استفساري عن أمريكا

[CRuSH]

:eh_s(17): السلام عليكم و رحمه الله و بركاته :eh_s(17):​

شلونكم بنات شخباركم​

بدايه احب اقولكم انكم شوقتوني واااااااايد اروح امريكا و طبعا هذا حلم اغلب الناس ..​

و ان شاء الله بروحلها نهايه هالسنه او عالسنه اليايه​

و بنروحلها انا و اخوي​

و باختصار ماعرف ولااااا شي هناك لوول ​

المهم فودي اجرب ولايه او ولايتين مو اكثر مجرد تجربه اولى
و خاطري (نيويورك - لاس فيغاس - ميامي - اورلاندو -هوليوود ) و باختار منهم ولايه او ولايتين بس شتنصحوني فيه ..​

بس حبيت اعرف منكم



1) افضل ولايـه ؟

2) افضل فندق بأفضل سعر ؟

3) افضل الاماكن بهل الولايه ؟

4) افضل المطاعم ؟

5) انا غرامي المحلات اللي تبيع اشياء غريبه و عجيبه و سوالف جذي فاللي تعرف او شافت محل او مكان معين عندهم سوالف جذي ياريت تقولي وين صاير ؟

6) افضل طيران ؟

7) جم تقريبا المصروف الكافي للرحله و يتضمن ( التسوق + الاكل + التاكسي ) للشخص الواحد تقريبا جم بيطلع عليه ؟

8) جم ساعه بالطياره تقريبا ؟
​

و ان شاء الله ما ازعجتكم بأسئلتي
و اتمنى انها تكون اسئله شامله و الكل يفيد و يستفيد منها​

و اخر سؤال بما ان احنا اول مره انروح امريكا هل من الافضل نسافر مع قروب و لا عادي بروحنا ما يفرق ؟​

واشكركم مقدما على المنتدى الروعه و اللي حييل يشجع و يفيد بوايد شغلات ؛) :eh_s(17):​

 

[CRuSH]

افااا تحبطت من اولها ​

 

[CRuSH]



 

[دروبك يالسهر]

رررررررررررفع

 

[CRuSH]

تسلمين حبيبتي دروبك عالرفع ​

 

[CRuSH]

رفع​

 

[CRuSH]

رفع

 

[noynoy]

​

1) افضل ولايـه ؟​

​

اورلاندو سياحيه و كلها اماكن ترفيهيه بتستانسين فيها واااايد و فيها ملاهي و ثيم باركز وايد​

نيويورك حق التسوق و الصايغ و السوقه و المطاعم و المسارح و السينمات و هم فيها بعض الاماكن السياحيه مثل برج الحريه​

​

2) افضل فندق بأفضل سعر ؟​

شوفي بسايت booking.com​

kayak.com​

تحصلين اسعار زينه​

بس انصحج حق اورلاندو تاخذين شقه بدال فندق ارخص و اكبر و اشرح و يكون فيها مطبخ و غساله و نشافه فراح يفرق معاج بالسعر،​

و اذا ما تبين شقق فندقيه سكني اب residence inn شقق فندقيه الغرف تنظف يوميا و في ريوق و سناك العصر و مواقف سيارات​

​

3) افضل الاماكن بهل الولايه ؟​

اورلاندو فيها يونيفيرسال ستيديو عجيبه​

ديزني عجيبه اكيد​

ايلاند اوف ادفنجر​

سي ورلد​

بوش جاردن عجيبه​

فلوريدا مول​

فيستا فاكتوري اوت ليت​

و فيها اكبر وول مارت بامريكا​

​

​

نيويورك فيها:​

متحف متروبوليتين​

برج الحريه​

مسارح برودواي​

سنترال بارك اهيا الحديقه المشهوره اللي هناك​

ليتل ايتالي يصير مثل فريج ايطالي كله مطاعم و محلات ايطاليه مثل جاينا تاون عرفتي​

متحف جوجنهايم (ما رحت له بس شفت بروشوراته)​

و في هلكبتور تسويلكم تور على كل نيويروك​

التسوق اب فيفث افينيو كله محلات و ديبارتمينت ستورز يعقد ما يكفيج اسبوع عشان تخلصينه، و فيه محل ديبارتمنت ستور اسمه ميسزز و اكبر واحد بامريكا 7 طوابق فضيع​

​

​

​

4) افضل المطاعم ؟​

​

جيز كيك فاكتوري اكلهم لذيذ و المنيو تحتارين شتطلبين​

رد روبن مطعم بيرجر لذيذ طلبي الناتشوز​

و نسيت الباجي بس هناك الاكل من كثر ما لذيذ تزيدين 5 كيلو ​

و المطاعم على افا من يشيل و اذا رحتي مدن الملاهي طبعا كله فاست فوود جربي ونديز و لا تجربين ماكدونالد مالهم اييب المرض و وصخ​

