد حاطين لي عند قائمة الشرف الي تحت نعم والي فوق بالمربع مكتوب لاا

بس الناس يقولون صدقي الي مكتوب بالمربع مو الي تحت والله اعلم

 

[الغدق]

والله حبيبتي اتوقع سستمنا مخرف
أنا معدلي 3.40 حاطين عند قائمة الشرف لا
وبكشف الدرجات مرات اكون جايبه بمواد سي
وبي يحطون عند قائمة الشرف نعم بالنسبة للكورس

 

[الغدق]

قائمة الشرف يعني متفوقة
والتفوق 3.50 يعني ثلاث نقاط ونص

 

[بنوتـــ عسل ـــة]

والله ما ادري بس ما حبيت اطلع من غير لا ارد

ومووووووووفقة

 

[0(مـــســـ(مطير)ــــــك)0]

شنو يعني الحين ؟

غلط ولا لا ؟

 

[fri2010]

والله ما يندرا عنهم بس الظاهر ان مخرف لووووووووول

شكرا على الردود

 

[أم حمد =)]

حنى انا مكتوب يم قائمه الشرف نعم .. مع اني مو متفوقه ولا راح اتفوق

و 3.5 معناتها 3ونص

 

[أم حمد =)]

شوفي انا بعد حاطين لي عند قائمة الشرف الي تحت نعم والي فوق بالمربع مكتوب لاا

بس الناس يقولون صدقي الي مكتوب بالمربع مو الي تحت والله اعلم

صح الي يكون بالمربع اهو الصحيح اما الي مكتوب تحت كشف الدرجات غلط ..

 

[0(مـــســـ(مطير)ــــــك)0]

وين اللي بالمربع ؟؟؟

 

[0(مـــســـ(مطير)ــــــك)0]

وين اللي بالمربع ؟؟؟

 

[0(مـــســـ(مطير)ــــــك)0]

اي مربع .. ماعندي مربع؟؟؟؟؟؟؟؟؟

 

[بدلية]

المربع الي فيه كل بياناتج من معدل وعدد الوحدات المجتازة والتخصص وكل شي

 

[أم حمد =)]

اي مربع .. ماعندي مربع؟؟؟؟؟؟؟؟؟

المربع اهوه التلخيص الي فيه معدلج ووحداتج ...الخ

 

[0(مـــســـ(مطير)ــــــك)0]

سوري المنتدى معلق 19 رد طلعلي خخخخخخخخ

بس البنات يقولون اللي بالمربع صح وغيره غلط

انا عندي اللي بالمربع ... اللي فوقه كاتبين عليه سجل الطالب الدراسي >>> هذا اخر خانه فيه كاتبين قائمة الشرف .

شنو اللي غيرها عفيه ؟

 

[fri2010]

ايييه انا مكتوب لي هالحجي بالمربع بس معدلي مو ثلاثه ونص اشلون!

 

[wardia]

شكله السستم مخرررف

 

[fri2010]

لا طلع مرتبه شرف حق هالكورس لان طلع معدلي الفصل 3.56

 

[no0oneta]

معدل الشرف من 3.50 وفوووق

 

[cuta.19]

اللي بالمربع الكبير مال كل الكورسات ولازم يكون 3.67 وفوووق

واللي تحت يكون مال الكورس بس و من 3.50 وفوق تكونين مرتبة شرف بس حق هالكورس يعني حتى لو معدلج العام نقطتين بس ها اللي تحت ماعليكم منه لان بس مال كورس واحد

اهم شي اللي يكون بالمربع الكبير واللي اعرفه لازم 3.67 وفوق .. بس في بنات يقولون لازم 3.90 .. ليلحين مادري الصراحة مرتبة الشرف جم لازم يكون المعدل ؟؟؟