استشارة عاجلة

[الجازي2000]

مساء الخير
خواتي في مهنة الأنبياء
أنا في حيرة وأبي منكم المساعدة
وحدة من زميلاتي في العمل تبي تنتقل لمنطقة تعليمية ثانية واهيا غالية علي ودي أسويلها بوفيه ريوق يبيض الوجه
فشنو اقتراحاتكم من وين أطلب وكم شخص علما اني بمدرسة وعددنا تقريبا مدرسات واداريات مئة وشوي شخص
هل احجز البوفيه لمئة شخص لأن النعمة بتنكب وكل اللي بيجون أكيد بيكونون متريقيين أنتوا شرايكم
واللي مجربة بوفيه ريوق تكتبلي وترد علي
وشكراااااااااااااااااا مقدما
أحبكم كلكم

 

[(كويتيه عسل)]

لازم تقولينهم بسوي بوفيه علشان يحسبون حسابهم ولا يتريقون وبعدين ينقط الريوق

واختاري يوم مايكون في طالبات علشان تاخذون راحتكم وتستانسون


وحلاته كلكم تسوسون قطيه للريوق كل وحده تدفع بالتساوي علشان لا يكلف عليج


حتى زميلتج راح تستانس اذا انتي كلمتي الابلات علشان قطية البوفيه وهم علشان مايكلفج


واتفقي مع الابلات واخذي رايهم شنو يحبون يتريقون علشان ماتييبين شي محد ياكله


بوفيه الريوق دايما يكون فيه سلطات وعصاير وجاي وقهوه وحلويات خفيفه ومعجنات وكلوب ساندويج


عندج في المنتدى في حريم يسوون بوفيهات بس للامانه انا ماجربت وعندج بعد وايد مطاعم

 

[توتي فروتـي]

..

انزين دام انها زميلتج بالقسم ليش ما يكون البوفي محفوف بينكم .,
ومعلمات القسم يحطون قطية ., والي يجي من الاقسام الثانية خل يقلط معاكم

الخير وايد ., وبالنسبة للاكلات خليه خفايف سندويشات وعصاير جذي

والله يدوم المعزة بينكم .,