و المطاعم الايطاليه اللي بفيفث افينيو تقريبا كلهم حلوين بس مو حافظه الاسامي
و قهاويهم تعقد ريحه القهوه تكفخ براسج و تصححج
انصحج تتريقنين هناك عدل عدل عالساعه 10 ا بعدين خلو غداكم الساعه 5 او 6 عساس يصير اهوا غدا و عشا و تنامون خفاف و اذا حبيتو تحلون على ال8 و تشربون قهوه او برد اخف لكم ​

​

​

5) انا غرامي المحلات اللي تبيع اشياء غريبه و عجيبه و سوالف جذي فاللي تعرف او شافت محل او مكان معين عندهم سوالف جذي ياريت تقولي وين صاير ؟​

و الله ما فهمت سؤالج شنو يعني اشياء غريبه​

​

6) افضل طيران ؟​

​

القطريه تهبل تهبل تهبل ماكو عليها تودي لي نيو يورك ​

و البرتش و الاماراتيه يمدحونهم بس ما جربتهم​

الكويتيه توديج دايركت نيو يورك بس مواعيدها خرطي عادي الطياره تتأخر 12 ساعه​

الاميريكان ايرلاين و اليونايتد هم توديج دايركت بس كلش مو مريحه و مضيفاتهم مو لي هناك و كراسيهم ضيجه و ماعندهم تلفزيونات حق كل كرسي​

دلتا ما جربتها بس قالولي كلش مو مريحه و متعبه الكراسي و هم ما فيها تلفزيونات حق كل كرسي​

​

بالنسبه حق النقله من ولايه لي ولايه طعا طيران داخي يا امريكان ايرلاين يا الوينايتد و ترا في بعد خطوط كيران غير هذول بس ما جربتهم ​

​

​

حجزي مبجر مبجر لان الاسعار تفرق واااااايد​

​

7) جم تقريبا المصروف الكافي للرحله و يتضمن ( التسوق + الاكل + التاكسي ) للشخص الواحد تقريبا جم بيطلع عليه ؟​

ليش تاكسي انصحج تأجرون سياره و الله يعافي الجي بي اس يوديج كل مكان بس لازم ليسن عالمي ​

و اذا ما تبون او ما تعرفون تسوقون هناك ترا التكسي مكلف خاصه بنيويورك​

و مادري جم بيكلف التاكسي لان و لا مره ركبت ، بس الاكل و التسوق و السياحه و الطيران و السكن راح يكلف تقريبا 3000 للشخص على حسب المشتريات لانها تفرق​

​

8) جم ساعه بالطياره تقريبا ؟​

13-14 ساعه اذا دايركت ​

اذا مو دايركت ممكن يزيد على حسب الدوله اللي بتوقفون فيها مثلا الامارات او قطر و جم ساعه بتقعدون فيها​

​

و ان شاء الله ما ازعجتكم بأسئلتي​

و اتمنى انها تكون اسئله شامله و الكل يفيد و يستفيد منها​

​

و اخر سؤال بما ان احنا اول مره انروح امريكا هل من الافضل نسافر مع قروب و لا عادي بروحنا ما يفرق ؟​

ترا امريكا سهله وايد وايد بس اذا ما تعرفون كلش روحي بقروب عشان ارخص حق التنقل من التاكسي ​

​

 

[CRuSH]

حبيبتييييي noynoy يعطيج الف عاافيه و ماقصرتي عالرد احسه كفا و وفا :****
و على اخر شي حسيت أني فقدت الأمل لووووول محد رد علي
بعد عمري انتي عسى الله يوفقج و يحققلج اللي تبين
لأني صج خاطري اروحلها
و عالسياره اخوي يسوق فيمكن ناجر لنا سياره افضل على قولتج
و ما يحتاي قروب ؛) انتي كفيتي ووفيتي و عرفت الاماكن الحلوه و المطاعم و حتى حزت الاكل قلتي متى لوووووول
فديتج و ان شاء الله اذا في شي بعرفه راح استفسره منج لانج ماشاءالله امبين انج خبره
و نورتي الموضوع بوجودج و ردج عالأسئله بطريقه واضحه و مفصله *​

 

[noynoy]

حياج الله
و اذا تبين اي سؤال لا يدج الا لسانج

 

[CRuSH]

حبيبتي ما قصرتي و الله

بس بسئلج متى انسب وقت حق السفر يعني اذا قلنا بسافر على ٢٠١٢ اي شهر يكون الجو حلو مو برد وايد
*​

 

[noynoy]

شهر 3 4 5
انسب وقت و الله

 

[CRuSH]

تسلمين حبيبتي و ان شاء الله بنمشي على كلامج ؛)​