استفساراتكم عن تطعيمات الأطفال....ارجو التثبيت

[كيت كات]

استفساراتكم عن تطعيمات الأطفال....

السلام عليكم ورحمة الله وبركاته
خواتي كويتيات ..
بما اني في مجال عملي تطعيمات الاطفال
اقدر افيدكم باذن الله بجدول التطعيمات اللي من الولادة حتى
سن الاربع سنين ونص طبعا هذا المهم ...خصوصا اول سنتين
وحياكم الله ...بس حبينا نفيد

 

[منورة الكويتية]

يعطيج الف عافيه ام بدوووري
انا بنتي بتتم شهرين الاسبوع الياي وعندها موعد 1-4 عشان تطعيم الشهر الثاني بعرف هالتطعيم حق شنو ؟ وهل راح يتعبها وتصخن؟ وشنو لازم اسوي معاها اذا صخنت؟ وهم كانوا مطعمينها اول مانولدت بالمستشفى بعرف ذاك كان تطعين شنو بالظبط.؟
ويعطيج الف عافيه خوووش موضووع

 

[ضحـاوي]

ام بدوري

3 سنوات له تطعيم شنو ؟؟؟؟؟؟

 

[كيت كات]

شوفي حبيبتي ...
التطعيمات كالتالي:اليوم اللي تطلعين من المستشفى يعطونه كبدي وشلل
وعند شهرين شلل وثلاثي وتسخن وتحطين عليها كمادات دافية على الفخذ
وتاخذين ادول طبعا هذا وتاكدي من السستر اللي تطعم ولمن تروحين لازم شهادة الميلاد مع البطاقة المدنية لانج اول مرة ولاتنسين تروحين غرفة المفتشات يم غرفة التطعيم عشان يعطونها رقم بالسجل منورة هذا اذا كنتي سامنه بكيفان وبطاقة بنتج على كيفان لازم تروحين العبدالمغني اللي باالفيحاء

 

[meyou]

الله يعطيج العافيه يا ام بدوووري بغيت اسالج انا اليوم ولدي اخذ تطعيم الدرن حلو لمن يكمل 4 شهور راح ياخذ نفس اعتقد اللي خذاها بالثاني لكن اللي ابي اعرفه نفس الابر وحده بس ولا نفس الشي ثنتين بريل و وحده بالريل الثانيه لان والله يعورون القلب و اهمه يقزونه مايصير اخذها بداله لوووووووول صج ماحب الابر بس عشان عيونه اتحمل الله يخليلكم عيالكم جميييييييييعا ان شاء الله و يجعلهم من الذريه الصالحه

 

[طيبة الكويتية]

ليش يا اختي فيه تطعيمات موجوده بالخاص مو موجوده عندنا بالحكومه.
مثل الكبدي أ, ماكان موجود عندنا بمستوصف كيفان و اخرت تطعيم ولدي و ما شفته الا بالصدفه بالهادي .
تطعيم ثاني بعد مثل الجدري. مو موجود بالكويت. ولدي الكبير اذكر اني رحت الامارات اعطيه التطعيم عند دكتورهم هناك.
و فيه تطعيم بعد مال فايروس الروتاه اعتقد, اللي يسبب النزله المعويه بعد مو موجود بالكويت
شنو السالفه, هل الوزاره و دكاترتها ما عندهم علم عن التطعيمات هذي ولا ما يخافون على صحة اعيالنا؟؟؟؟

 

[كيت كات]

ضحاوي عيوني انتي مافي 3 سنوات تطعيم فيه سنتين ونص وفيه 3 ونص
ميوى الله يعينج ابرة الدرن برايي اصعب ابرة اخيه تعور القلب صج وبالنسبة للشهر الرابع نفس اللي خذاه بالضبط ....الله يعينج تصدقين انا كنت اشوفهم واهمه يطعمون اليهال والامهات تروح مني ومناك مايبون يشوفون عيالهم واهم ينقزون وانا اقول شهالعيارة ماادري ان الموقف صج يعور القلب لاني توني جربت صار عندي بيبي
طيبة حبيبتي ...بالنسبة للتطعيمات جدول التطعيمات مال الكويت من افضل الجداول بالعالم هذا من تصنيف منظمة الصحة العالمية ...والجدري والنزله المعويه وكبدي أ مو ذاك الخطورة ...

 

[D.asmaa]

انزين تطعيم بوسنه حق شنو و فيه سخووونه بعد؟؟

 

[نووووونا]

ام بدورى تطعيم حق بو سنتين شنو !!وابره ولانقط

 

[حصووووص]

حبيبتي ام بدوري شنو تطعيم السنتين ابر ولا نقط
و تييهم حراره ولا لأ

 

[كيت كات]

شوفو حياتي ابو سنه تطعيم واااااااااااااايد مهم اهو للحصبة والحصبة الالمانية والروبيلا ....ومايصخن بس تأكدي من الصخونة من السستر نفسها
وياهلا وغلا بوابو سنتين ...نجد حبيبة قلبي السنتين مهم مهم طعم السحايا وما يصخن
وكذلك ام جنتي حصووووووص نفس الكلام

 

[كيت كات]

نسيت كلهم ابر قز قز قز

 

[أم الحلوة جمان]

ام بدوري صج الحين في حملة للتطعيم عن الحصبة ؟؟؟؟
انزين اذا فيه انا بنتي 3سنين و 5 شهور اطعمها مرة ثانية ؟؟؟
وولدي 5 شهور و شوي اطعمه بعد ؟؟؟؟؟

بنات الابرة اللي بالشهر الثالث ( الدرن ) والحمدلله ماعانيت منها
بس اللي بالشهر الرابع ابرتين وروني الويل بعد عمري مع اني سويتله كمادات دافية و ادول على طول بس هم سخن لا و ورمت ريله و صارت حمرة مكان وحدة من الابر و عور قلبي مزاجة كللش مغلق و تحجر الدوا والله عانيت معاه اسبوعين و شوي على ماراح.

 

[أم الحلوة جمان]

الله يعيني على بنتي الشهر الياي عندها موعد ابرة ( الدرن ) على ما أظن لأن بنتي مع التطعيم النظام القديم .

 

[كيت كات]

اهلين اختي
لا ما في حمله حصبة هذي جم حاله طلعت بالجهرا وسيطرو عليها
وبالنسبة لبنتج مثل ما قلتي على 3 ونص عندها الدرن ومنشط نقط بالفم وولدج على 6 شهور عنده تطعيم

 

[بوران]

انا ولدي طعموا تطعيم الروضة قبل 5 ايام بس صار مكانها احمر
متى تزيد عليه المفروض

 

[DooNy]

مشكوره كيت كات خوش موضوع

حبيبتي بغيت أسألج آنا بنتي باجر عندها تطعيم السنتين هل أقدر أأجله بعد جم يوم يعني أخليه الإسبوع الياي ؟ لأن فيها نشله وأخاف تزيد الحاله عليها وتطعيم فوقها أحس البنت راح تتعب

 

[malak_alroo7]

تسلمين كيت كات
موضوعج وايد مهم و مفيد
حبيبتي ما قصرتي

 

[* LOVE STORY *]

دوووني شخبارج

اي تقدرين تأجلينه آنا كان ولدي تعبان وأجلته اسبوع
بس انتي مري الدكتور اول وهو يقرر

ا

 

[كيت كات]

بالنسبة للتطعيم الروضة تحمر بعد تقريبا اسبوع وتطلع قراح بعده عرضيها للشمس
وتطعيم السنتين عادي نشله كللللللش عادي المهم اذا في حرارة لا تودينه والباجي كله عادي