استعملتي كامينوموتو فتره وفادج وتركتيه تعالي ..

[ياهووو]

السلام عليكم ورحمة الله وبرككاته



بنات
انا سمعت عن كامينو ميتو
والمدح المهوووول عليه

سواء المسرع او المقوي


وتحمست استعمله
بس قريت كم وحده تقول يوم تركته طاح شعرها
واللي تقول زاد الشيب
واللي تقول اصلا مافادها
واللي روعني تاجره بمنتدى تعتذر من زباينها عن توفيره
تقول انها جربته ولما تركته طاح شعرها
وماتبي تبيعه لاحد وتغشه وتاخذ اثمه
يعني تاجره وتقول جذيه ماشاء الله لو غيرها كان همها بس المكسب
هي اللي اكثر شي خلتني اتردد


عاد هل هي حقيقه ام اشاعات مغرضه <<< حلوه مغرضه



الوكاااااااااد

انا ماعندي إلا شعرتين بقمة راسي والمسافه بين كل وحده ووحده كيلو
يعني فروة راسي باينه

وتحمست لهذا
بس ماني مستعده ابد ان يصير شي بهالشعرتين

فشرايكم

ابي اللي استخدموه لفتره
وزانت شعورهم ماشاء الله
اللي طال واللي كثر <<< اهم شي كثر ماهمني الطول

تكتب لي تجربتها وطريقتها وشكثر قعدت عليه

والاهم شكثر صارلها تاركته
وهل تغير شي يعني رجع شعرها مثل قبل خف او شي
يعني بالعربي يوم راح مفعوله رجع شعرج مثل قبل
او تم على التحسن اللي حصلتيه



ولكم مني جزيل الشكر << حشى كاتبه بيان



انتظركم

 

[NO_oNA]

سبحان الله ، اليوم ناوية أ شتريه إن شاءالله وتوني توني جالسة أبحث عنه ونفس الاسئلة تدور ببالي

اللي فهمته من خلال أبحاثي احم احم لوووول

ان لازم تنتظمين باستخدامه ولمن تتركينه تتركينة بتدريج ، زي الخلطات كثيير نسمع انها تكثف و تطول وان من يتركونها تطيح شعورهم لانهم مايتدرجون

عني شعري دهني وناعم ماشاء الله ، من زمان مستمره على تونيك الفازلين وشعري تمام عليه
بس المشكله بالقشره والتساقط ، جربت الخل تو هذا الاسبوع اول مرا شعرتين و امس لا والله يمكن ٢٠ شعره وفي قشره

لمن ابدء باستخدامه بقولكم النتايج ان شاء الله

 

[ranh]

هلا حبيبتي، تاثير كمينوموتو على وقف التساقط والانبات فعال انا بحثت عنه باكثر من موقع ، بس نقطه يرد التساقط بعد توقيفه وارده ، كمبنوموتو يعتبر دوا يحتوي على مركب يوقف عمل هرمون اليسبب تساقط الشعر، فنصيحه لو راح تبدين فيه لازم انتظام والنقطه الثانيه لازم مكمل غذائي مع العلاج بكمينو وايضا بعد توقيفه
تحياتي

 

[NO_oNA]

بالنسبة للمكمل الغذائي لأني أخاف من الحبوب فبستعيظ عنها بأكل " خياره ، جزره بقشرتها ، جرجير " يوميا ؛)

 

[كازاوية]

إن شاء الله المجربات يفيدونا لأني ناوية عليه بعد

 

[ياهووو]

إن شاء الله المجربات يفيدونا لأني ناوية عليه بعد

أجل اسفطي جمبي
وارفي الموضوع معاي
ترى البيت بيتج
سوري
قصدي الموضوع موضوعج

 

[ياهووو]

هلا حبيبتي، تاثير كمينوموتو على وقف التساقط والانبات فعال انا بحثت عنه باكثر من موقع ، بس نقطه يرد التساقط بعد توقيفه وارده ، كمبنوموتو يعتبر دوا يحتوي على مركب يوقف عمل هرمون اليسبب تساقط الشعر، فنصيحه لو راح تبدين فيه لازم انتظام والنقطه الثانيه لازم مكمل غذائي مع العلاج بكمينو وايضا بعد توقيفه
تحياتي

من ناحية المكمل
ابشرج
قاعده استخدم واحد
بس الله وعلم شنو هو
هههههههههههه

وكاني كاتبه موضوع اسال عنه

http://www.q8yat.com/t956673.html


نبي مجربات يابنات

 

[ياهووو]

