استفسارات ما بعد الولادة

[umm-7asson]

السلام عليكم

بنات اب مساعدتكم

صارلي اليوم ، اليوم ال 29 من النفاس واحتاج ضروري اشاء تصغر المهبل والدكتورة وصفت لي تحاميل البتادين وراح استخدمها ان شاء الله باجر ولمدة اسبوع ( شنو نصايحكم ) مرتين يوميا

وبنات عندي سآل ،، ليلحين ينزل علي دم مع ان انا اليوم 29 وحدي حريصة من ناحية الأدوية والتدفئة والأكل الصحي مال النفاس
هل هالشي طبيعي ولا لأ !!!

وابي وصفات سحرية تصغر المهبل والرحم ويطرد الهوا وينزل الافرازات والماي ابي شي يرجعني بنت :eh_s(22):

 

[فرح79]

وانا مثلك ياريت حد يفيدنا اشياء طبيعيه تصغر المهبل

 

[FJ style]

حبيبتي ما يرجعج بنت الا عملية التضييق الداخلي بعد الولادة
بس دام ما سويتيها
كل هالخلطات والتحاميل حلول مؤقته

اما عن الدم فيفرق بين وحدة ووحدة واذا رضاعتج مو قويه ممكن يطول النزيف
عموما سوي تمارين كيجل شدي ورخي تحت

وباول كم جماه طبيعي تكونين رطبه وشوي شوي راح يتعدل الوضع
بس ديري بالج تحورفين بعمرج وخلطات وبلاوي تدعسينها تحت هالمكان حساس وخطر

 

[الأميرة جوري]

حاولي ترضعين وايد علشان رحمج يشتد وينظف لان الرضاعه تقلص الرحم وتشده وتحاميل بيتادين وايد حلوه انا جربتها

 

[كتالونيه]

رررفع

 

[عذبة الروح..]

بالنسبه للدم عادي تحركي واجد الحين عشان تطيح الوصاخه وشربي اشياء دافيه
اذا تبين شي يضيقج وينضفج بنفس الوقت ويرجعج بنت تحاميل فيرجن بالصيدليه بس هذا اذا انتي مو مسويه تجميل بالولاده استخدميهم اهم ٣ حبات سعرهم قريب ٦٠ دينار

 

[umm-7asson]

مشكورين للي دشوا ما قصرتوا
اخت عذبة الروح انا سويت عملية تجميلية وانا اتحرك وايد واشرب أشياء وايد دافية مثل شاي الاعشاب وشاي قشر القهوة مع الدارسين والزنجبيل وشاي الزعتر وغير اللهوم بس مستغربة

 

[umm-7asson]

مشكورة ف جي ستايل انا مسوية عملية تجميلية داخلية بس قالولي غسول النفاس لازم بس انا ما حطيت اشياء لان اخاف

الأميرة جوري انا ما أرضع وايد بس اطلع من صدري حليب وارضع ولدي منه لان مع الأسف ما يعرف واذا رضعته ما يكفيه فشنو انا أسوي ارضعه من صدري وبعدين أكمله من الحليب اللي انا يمته له بالممية