استصدار قرارت التعيين والنقل والندب غير مرتبط بمجلس الامه بل بتشكيل الحكومه الجديده

[ON_LY]

الحمدوالشكرلله تشكلت الحكومه الجديده بولايه الشيخ جابر المبارك
وهذا قرار بوقت القرارت ورجوع استصدارها بعد تشيكل الحكومه((سواء دائمه او مؤقته:تصريف الامور العاجله)) بالنص الصريح

https://twitter.com/#!/aldaahom/status/142981460306051072/photo/1

ولم يذكروا مجلس الامه في القرار وهالشي معناها انه اصدار قرارات التعيين والنقل والندب((تصريف الامور العاجله))غير مرتبط بمايحصل بمجلس الامه

والله كريم

 

[love^angel]

اكيد اختي مالها شغل بالنتخابات؟؟ انزين الي اسمه طالع و ناطر المقابله راح يقابلونه الحين؟؟

 

[ON_LY]

اي نعم اختي اكيد انشالله

والمصادر جدامج

وانشالله ناطرين قرار ديوان الخدمه المدنيه باعاده اصدار قرارت التعيين والنقل والندب بالجهات الحكوميه بعد تشكيل الحكومه

الله كريم

 

[عزتي مالها حد]

حاولت افتح الرابط طلع لي صفحة تسجيل بتويتر

مشكووووورة اختي على الخبر*

 

[&هند&]

يسلمووووو ع هالبشاره الله يبشرج بالجنه ،،،

 

[حبيبي عبووودي]

يعطيج العافيه حبيبتي
يعني انا الحين بسوي اليوم اوراق المجلس الطبي للوظيفه ويبيلهم اسبوعين على مايهلصون
يعني اداوم وراها عادي بدون الانتخابات

 

[عادت ذكرياتي]

أب


أب

 

[AL-DMERA]

انا وديت فحصي للوزاره وقالوا تعالي بعد تشكيل الحكومه ,,
الحين متى اروح يعني !!؟
اروح باجر ولا انطر اعلان ولا شنو بالضبط !؟

 

[احب بوناصر]

الله يبشرج بالخير اكيد التعيين وديوان الخدمة مالهم شغل بالانتخابات بس الحين في كلام على دستورية الحكومة والحل اخاف بعديعطلون التعيين:yaaaaaarb:

 

[ON_LY]

Al-dmera
نطري قرار ديوان الخدمه المدنيه الاسبوع الياي الرسمي بعد تشكيل الحكومه الرسمي
لان سمو رئيس الوزراء اختار وزراؤه وارسل كتاب رسمي للامير يطلب استصدار مرسوم تشكيل الحكومه الجديده لتصريف الامور العاجله وانشالله هاليومين اليوم ولا باجر انشالله يصدرونه

احب بوناصر

الكلام كان دستوريه مرسوم حل"مجلس الامه" وليس استقاله الحكومه وشتان مابين الاولى والثانيه


والله كريم

 

[الغنج والدلع]

أي بنات انا سألت قالولي بعد تشكيل هالحكومه والله ان شاءالله يسر لنا يارب

 

[honey lust]

والله اتمنى هالشي بس ما اعتقد

حسب اللي سمعته ان هالحكومه مؤقته و تصرف العاجل من الامور و( موو) من ضمن اختصاصاتها التعيين و النقل و الندب

و تعيين حكومه لازم يكون بعد مجلس الامه

الله كريم

 

[ON_LY]

Honey lust

حسب الي سمعتيه؟؟ انزين كا جدامج القرار وكاتبين بالنص الصريح ((حتى تشكيل الحكومه الجديده))

وماحددوا اذا حكومه دائمه او مؤقته ,, بمعنى دام المسمى "تشكيل حكومه جديده بولايه رئيس جديد" بالحالتين لها كافه اختصاصاتها

والله كريم

 

[AL-DMERA]

أمس الوزاراء الجدد ادوا القسم جدام سمو الأمير ,,

 

[Computer-ENG]

الحكومه اليديده تختص بالامور العاديه اللي ما تأثر على الوزارات يعني سوالف تعيينات وجذي اللي بس تحتاج حق توقيع الوزير ان شاء الله تمشي ... راجعوا جهات العمل يوم الاحد وان شاء الله خير

 

[ام كوكو بيكو]

والله فيه ناس راحو اليوم قالولهم نطرو مجلس آلامه لاسف شلون الناس تنطر ليه شهر 2:rgewrg::rgewrg::rgewrg:

 

[Chevy]

بنات اللي تراجع الوزارات الاحد خل تقولنا شقالولها
بس اتوقع ما في تعيين لي عقب الانتخابات يعني اذا الانتخابات 2|2 توقعوا التعيين بنص الشهر

 

[Last Kiss]

بنات انا مسويه الفحص الطبي وخالصه وموقعه مباشرة عمل من تاريخ 27 / 11 بشويخ ووزعوني بالمنطقه بس ماوقعت المزاوله عندهم وعقب حلوو المجلس اتوظف ولا
انطر شهر 2 

 

[ON_LY]

@akuwaitna اخبار اكويتنا


ديوان الخدمة المدنية : تم رفع الحظر عن التعيينات وشغل الوظائف الإشرافية والنقل والندب خارج الجهة من تاريخ تشكيل الحكومة الجديدة

LAT KISSخبري بمباشره العمل وبعدها خلص تداومين ,, اول مره اسمه بورقه اسمها مزاوله؟؟؟

بس اذا ناقصج توقيع مرتبط بمباشره العمل وماتقدرين تداومين الا بهالتوقيع فانه بيكون متوقف

ومو لشهر2 والخبر تو قاريته ان رفعوا حظر التعيينات من الاسبوع الياي والله كريم
https://twitter.com/#!/search?q=#kwt

 

[Chevy]

والله انا شكلي من تطلع نتايج الفحص بروح اراجعهم و اشوف شيقولون لان كل شوي لهم راي شوفي @csc_kw يقول لين الخميس امس ما وصلنا خبر عن رفع الحظر :\