استغلال او غش او الله اعلم ؟؟؟

[3sl:~]

السلام عليكم ورحمه الله وبركاته
قوه بنات شخباركم ان شالله الكل بخيرررر
من زمان اتابع قسمكم بس بشكل مخفي ايام الرشاقه وكنت بحافظ
ياطويلات العمر حاسه فيكم بتقولون ليش جذي عنوان موضوعهاا؟؟؟
بنات انا مشكلتي حملت والحمدالله وولدت وجسمي تغير 180٪
كشكل وكوزن ودهون والسبب؟؟؟ اسباب كثيره
المهم عقب الولاده بست شهور حاولت وحاولت وحاولت والنتيجه وزني نزل بس مو نفس الي ابيه وطمعت بصراحه وحبيت اتخلص من عقده الـ80
بست شهور وعنوه رجيمات والخ ونفسيه قدرت اوصل 84 تقريبا وعقبها قررت لاني حيل تعقدت تخيلي بسنه ينقلب حالي من رشيقه الى شي ماينوصف؟؟؟:eh_s(16):
المهم رفيجتي اطلبت لي حبوب ماغريم دايت من وحده معانا بالمنتدى بنات انا نوعيتي دقيقه بالشي
قريت وقريت وقريت الين استخرت وقلت باخذها واخذتها والحمدالله حيل انفعت معاي الكرتونه الاولى ماابالغ لدرجه تعودت وماكنت اكلها يومياً .. يوم يومين / يوم وترك وجذي وقدرت انزل ...
المهم خلصت العلبه؟؟ اسبوع بدون ولا شي قعدت قلت دام يمديني خلني اكمل العلبتين واوصل لمرحله ماقبل الحمل
ودقيت وطلبتها واوصلت لي:rerrerek:
المهم بنات انا دقيقه العلبه الاولى خليت منها وحده قلت لاسامح الله يمكن ماتكون نفسها او شي؟
المهم بطلت العلبه واخذت اول حبه. ولاحظت اللون مختلف قلت يمكن يتهيأ لي
وثاني يوم نفس الشي مافي ولا نتيجه واحس شهيتي ماتنسد نفس قبل وشكلها غير الحبوب الاولى مضغوطه هذي مومضغوطه ولونها فاتح شوي
واستمريت 6 حبات عالعلبه الثانيه ورديت خذيت حبه العلبه الاولى ما ابالغ العلبه الثانيه ولا احس فيها شي والاولى حده سدت شهيتي
شالحل تهقون يغشونا ؟ ويحسبون غبيات ماراح نلاحظ؟
اللون غير والشكل غير ؟؟؟؟ ليش يعني لهدرجه وصل الغش بالحبوب؟؟؟؟:bbbiu:
ترا نقط افلوس بس الفلوس الي تاخذونها حرام
واتمنى الرساله توصل لبعض الناس وماحللها علا استغلالهااا وغشها يكفي مجازفه بروحي وفوق هذا حبوب مغشوشه؟؟!؟.

​

:eh_s(4):*

 

[طريق السعاده]

الله يعوضك ويهديها مايجوز هالشيء مدري ماجربت هالموقف بس نصيحه اختي الحبوب تضر الجسم والكبد والكلى ع المدى البعيد

اذا البندول خطر وبس للضروره ينوخذ فما بالك هالحبوب انحفي بصحه وبلاش حبوب وخرابيط لو خففتي اكل وصلحتي رياضه بتنحفين والله وبصحتك كامله

 

[3sl:~]

الله يجزاك خير ياقلبي عالمرور ومشكوره عالنصيحه
وشكلي راح اقطعها وارتاح
انا مستغربه ٥٦ وبس رد وااااحد

 

[3sl:~]

ااااااااب

 

[حبيب الله]

حسبي الله ونعم الوكيل

 

[تووته البسكوته]

حبيبتي الله كريم
اللعب بارواح الناس صار لعبه هالايام
جان كلمتيها ؟؟؟لا تسكتين ؟؟
انزين اذا لقيتي الحبوب الاصليه مممكن تدزين لي رقمهم برساله خاصه لان ابيهم

 

[السيده ام حسين]

حببتي الله يعوض عليك بالصحه والعافيه هذي احسن نعمة
بس باقول لك نصيحه اول شي تاكدتي من نوع الحبوب والله العظيم اكثر ادوية التخسيس فيها جلاتين الخنزير انا شريت حبوب التخسيس من امريكا وطلع في هذا الجلاتتين ورجعت الصيدليه وشفت الانواع الثانيه الا تفاجات تقريبا 6 انواع وكله فيها جلاتين الخنزير ومكتوب انه فيه الجلاتين والله على ماقول شهيد
ارجو من خواتي التاكد من هذا الشي

 

[afaf]

الله يستر

 

[گنت أحبگ]

يمكن تعود جسمج عليهم وماقام ينفع؟

انا الحين بديت استخدمهم ووايد يسدون الشهيه

بس قولي من وين طلبتيهم المره الثانيه؟

 

[عسووووولة]

اب اب

 

[foshia girl]

حسبي الله ونعم الوكيل على كل اللي ينصبوون على الناس
حبيبتي انتبهي لا تاخذين اي حبوب تخسيس لانها تضر على المدى البعيد تضرب الكلى والكبد وهذا كلام الدكاترة
انا مرة خذيت حبوب يسدون الشهية وندمت ندم والله مانمت ثلاث ايام سببولي ارق وصدااع بغيت امووت قمت
اصيح مثل اليهال اللي بعدين قطيتهم وحلفت اني مااخذ شي من هالسوالف

 

[شربـــات لـــوز]

استغفرالله ولله اعرف وحده ماتت من هالحبوب !!!!!