بالنسبة للمكمل الغذائي لأني أخاف من الحبوب فبستعيظ عنها بأكل " خياره ، جزره بقشرتها ، جرجير " يوميا ؛)

والله الطبيعي حلوووو
ومفييييييييييييد

بس هم العالم تمدح واستفادت من المكملات

 

[{.صغيروؤونه.}]

آب .. آب

 

[نور المطيري]

ودي اجربه بس خايفه

واب لعيونج​

 

[زوجة عزيز]

واااي حبيبتي والله زين اللي قلتي عنه لان كنت ناويه اخذه هالشهر مشكوووره

 

[ام اليتامى]

هلابك اختي
انا استخدمت كامينو موتو المسسسرع فقط والذي نفسي بيده ان شعري لا اله الا الله طلع وش زينه واستمريت عليه حول شهرين مشاءالله وتركته ولا طاح شعري ( تركته لاني مو متوفر بديرتي كنت اجيبه من الرياض ) وبعدين سافرت للرياض وجبته وجبت علبه وحده المقوي ومشاءالله شعري تمام

بعد خمس شهور رجعت لحالتي وهي نتف الشعر ( الان بمعنى اصح مصلعه ) ادعو لي بالشفاء سالتكم بالله العظيم

واللحين وصيت وحده تجيبه لي اذا لقته وجابته احاول امسك يدي ماامصع شعري

دعواتكم لي بالشفاء

 

[همس الهموسات]

اااااااب انا ناويه اجربه بنات الي جربته ياليت تحط تجربتها

لان شعري يتساقط وضعيف وقليل !

 

[حبيبة سالم]

انا _ مااااافي _ شي _ الا وجربته_ وكمينو موتو_ جربته _ يمكن _ شهرين ونص _ مستمرة _عليه_ بس _ هديته _ فعلا _ تساااااقط_ شعري _ بكثثثثرة _ اكثر _ من _ قبل_ ولمن_ كنت _ احطه _ احس _ بلسعات حاادة براسي _ وهم _ صدااااع _ مو _ طبيعي

 

[123kookoo]

انا جربته فترة بس
من استخدمته شعري
قام يطيح عشان جذي وقفته
بس في بنات نفع معاهم مشالله

 

[ياهووو]

واااي حبيبتي والله زين اللي قلتي عنه لان كنت ناويه اخذه هالشهر مشكوووره

العالم كلها طلعت ناويه عليه


يالله اسفطي جمبي

خل نطر اللي قد جربوه

 

[ياهووو]

هلابك اختي
انا استخدمت كامينو موتو المسسسرع فقط والذي نفسي بيده ان شعري لا اله الا الله طلع وش زينه واستمريت عليه حول شهرين مشاءالله وتركته ولا طاح شعري ( تركته لاني مو متوفر بديرتي كنت اجيبه من الرياض ) وبعدين سافرت للرياض وجبته وجبت علبه وحده المقوي ومشاءالله شعري تمام

بعد خمس شهور رجعت لحالتي وهي نتف الشعر ( الان بمعنى اصح مصلعه ) ادعو لي بالشفاء سالتكم بالله العظيم

واللحين وصيت وحده تجيبه لي اذا لقته وجابته احاول امسك يدي ماامصع شعري

دعواتكم لي بالشفاء

الله يشفيج ياقلبي


بس الحين بعرف بالخمس اشهور استخدمتيه او لا

ولما كنتي مستمره عليه شهرين وتركتيه شكثر تركتيه ورجعتي ثاني مره

اسفه بزعجج باسالتي

 

[ياهووو]

انا _ مااااافي _ شي _ الا وجربته_ وكمينو موتو_ جربته _ يمكن _ شهرين ونص _ مستمرة _عليه_ بس _ هديته _ فعلا _ تساااااقط_ شعري _ بكثثثثرة _ اكثر _ من _ قبل_ ولمن_ كنت _ احطه _ احس _ بلسعات حاادة براسي _ وهم _ صدااااع _ مو _ طبيعي

ياخراشي
يا انهار اسود ومنيل
:eh_s(2):

 

[ياهووو]

انا جربته فترة بس
من استخدمته شعري
قام يطيح عشان جذي وقفته
بس في بنات نفع معاهم مشالله

اخاف اللي طاح التالف وبيطلع الجديد وانتي استعجلتي <<< تحاول ترقع :eh_s(16):

 

[ياهووو]

همس
نور
صغيرونه



تابعونا تجدون مايسركم <<< فاهمه غلط
هههههههههههه