استشاره ياكويتيات

[مذهــلــه]

السلام عليكم
يعطيكم العافيه حبيباتي
اشلونكم وشخباركم

خواتي انا عندي استفسارين:

الاول: بخصوص الخدامه انا طالبه وساكنه بشقه مع حمولتي... تنصحوني اخليها تنام مع خدامه خالتي ؟؟ واشلون اذا ابيها الصبح شنو الطريقه يعني خصوصا ان مدخلنا منفصل فلازم نقفل الباب يعني ماقدر اخلي الباب مبطل بالليل للصبح؟؟ وابيها تطبخ بعد متى اقدر اعلمها وانا دوامي صباحي

الثاني: بنات اول ماتزوجت كان جسمي يهبل بس ريلي ماشالله عليه يطلب طبخخات مجابيس فقمت اطبخ واكل معاه حاسه زايد وزني وطالعه كرشي .... يطلب مني البس القميص بو قطعتين.... بس انا مستحيه عشان حاسه جسمي مايساعد ياليت تفيدوني بريجيم حلو وسريع يوخر الكرش خصوصا اني ماحملت للحين وايد احاتي النقطه
وهم اهو قاعد يقولي متنانه عن اول ماتزوجنا

ياليت تنصحوني حبيباتي والله يعطيكم العافيه

 

[iLLuMinaTion]

خوش موضوع

 

[مذهــلــه]

فيديني بنصيحه حبيبتي يهمني رايج

 

[شادن33]

مذهله الخدامه علميها وصيها علي نظامج انتي وزوجج يعني الصبح خليها اتجهز اريوقكم
وليمه اتبطلين لها الباب تدخله لكم
والغدا نفس الشي
وخلي خدامه خالتج اتعلمها الاساسيات وانتي عليج الاشراف وشنو اتحبون وشنو لل
بس علميها عل نظااامكم في اي وقت تجهز اكلكم

 

[شادن33]

وبالنسبه لجسمج حرااام من الحين يخترب
لاتاكلين مجابييييس لوول
وخصوصا بالليل والعيس وراه بيبسي دمااار وهو اللي يطلع الكرش
يبا استانسي بقمصان نومج والبسي القطعتين الحين متا بتلبسينهم عيل
عليج بالزنجبيل الفرش والجاي الاخضر بعد الوجبه بساعه يحررررق

 

[ماتغير شي]

إذا عندج غرف زايده بالشقه خلي الخدامه تنام عندج وعلميها انها اتقوم الصبح اتسوي ريوق وتنظف البيت وتجهز الغدا من الحين علميها احسن

إذا ماتبينها تنام عندج بالشقه قوليلها تقعد الصبح وتصعد لج فوق عطيها نسخه للباب الرئيسي تفج الباب وادش


بالنسبه لجسمج اشربي جاااي اخضر حييييل حلوو وخصصي لج نص ساعه سوي فيها رياضة البطن

 

[Abraaj]

الخدامة اول فترة .. الصبح خليها عند امج تتعلم اشلون تنظف تطبخ ...الخ

ثاني شي اذا عندج مكان بالشقة فافضل لج تكون الخدامة عندج مو تحت!


هذا رايي

 

[مذهــلــه]

يزاكم الله خير يابنات ويعطيكم الف عافيه ان شالله على نصايحكم

الله لايحرمني من تواجدكم وارائكم

بس خدامة خالتي مو نظيفه مستحيل اخلي خدامتي تتعلم منها

وهم اني اوديها عند امي تتعلم صعبه

راح احاول اول ايام اطبخ جدامها لمده ٣ او ٤ اسابيع ان شالله يكون كافي تتعلم الطباخ لان اساسا ماكو ذاك الشغل كل يوم

 

[ام فواازي]

اذا شقتج كبيره فالافضل تكون عندج وعلميها عالنظافه و عالطبخ ومتى قومتها انتي شلون تنظفين علميها على طريقتج شلون تطبخين علميها نفس طريقتج عوديها على استايلج واذا شقتج كبيره شوفي لها غرفه الحمام قريب منها وحطيلهم حاجز وباب تكون منفصله عنج عشان تاخذون راحتكم بالليل

 

[عزوة رجال]

حبيبتي ،، بالنسبه للخدامه اشتري لها ساعه منبهه وجهاز مناداة الخدم وخليها تنام عند خدامة خالتك .. وعلميها اول ماتوصل ان النظاااافه عندك اهم من الطبخ ولاحظي كل شي تجيبه لك مثل قلاص ماي ملعقه وبيني قدامها انك تتفحصين الشي بس بليييززز من غير تعفسين وجهك عشان ماتحقد عليك ..

اما بالنسبه للكروشه الحلوه البنات ماقصروا ،،

c.u

 

[مذهــلــه]

يعطيكم االف عافيه خواتي مشكورين وماقصرتوا

اتفقت مع امي اني اول ماتوصل بخليها عند امي تعلمها الطباخ والنظافه بس اييبها كل خميس تقعد للسبت وارجعها لين تتعلم

لاني بصراحه مو فاضيه ايام الدوامات حق التعليم

وربي يعطيكم الف عافيه