بنات لا تاكلون حبوب وربي موزينه

 

[PuPa^^SWeeT]

انا شفت وحدة مااتت اليوم الثاني من حبوووب



فا تكفوون بنات وقفووو حبوووب ترا مو زييينة



البنية كانت نورمال تخيلووو يعني مو متيينة بس وزن زايد بس 10 كيلو اتنزلهم



و ضعفت صااارت اتينن صحح


بس تمت تشتكي من شي ياكلها من الداخل

اتقووول قلبي يعورني بطني يعورني


وبالاخير


طبعت الحبوووب عبارة عن ديدان دشت جسمها و كلت الدهون لين شبعت

بعديين اتجهت للقلب و المعدة و الكلى و الكبد



ديرو بالكم



الله يرحمها يارب و يهون على اهلها يارب

 

[گنت أحبگ]

بوبا شنو كانو الحبوب؟

 

[إستبرق الكويت]

مرحبا ..

انا اكتب لكم وانا ميته قهر .. في المنتدى شفت إعلان عن الكورس اللبناني وتنزلين 20 كيلو بالشهر

قمت وطلبته .. طبعاً صاحبة ( التجارة ) ما ترد على الاتصالات فقط واتس اب ..

سعره 25 دينار غير سعر التوصيل ..

القهر إنها بضاعتها عبارة عن عشبة الإسبغول الي سعرها بالجمعية 500 فلس ومعاها اعشاب سعرها عند الحواي ما يتعدى الدينارين !

ومفاجأة معاها حسب دعايتها , طابعة لنا من منتدى الريجيم الكيميائي و طريقة عمل الشوربة الحارقة !

حسبي الله ونعم الوكيل فيكم ، قالوا التجارة شطارة وانا اقول صارت التجارة بوق ولهط من مخابي العالم , عموماً الـ 25 دينار مو محللة فيهم

اتمنى من إدارة المنتدى اشتراط تجربة المنتجات او تحليلها في مخبر الصحة قبل قبول الإعلان ، حتى لا تتكرر عمليات النصب على العضوات و الزوار .

 

[modern]

كلميها و راجعيها

 

[ليدي بجد]

لا حول ولا قوه الا بالله المصبيه مو في انها بس ما صارت تنفع المصيبه هالي قاعده تبلبعينها هي مكونه من شنو واسمحيلي لا تقولين مكتوب على العلبه.!! انتبهي ووقفيها....ودام نحفتي خلاص صار عندك دافع كملي بدون كيماويات..وتقدرين وانت قدها وقدود انا جربت زمان حبوب راديتكال السد الشهيه خلتني مجنونه من العصبيه من يومين او ثلاث استخدام ورميتها مع انها غاليه وتوبه اخذ اي حبوووب او اي كيماويات لو باخذ اعشاب طبيعيه اشتريها واويها بنفسي مو اعشاب جاهز لانها ما تنضمن شخالطين عليها
شاركينا بحملتنا
معا نحو جسم منحوت
بهالقسم وتو باديه

 

[دايم على البال]

ياويلها من الله وحسبي الله ونعم الوكيل
ياليت مشرفة المنتدى بنت الكويت اتحرى عنها وتوقفها


وبليز بليز دزي لي اسمها ع الخاص عشان ماانغش مثلج
وبغيت الحبوب الاصليه شريتيها من منو دزي لي خاص اذا ممكن

 

[Koko7taty]

الحمد لله أن ماصار فيج شي من الحبوب

​

 

[مدربه رياضه]

حبيباتي اللي تبي تدريب رياضه وسويدي بالمنزل سواء لوحدها او مع مجموعه تتواصل معي علي الخاص وهناك اعشاب طبيعيه جدا تقدري تجبيها من عند اي عطار تساعه علي زياده حرق الدهون وتعمل علي زياده معدل حرق الدهون والكربوهيدرات بالجسم مثال قرفه +جنزبيل+شمر +شاي اخضر اعشاب طبيعيه جدا مفيده للحرق والشمر مفيد جدا لشد الجلد والبشره تضيفي ليهم مياه سخنه وتغطيها لانها بتطلع زيوت عطريه لازم تغطيها لفتره خمس دقائق حتي تستفدي منها بالكامل وتؤخذ قبل كل وجبه بنصف ساعه