استفسارات بخصوص الخدم

[MsKeNa]

السلام عليكم

اشلونكم مع رمضان ؟

انا عندي استفسار بخصوص خدامتي اللي وهقتني وكشتت فيني

الحين انا كنت مطلعه لها فيزا ودازتها ديرتها من قبل شهرين

والصدمه يوم ردتها اكشتت فيني وماردت وكل ما ادق عليها يقولون انها مو موجوده

وبعدين انصدمت انها بالديره وعن ناس ثانين

السؤال الحين هل ممكن انه يصير احد ثاني يطلع لها فيزا باسمها غير الفيزا الي انا مطلعتها باسمها ؟؟

ابي الرد ضروووري والي ماتعرف خل ترفعلي الموضوع

 

[ام الدرر]

لا حبيبتي لازم الفيزا اللي باسمكم تتكنسل اول وعقب اطلع فيزا ثانية
والفيزا ما يكنسلها الا اللي باسمه وبجواز الخدامة الاصلي
شيكي بالهجرة داخلة باسم منو او دخلي بموقع وزارة الداخلية على الرقم المدني للي مسجله اقامتها عليه وشوفي اقامتها للحين عليكم
اذا للحين يعني داخله باسمكم وبالحالة لازم تقدمين بلاغ عليها وعلى الناس اللي ماخذينها

 

[MsKeNa]

مشكووره اختي ام الدرر على الرد
والله انا اتمنا انها تكون داشه الديره باسمي ورايحه بيت ثاني
لانه بودي ابهذلها اهيا وياهم على القهر اللي اقهرتني اياه ونطرت الشهرين من غير خدامه

 

[al_sadeem]

يمكن الفيزا مالتج انتهت والناس اللي خذوها سوولها بعدج

 

[MsKeNa]

هلا اختي السديم
لاما انتهت لانه الفيزا مدتها 3 شهور وتنتهي وانا مطلعتها 30\7