استفسارات

[قدســـاوية]

السلام عليكم

ومبارك عليكم ماتبقى من الشهر

بنات عندي جم سؤال, وابيكم تفيدوني اذا ممكن

-----------------------------------------------

بنات قبل لاتنزل الدورة لازم يصير لون الحلمة غامج؟؟؟

ولازم قبل الدورة اييج عوار بالحلمة والصدر؟؟؟

انزين انا هالشهر ياني عوار بحلمتي (سوري) وكان يزيد يوم عن يوم

ورجع يقل العوار تدريجياً لين اختفى شنو يعني يدل عليه يعني فشنق؟؟؟

انا دورتي مرات كل 26 يوم ومرات كل 28يوم واليوم 27

قبل اسبوع او اقل حسيت ان ياني عوار الدورة والحين راح

وعادي مرات ماحس بألمها كلش

وفي شغله بعد ,,, بسألكم لما تصير المرة ناشفه بالجزء التناسلي

بس مو حيل افراز خفيييييف جداً ,,, شنو يعني وشنو يدل عليه؟؟؟

بنات انا اسفه عالتفاصيل واسفه عالإطاله وياليت لو تفيدوني

ومقدماً اسأل الله لكم كل خير ويارب يرزقكم من واسع رزقه

 

[غلا-زوجي]

والله مادري بس اب لعيوووونج

 

[قدســـاوية]

فديتج تسلمين

اخيييراً احد عبرني وطل بموضوعي

 

[anooma_86]

الدوره متأخره عليج؟؟ اذا متأخره حللي يمكن حامل

 

[زين ودلال]

حللي الحين راح يبين ان شاء الله

الله يرزقج يااااااااااارب

 

[قدســـاوية]

انا تييني الدورة مرات كل 26يوم ومرات كل 28 يوم

واليوم انا بالنص 27

 

[قدســـاوية]

الله يسمع منكم

بس اخااااااف يخيب املي مثل كل مرة

حتى اللي بالمختبر حفظ ويهي من يشوفني يسجل اسمي من غير لا اقوله

قمت اتفشل اخر مرة سألني انتي من متى متزوجه

 

[anooma_86]

نطري يومين زياده و اذا مانزلت و انشاءالله ماتنزل حللي

 

[قدســـاوية]

ياااااااااااااااارب

مافيني صبر ياربي

تدرين اني قبل موعد الدورة باسبوع حللت ديجيتال بلو وطلع -

 

[قدســـاوية]

يمة ياني احساس الدورة



ابي افرح وافرح زوجي

وابي امي لما ترجع من السفر بعد شهر ونص ابشرررها

 

[sweeta77]

اشتري التحليل من الصيدليه وسويه في البيت تحليل البول اقصد
ترى وايد دقيق

 

[قدســـاوية]

خايفه من الدقرة

 

[قدســـاوية]

up

طاااال انتظاري وانا يالغالي بترجااااك

فيني عواااار الدورة

قبل شوي كنت اقول ماحسيت بأعراضها

 

[قدســـاوية]

راح العوار

شنو نلعب؟

 

[توحه1]

حبوبه لا تحاتين مرات الشغله تكون نفسيه واهي تاخر الحمل وتلعب بالهرمونات وجدم او تاخر الدوره خليها على الله وهو مقسم الارزاق

 

[قدســـاوية]

كلامج صح 100%

بس مو بيدي ما افكر

ذاك اليوم ريلي توه راد من العمرة

لاتشوفين ويهه لما اكتشف اني حاطه كير فري

انصصصصصصصصفق قلت له هدي هدي هذي يوميه عادي

قال ياكرهج صج بايخه ههههههههههههههه

اليوم كنت زايرة خالتي ولما رجعت اول شي سأل عنه الدورة

 

[Kawaii GiяL]

حبيبتي قولي بقلبج ربي لا تذرني فردا و انت خير الوارثين 40 مرة لمن تروحين المختبر و عليج بالدعاء
شكثر صارلج تحاولين تحملين ؟
روحي الطبيب سوي فحوصات قلبي يمكن لا سمح الله ضعف بالمبايض تحتاجين علاج
او تمارسون بوقت ما يكون تبويضج او بعد ماتخلصون تستعيلين و تغسلين لا خلج نص ساعه منسدحه و رفعي ريلج و التبويض يكون ( حسبي ) من اول يوم حق اخر دورة .. 13 و 14 و 15 يوم و عادي يجدم و يتأخر يومين .. يعني هالاسبوع كله حيلكم فيه
و ادعي قبلها اللهم جنبنا الشيطان و جنب الشيطان مارزقتنا
انا الصراحه و لا دورة غمجت عندي الحلمة اللهم الحين بالشهر الرابع من الحمل بدت تغمج
و اول اعراض حمل عندي النوم الزايد كله نايمه و ريلي يتحلطم اني مقصره عليه بعدين دريت اني حامل و ترى نفس اعراض الدورة الحمل ما تفرقين سوي تحليل هرموني

​

 

[حنان1983]

قدساويه ان شاءء الله يارب يا كريم تكونين حامل وتبشرينا يارب يرزقني واياك وكل من يتمني الحمل يارب العالمين

 

[ام ساره 4]

قدساويه الله يرزقج إن شاء الله هالشهر بالحمل قولي آمين وماتشوفين الدوره إلا بعد تسع شهور ويرزق كل وحده تبي الحمل وعليج بالاستغفار والدعاء والقرآن إقري علطول لو شوي بعد كل صلاة وتقربي من ربج والله يكتبلج اللي فيه الخير

 

[قدســـاوية]

انا صار لي احاول احمل سنتين وجم شهر

وانا رحمي مقلوب يعني لو انام على ظهري وارفع ريولي واحط مخده ماينفع

قالت لي الدكتورة نامي على بطنج او على جنب

وعمي ما قمت بسرعه عقب مانخلص اغلب شي ننام

ومافيني لا ضعف بالمبايض ولا شي وكل تحاليلي سليمه الحمدلله



ااااامين يا حنان ويا ام سارة