استفساراتي عن الدوره الشهريه ..دشو ساعدوني

[miss paris]

مرحبااااااااااا

عندي عده استفسارات بخصوص الدوره الشهريه
الحين متى تكون الدوره منتظمه؟ هل اذا تقدمت يوم اويومين اوتأخرت يوم يومين تكون منتظمه والا لازم بنفس اليوم؟؟

وسؤال ثاني عبيط :eh_s(9):
اذا ياتني الدوره الشهريه تاريخ 7 هل المفترض اذا كانت منتظمه تكون تجي بتاريخ 7 الشهر اللي بعده او6 عشان يكون 30 يوم ؟؟
وهل الجماع يأثر عالدوره خصوصا اذا كانت عروس في بدايه زواجها؟؟يعني يأخرها اويجدمها

وسوؤال ثالث لرفيجتي
الشهر اللي طاف ياتها الدوره تاريخ 13 والشهر ده ياتها تاريخ 11 , يعني ياتها امس وانقطعت اليوم ..هل تغتسل والا تستنى يمكن تجيها لان تقريبا يايه في موعدها؟ تحاتي عشان صلاه الفجر
واهي بالعاده اخر ايام دورتها تنقطع يوم كامل وبعدين تكمل تجيها
شالحل؟

ياليت اللي عندها اجوبه لاسئلتي ماتقصر

 

[الماسه بروحها]

رد : استفساراتي عن الدوره الشهريه ..دشو ساعدوني

ماعندي خبر

 

[miss paris]

مشكوره حبيبتي
يالله بنات وين ردوكم؟

 

[الوردة المكنونة]

حبيبتي الدوره المنتظمه كل شهر تنزل بنفس التاريخ واقصى حد لها 7 ايام ومافي مشكله اذا تاخرت يوم او تقدمت يوم وعند البنات الدوره ما تكون منتظمه وايد مو مثل المتزوجه
والدوره ياتها يوم واقطعت اكيد بتنزل ونصيحه عشان الدوره ما تقطع وقت الدوره لا تاكلين ( مخلل - اجار - ليمون - فلفل )

 

[miss paris]

مشكوره حبيبتي
بس عندي سؤال هل عادي تاكل ككاو وزبادي وعصيرات وقت الدوره والا تقطعها؟؟

 

[غمزه وإبتسامه]

رد : استفساراتي عن الدوره الشهريه ..دشو ساعدوني

انا دورتي مو منتظمه يعني كل شهر بتااريخ
ويقوولون مو زين جذي يأأثر ع الحمل بعد الزواج
وبس

 

[miss paris]

اي عارفه حبيبتي ان عدم انتظام الدوره يأخر الحمل
بس شنسوي موبأيدنا

 

[غمزه وإبتسامه]

رد : استفساراتي عن الدوره الشهريه ..دشو ساعدوني

بصراحه ماعرف بس عني انا


انا دورتي مو منتظمه يعني كل شهر بتااريخ





ويقوولون مو زين جذي يأأثر ع الحمل بعد الزواج
وبس

 

[حياتي فراغ]

رد : استفساراتي عن الدوره الشهريه ..دشو ساعدوني

إذا كليت حبوب المانع تكون منتظمة و اذا قطعتهم
يكون في فرق بالتاريخ
يوم او اثنين اما تقدم او تأكر
و الاكل ما اتوقع يأثر
إلا اذا شربتي دارسين ينزل الدوره
او اناناس طبيعي

ما ادري بس هذا اللي اعرفة

 

[يعني أني]

رد : استفساراتي عن الدوره الشهريه ..دشو ساعدوني

اي شي حامض او مالح زياده مثل اللبن الزبادي العصاير البارده السلطات مو زينه للدوره

كثري من الشوربه وفيها فلفل اسود حب وحلبه وكمون رشاد وحبه البركه مع قطع دجاج بالشوربه حيل حلوه حق الدوره

وتشرب شغلات حاره مثل الشاي

وتشرب قهوه وتحط فيها مره زينه

ولا تجوع نفسها موزين خل تترس بطنها يعني تاكل عدل مدل

وتلبس دلاغات وشي طويل وتدفي عمرها

وتبعد عن الغازيات والعلج والكاكاو ما اضن يضر اتوقع يسكن الالم حتى النسكافيه يسكن الالم

وبسسسسسسسسس

 

[miss paris]

نورتو والله ماتقصرون
بس بخصوص رفيجتي تغتسل والا لا؟ ماباجي شي عالاذان
واهي بالعاده لما تجيها الدوره تقطع في الايام الاخيره يعني اليوم الخامس وبعدين تجيها في اليوم السادس

 

[miss paris]

up

up

 

[M!sS v!P]

فوووووووووووووووووووووووووووووق

 

[البطريقة البردانة]

ترى الوزن يأثر بنتظام الدورة وايد ....

إذا كان في زيادة بالوزن يتعفس النظام كله ....

 

[حبيبي مالكني]

رد : استفساراتي عن الدوره الشهريه ..دشو ساعدوني

حبيبتي العادة يجب ان تتكرر شهريا خلال فترة زمنية معينة مثل كل 28 يوم مثلا ويمكن تأخر او تتقدم يومين وهي بذلك لا تزال منتظمة وطبيعية
ويمكن تصير اكثر او اقل من28 يوم بس لازم تكون نفس عدد الايام او أكثر او اقل بشوي كل شهر

 

[عذآب إلـ أنآ]

مآعرف بس يآويلج اذا تأخرت عليج شهر والشهر اللي بعده تجيج ، يآويلج اذا مآعآلجتي !
شوفيني آنا آلحين صآرلي سنه متزوجه ومآعندي عيال بسبب لخبطة الدوره [/b]

 

[i'm so happy]

ان شاءالله البنات افيدونج ويفيدوني وياج انا دورتي مو منتظمة ساعات تيني بداية الشهر ساعات نهايتة

 

[درة أهل الطولات]

رد : استفساراتي عن الدوره الشهريه ..دشو ساعدوني

عادي تتاخر بس مو اكثر من 10 ايام عرفتي

دكتورتي قالت لي هالحجي

 

[سنفوره8]

up up

 

[۩۩ الجـــــود ۩۩]

عادى تتاخر وتقدم اهم شى تنزل ما تقطع

دورتى مو منتظمه ولا عمرها نتظمت ولا اثرت على الحمل