استشاره سريعـــــــــــــــــه

[*اخت القمر*]

ام زوجي طالبه من زوجي خدامتي تروح معها للمزرعه حتى تنظف لان عندهم عزومه وانا ماراح اروح
طبعا هي عندها خدامه
وانا بجلس عند اهلي 3 ايام وعندي 3 اطفال صغار واحتاج الخدامه كثير شالحل معها ؟؟؟؟؟؟؟؟؟:eh_s(11):

هي قويه ومتسلطه ولو ما خليت الخدامه تروح بتزعل وتسوي سالفه :eh_s(2): شهووور

وهذي مو اول مره تطلبها ومره رفضت بحجت انه عيد وابيها تنتبه لاطفالي وعفست الدنيا
هل اطنشها وما اعطيها الخدامه
او اسلم امري لله واخليها تروح :eh_s(11):

انتظر ارائكم انا مليتتت من المشاكل هي كل يوم طالعه بسالفه جديده:eh_s(4):

 

[al_reef]

والله تبيين راييء موحلوة الوحده تردى بخدامه عطيها وخليها على الله وقوليلها أنج محتاجتها عاد إذا فهمت بتحس وتردها وإذا طنشت الشكوا لله تحملي أخذيها مني ( الناس للناس والكل بالله )

 

[وافرر]

شوفى هى يمكن نتعمده وتبي مشاكل بينك وبين زوجك
خلك انتى احسن وخلها تروح ماعليه تحملى
لاتخلى سبب تافه يسببلك مشاكل

 

[اميره بعيونه88]

يبا خليها اتروح شلج بالمشاكل
باجر تقول لزوجج مرتك قليله سنع
تبخل علي بالخدامه
وتروح تقول لناس مو سنعه
واطلع عليج النون وما يعلمون

والله عينيج واذا علي اعيالج
مو مشكله خلي وحده من خواتج تعونج عليهم

 

[! هُوْ وِينِه !]

شفيهآ عطيهآ آلخدآمة مآ فيهآ
شئ
هذي خآلقتج جدة عيآلج ولو هي مو بعآزتهآ مآ طلبتهآ
لآ تمننين عليهآ بآجر يجي من يسوي فيج جذي :eh_s(4):

 

[tbola]

عادي عطيهااا

 

[غرق بالماي]

نصيحه مني عطيها الخدامه وارتاحي ابعدي عن المشاكل


اذا رفضتي تعطينها راح تسوي سوالف


وعطيها عشان اهي مره كبيره ونفس امج


وعشان زوجج ابو عيالج


نصيحه

 

[مياسه الحساسه]

الله يعينك حبيبتي

 

[سمو الغلآ]

عطيها الخدامه مو حلووه بحقج

مره كبيييره تردينها بسالفه خدامه ..,


ولهيهم تلفزيون وخواتج ان شاء الله مايقصرن..,

 

[zo0oz9]

عطيهاا عاديي كلهاا خدامه
وانتي حطي بالج علي عياالج
واتوقع اكييد اهلج عنده خدامه تعاونج

 

[FeShinGoOo]

حبيبتي شالدلع ؟؟
شنو يعني عندج 3 اطفال
معقوله ماتقدرين تتحملين عيالج 3 تيام بدون خدامه ؟؟
وبالاساس بتنامين بيت اهلج يعني ماوراج تنظيف ولا طباخ ولاشي
جابلي عيالج بس بهال3 تيام

وايد حريم شقرديات شايلين بيوت ويهال وبدون خدامه

 

[عيوني مودي]

عادي عطيها كلها ثلاث ايام
مني بميتة

 

[Maaya]

عطيها ترا والله ماتسوا عليج كلها 3 ايام
لازم تمر عليج مثل هالايام بروحج من غير خدامه
فقزريها ترا تستاهل السالفه انج تضغطين على نفسج شوي
عشان بيتج

 

[بحر هادي]

هي مبين تعرف انك بتقولين لا وتسوين مشكله << وهذا اللي تبيه
فانتي لاتسمحين لها بهالشي,, خليها تآخذ الخدامه,,

انتي فبيت اهلك يعني مافي ذاك الشغل,,

احسك مكبرتها وهي صغيره ,, عشان الحزازيات اللي بينكم هالشي خلاك تحسين انك ماتقدرين بدون شغالتك .. والا ماظنتي بتوقف حياتك على هالخدامه 3 ايام,,

روقي واحتسبيها اجر,,

 

[سكوتي بذوقي]

عطيها مافيها شي عادي

معقول ماتقدرين تمسكين عيالك

 

[انصاريه قمره]

يا قلبي كسري عينهاااا وبكل طيبه خاطر عطيهااا
وبالنسبه لليهال خو انتي ابيت اهلج في من يساعدج وكلها 3 ايام

 

[عسل مرت قيمر]

رايي من راي البنات عطيها وابتعدي عن المشاكل

وانتي فبيت اهلج يعني خليهم يساعدونج وهم خدامه بيت اهلج موجوده

 

[NOORALLAH]

حبيبتي شالدلع ؟؟
شنو يعني عندج 3 اطفال
معقوله ماتقدرين تتحملين عيالج 3 تيام بدون خدامه ؟؟
وبالاساس بتنامين بيت اهلج يعني ماوراج تنظيف ولا طباخ ولاشي
جابلي عيالج بس بهال3 تيام

وايد حريم شقرديات شايلين بيوت ويهال وبدون خدامه

نفس الكلام الي ردت اكتبه معاة 100%

 

[وجودي كافي]

لا والله مصج ? والله انج مهوله ليش ماتعطينها الخدامه لا عطيها هي مو ماخذتها عناد ولا لعانه هي محتاجتها وما اعتقد ببيت اهلج مافي خدامه وبعدين انتي شوراج جايبه عيالج عشان الخدامه تروكض وراهم وتشيلهم مادري الظاهر هذي امهم مو خدامه