استشارة لشهر العسل،المالديف أو سويسرا؟؟

[Fyonkita]

السلام عليكم بنات واللي يعافيكم حابه اسأل اللي سافروا حق المالديف وسويسرا
شنو ينفع أكثر وأحلى لشهر العسل؟؟
أنا أخاف أروح المالديف واتحسف وآمل من الطبيعي والهدوء
وأخاف بعد ما أروح وتطوفني واتحسف
شوروا علي

 

[عزاااه]

بصراحه سويسرا انتي مغمضه خيال مو طبيعي خصوصن انترلاكن لو بكيفي احد فيلا هناك

 

[دلوعة أبوهآ]

المآلديف حححلوه بس آحسها ماتنفع شهر عسل
حدها 5 ايااااااام
ومآتنفع لعرسان وتوهم مآخذو ع بعض
طبيعه + هدوء + بحر + رمل + وفيها مغامرات جريئه يعني يبي لها وحده تعرف تسبح في بحر
تغوص + تركب براشوت وانشطه كذا .. عشان مآتمل ..


اما سويسرا مدن منفتحه وفيها الطبيعه والهدوء وفيها الحياه والشوبينق وكل شي ..


( شخصياً للامانه مارحت الاثنين بس هذا كلآم قريبآتي )..

وأكيد انصحك بسويسرا
وموفقه يآرب


’

 

[catherine]

صراحههه سويسر احلى بكثير
للعرسان موفقة حبوووبةة

 

[''chOcoLate]

سويسرا احلا طبعا

 

[tolay]

احس سويسرا اونس

المالديف مال ٣ ٤ ايام كسر روتين بس

 

[Fyonkita]

يعطيكم العافيه بنات

 

[!amorra!]

سويسرا وانتي مغمضه

 

[قانونية]

سويسرا

 

[You FOR Me Only]

ترى المالديف غاليه تقريبا نفس اوروبا

فانصحج تروحين سويسرا انا رحت لها خياااااال طبيعه وجو وكل شي

بس المالديف مافيها خيارات وايد ولا طبيعه نفس سويسرا

 

[يــــارا♥]

امي وابوي كانوا رايحين سويسرا شهر العسل :d
امي تقول احلى دولة جافتها من ناحية الجمال والطبيعه بس عيبهم ان المحلات تصك من وقت

 

[Maaax]

بالتوفيق اختي

 

[rawona]

أول شي الف مبروك عزيزتي والله يتمم لج على خير ..

الماديف روعه وايد حبيتها بس لا تزيد عن ال4 ليالي .. في المنتجع الواحد .. اذا بتروحين منتجعين يبيلج تقريباً اسبوع ..


شخصياً مادري انا من النوع اللي اعشق البحر والأجواء هناك روعه ودلال وتحسين انج ملكة .. بس مكلفة ترى حالها حال اوروبا .. يعني مثلاً انا رحت المالديف ( طيران الاماراتية/ فيلا بحرية في فندق فورسيزون لانداجيرافارو) كلفتني 2800 دينار تذاكر واقامة واكل ورحلة صيد واحدة ومساج في السبا لشخصين بس ل 4 ليالي!!

يعني هالمبلغ يقعدج على الاقل اسبوع - 10 ايام باوروبا ..


سويسرا روعه جنة الله في الأرض من احب الدول على قلبي بالنسبة لي اعشقها واكيد لو مكانج باختارها كشهر عسل لأنها ما تتطوف أبد!

بالتوفيق :eh_s(17):

​

 

[جنى q8]

سووويسرااااااااااااا وباتوفيق

 

[ام رينـاد]

سويسرا

 

[((غلاي))]

سويسرا

 

[أم سيف وسلطان]

مالديف لاحقة على اوروبا