استعداداتي كــ طالبة ميداني ,,, تخصص انجليزي

[Thweega]

السلام عليكم ورحمة الله وبركاته
انا طالبة بجامعة الكويت تخصص انجليزي
و باذن الله ميداني هالكووورس و متحمسة حدي بس خايفة بنفس الوقت
المهم قريت الموضوع المثبت للعضوة اللي اعتبرها قدوتي بالتدريس ( بنات حواء 2)
وهذا اللنك لموضوعها
كل ماتحتاجينه من معلومات و فناتق لدفتر التحضير و افكار للوسائل التعليميه مع ام زنوب
http://www.q8yat.com/t700253.html
بصراحة وايد استفدت
بس ما زال عندي مليون ومليون سؤال ابلات الانجليزي يرفعون ايدهم بسالهم
وبما اني ماادري اي مرحلة واي صف وشنو المنهج
ف قررت اني استعد بالاشياء العامة عالاقل
اتمنى الكل يستفيد
انتظروني

:eh_s(17):

 

[نور النـور]

مشكوورة حبيبتي
وبالتوفيق لج وشدي حييلج يا ابله مابقى شي ان شاء الله
كان ودي افيدج بس للأسف تخصصي غير عنج

 

[Thweega]

 

[Thweega]

تغيير شكل الصف وطريقة الطاولات المعهودة
دز نوال العثمان الله يذكرها بالخير في مادة اساليب التربية قالت لنا عن فكرة تغيير الطاولات وستايل الصف بين فترة وفترة وان هالشي ياثر على تفكير الطالبات ويوسع نطاقه وما يكون محدود و يكسر حدة الملل والروتين

شوفوا هالصور

هذي الطريقة العادية


مجاميع





الدراسة بمكتبة المدرسة
وحلوة حق حصة القراءة


وهني الدراسة بالساحة او بالملعب
ابلات الاجتماعيات لاحظوا فكرة الخريطة وااااايد حلوة


الدراسة بالصف بس عالارض
اتذكر بالابتدائي ابلة العربي اتذكر ودتنا حق صف معين في زوالي ودرستنا فيه انا بصير ابلة باذن الله وللحين ذاكرة صج استانسنا


الدراسة بمختبر الحاسوب لتشجعيهم عالتكنلوجيا

وما ننسى طبعا تزيين الصف





حلوة للتشجيع على القراءة












يلا عااااد ابي تفاعل عشان اكمل

 

[Thweega]

من الافكار اللي حابة اسويها اهي كورنر خاص بالصف للقراءة
واكيد كلكم عارفين اهمية القراءة بس لازم نعرف الطريقة المناسبة لتشجيعهم
وهذي احد الطرق كورنر قراءة ملون ويجذب الطلبة
طبعا مادري يصير ما يصير ولو يصير اخاف يقولون شفيها هذي خابة عمرها وتسوي شي مو ملزومة فيه
ابي رايكم
خنشوف الصور









مادري ليش القراءة مقرونة بشخصية هالدودة
ودي اعرف لوووول

 

[Thweega]

عجبتني هالصورة
هذا نشاط الخارطة الذهنية
هم تعلمت الخريطة الذهنية بمادة تعليم اساليب التفكير ولها اهمية كبييييرة لج كمدرسة للتخطيط
وللطلبة بعد

وهذي صور متنوعة للخريطة الذهنية

 

[Thweega]

نور النور -------------- مشكورة حياتي عالرد

 

[Thweega]

انا بنام الحين واذا قعدت ولقيت تشجيع بكمل ان شاء الله

 

[نور النـور]

^^

مشكوووووووووووووورة حبيبتي موضوووعج حيل حيل حيل حيل حلوووووو ومرتب فديتنا بأفكار للميداني

مايمنع اني احط كورنر للقراءه وتخصيص حصه للقراءه ويتم من خلالها الطلبه بأختيار القصه (التربوية) او (الثقيفية بالماده ) عشان نفيدهم ونستفيد

كسر للروتين حلوووو وممكن كا معلمة أكسب ود وحب الطلبه واحببهم بالماده
هالشي حلوووو

واتمنى لج التوفيق حبيبتي متااااااااااااابعه

 

