استطلاع عن السردااب

[كارلوفي فاري]

السلام عليكم. شلونكم بنات. حبيت اسوي استطلاع عن السرداب. منو يأيده ومنو رافضه. وياليت يكون عن تجربه. ويفضل اللي تحط رايها بالاستطلاع توضح لنا العيوب والمشاكل للي عانوا منه. او الايجابيات للي استفادوا منه.
وشكرررررررررا

 

[كارلوفي فاري]

اب اب

 

[ام الدرر]

صوت بنعم
رغم ان تخصيصنا بجابر الاحمد وما ينصحون بالسرداب هناك
انا افضل معيشتي ومطبخي بالدور الارضي عند المدخل الرئيسي
ما امن بالخدم فاحب اشوف شغلي (غسيل ملابس تنظيف طبخ ) والداخل والطالع من بيتي
على طول اليوم
فاذا كانت المعيشه عند غرف النوم فوق ما اقدر اتابع كل شي
والسرداب احب يكون مكان لاستقبال الضيوف
وللعزايم الكبيره سواء حريم او رجال
عشان جذيه افضل بيتي يكون فيه سرداب ​

 

[PuPa^^SWeeT]

السرداب حلوو للمناسبات فقط


يعني اذا انتي من اللي يحبون الداخل و الطالع عليهم


او عندج بزنس


انصحج بسرداب


اما عادية و حياتج طبيعية


واتحبين اتزورين اكثر من يزورونج فاذا ما له لزمة السرداب



حلوو بعد اذا انتي مثلا عندج بنات كبار او اولادد كبار بيتزوجون


اتسوين استقبالهم فيه بدال مخاسير العرس

 

[كارلوفي فاري]

يسلمووووو
اين البقيه

 

[حروف من ذهب*]

أكيد نعم الصراحة أبوي ماسولنا سرداب ولما كبرو عيالنا تحسف صار مالهم مكان يلعبون فيه ويفرغون طاقتهم وحلو يكون عندج مكان كبير وسيع للضرورة

 

[مذهلة 78]

شوفي حبيبتي انا بكلمج بواقع عملي بحت مافي احد ما وده بسرداب وانا من اول الناس

المميزات
1- مكان للعزايم الكبيره والمناسبات اذا كنتي من النوع اللي يعزم وايد وناس تزورج بشكل اسبوعي سويلج سرداب

المساوىء
1- تكلفته وايد عاليه يكلفج مع التشطيب حوالي 45 الف
2- منطقتنا الجديده الارض رطبه ما يصلح فيها سرداب وراح تعانيين من المشاكل التاليه وهالشي متأكده منه لان اخوي عنده سرداب وكله يشتكي من

1- ريحه المجاري اللي تطفح
2- تسرب ماي داخل السرداب بسبب المطر
3- بين فتره وفتره لازم يغير الصبغ لانه يتقشر بسبب الرطوبه
4-عقب ما بناته تزوجوا انهجر السرداب ومحد قام يقعد فيه


انا عن نفسي اقتنعت بالفكره وقلت لفلوس اللي بقطها عالسرداب اقطها على ديكورات البيت والاثاث وبالمقابل بنيت دور ثالث بدال السرداب خليته صاله مفتوحه كبيره ومطبخ تحضيري وحمام ومغاسل

وبعدين حبيبتي التشطيبات غاليه غاليه الا اذا كنتي ناويه تحطين اشياء عاديه فهالشي راجع لج

يعني بقولج مثال صارلي فتره افتر على سعر المطبخ لان مطبخي 7 في 7 الاسعار نار ارخص واحد عطاني ياه الفارسي وحسبه ب6800 ولا تعتمدين على ال100 الف ترى اذا قروها كل شي بيرتفع وجنا ما سوينا شي

 

[سندس 90]

مع البنات
اذا عندج عيال بيتزوجون ومناسباتج شكثثثثثر حطيه

اذا لأ عائلتج صغيره وعيالج صغار ماله داااعي


وانا عن نفسي بصراااحه اذا بغيت ابني مااحط كللللش سرداب

وانتي وظروفج

ربي يوفقج

 

[لذه السكر]

تجربة بيت عمي
السرداب للعزايم امع انها قليله جدا عيد ميلاد اليهال حفلات التخرج
العاب ودوارف وحوسه اليهال وبالحوش الساقط حمام سباحه او مرات نشوي
مرات نحط الدوه ونقعد فيه

تجربة بيت ابوي
بدال السرداب بنى دور شقه وسييييييييييعه ومطبخ وتوابعها وبلكونه فيها عريش بنعدلها ونظبطها عدل لقعدتنا واغنتنا عن السرداب

ولكن مرات نتحسف ان ماكو مكان للعزايم البيت ضيج

انا بالنسبه لي كل واحد واستخدامه ولو ان 70% ما استفادو

 

[كارلوفي فاري]

اب اب