استفسارات .

[زهـــر]

السلام عليكم و رحمة الله وبركاته
بنات ما عليكم امر عندي جم استفسار
بالنسبة لفحوصات تاخر الانجاب
شنو اهي ؟ ... و شلون طريقتها ؟
هل اهي تحاليل دم وهرمون او فيها منظار او امور ثانيه ؟
و شنو الفرق بين الخاص و الحكومه ؟
يعني انا سمعت انه الحكومه ما تسوي فحص اذا ما طاف على الزواج سنه .. هل المعلومه هذي صحيحه؟

فيدوني و اكون شاكره لكم​

 

[TeAcHeR_BeZaRiN]

حبوبة روحي حق دكتور خاص واهي الي راح اتقولج شنو التحاليل الي تبيها

عادتا تحليل هرمونات وفحص للإتهابات الي بالرحم وموضع الرحم والمبايض

 

[Cacawa]

اي دكتور مو بس الحكومة حتى الخاص
الخاص مو مايسويلج فحوصات وتحاليل عادي يسوي عشان ياخذ فلوس
بس المعروف بين الدكاتره ان الطبيعي اذا ماتم الحمل خلال اول سنة من الزواج تبدين مرحلة العلاج والفحوصات والتحاليل
وتقدرين تراجعين دكتور خاص ويسويلج تحاليل وفحوصات

وفحوصات تاخر الحمل نفس اللي ذكرتيها منها تحاليل هرمونات (ياخذون منج عينة دم)
واشعة الصبغة وتحاليل حق الزوج منها الدم والحيوانات المنوية بعد

والله كريم ويوفق الجميع

 

[زهـــر]

بعد عمري
ماقصرتوو
مشكوريييين

 

[ام فوفو]

ماشاء الله البنات ماقصروا
الله يرزقج ويفرح قلبج يارب ويرزقنا

 

[bnt_kwt]

البنات كفو ووفوا

وحبيبتي دام توج روحي الحكومه ترا شطار وما عليهم قاصر وانشالله ما تتحتاجين علاج من تسوين التحاليل
الله يكتب لج انج تحملين بدون علاج

وحرام نفس التحاليل اللي بتسوينها بالخاص تقدرين تسوينها بالحكومه وابلاش

وانتي ابخص بروحج حبيبتي

 

[زهـــر]

صاجين ما قصروا
حبيبتي bnt
انا يوم بغيت اروح خالتي قالت لا تروحين لانه ما صار لج سنه و قالت لي انهم راح يطلبون عقد الزواج و راح يعرفون انه ما صار لج سنه ماني رايحه و يردوني و بعدين تقولي انا قلت لج