[قلب راشد]

واايد حلووة أفكاارج

بانتظار المزيد

انا ادرس متوسط انجليزي سادس فديتهم

صج عليهم شطاانه وأكتيف واايد بس يهبلوون أحبهم

 

[نور النـور]

اب
اب
لعيووووووووووونج

 

[الحياة فرص]

ياحلو ايام الميداني والله ايام ممتعه انا الكورس اللي فات كنت ميداني

الله يوفقج يارب وفالج الـa

 

[غـ روحي ـلا]

يعطيج العافية ياذويقة صج اسم على مسمى كلج ذوووق

انا معلمة لغة انحليزية صار لي ست سنوات ودي اني ابدع بس مخي تنح مع كثر الشغل والتحضير والاجتماعات بصراحه كراااااف غير شغل التوجيه ودي احصل بطاقات ومواقع حلوه بس مااعرف غير starfall. وموقع kidzone

بصراحه تسلميييين وعسى الله يوفقج وييسر امرج ومنها للاعلى يارب اشوفج رئيسة قسم وموجهه

فديتتتج موضوع حييل استفدت من عنده

 

[غـ روحي ـلا]

اوراق العمل وشغل البطاقات من اي مواقع تاخذينهم

 

[MISS_PURPL]

الله يوفقج ,, انا تخصص عربي ،، :نت ميداني الكورس اللي فات والحين الحمدلله تخرجت ،، الميداني كان وايد حلوو ،،وكنت نشيطة وشاطرة لان احب تخصصي واحب التدريس بس رئيسة القسم اكرفتنا كرااااف الله يسامحها ،، وانشالله تتهنين ابمدرسة زينة ,,,

 

[Thweega]

نور النور-------------- حياااتي تسلمين اي هذا نوع التشجيع اللي كنت ابيه ومشكورة عالدعوة الطيبة ومشكورة عالرفع
قلب راشد--------- مشكورة عالرد و قوليلي تجربتج مع سادس وشلون طريقة التحضير
الحياة فرص------- مشكوووورة عالدعوة فديييتج
غـ روحي ـلا---------- مشكوووورة حبيبتي على هالكلام وراح احط مواقع حلوة ومفيدة
miss_purpl---------- الفال لي اتخرج يا رب ومشكورة عالرد

 

[#الخشف#]

مشكووره عالموضووع الراائع
انا بعد ميداني الكورس الجاي بس مو انقلش

 

[Thweega]

بتكلم عن موقع مفيييييييييييييييد حيل وحلو حده
اهو بس حق الفوكابلري
www.magicvocabulary.net

هالموقع كتبي الكلمة اللي تبينها
مثلا elephant
راح يسويلج بطاقه بالكلمة وبطاقة بالصورة والاحلى من هذا يسويلج العاب على الكلمة اللي تبينها
طبعا الموقع في عيوب اولا : ان البطايق موقعه من الموقع (مكتوب عليها sample ) ومو واضحه
مثل هالصورة



ثانيا :وان اللعبة عبارة عن موقع وما تقدرين تحفظينها فلازم اللاب توب معاج والطالبة تلعب اللعبة عاللاب توب وتوصلينها بجهاز العرض
بس وااايد حلوة الالعاب
اهمه عندهم بس 4 او 5 العاب ف ما راح تستخدمينه وايد او راح تكررين
تصدقون وانا اتصفح الموقع قعد العب خاصة لعبة الفضاء لوووول
دشوووا واخذوا فكرة عنه

 

[Thweega]

----------------------
غلا روحي بالنسبة للوورك شييت انا ما عندي موقع معين انا عندي عمي قوقل ادش الصور على طول واكتب
مثال: اذا كان الموضوع عن ال 5 senses
اكتب 5 senses worksheet
وماراح يقصر قوقل
اما اذا ما لقيتي دشي دوري بس مو بالصور دوري بالويب
وراح تلقين ان شاء الله

وانا لقيت هالشغلات واكيد بتلقين اكثر انا سويت سيرج عالسريع

 

[Thweega]

فياااااااافي ----------- الله يوفقنا يارب واخذي افكار من الموضوع مو شرط انجلش