استشارة افضل علاج طبيعي مكثف بالعالم ساعدوني

[ام مشعل المطيري]

شلونكم بنات انا ولله الحمد عندي بنتي تعسرت ولادتها وصار معاها نقص اكسجين وتأثرت تأثر بسيط وراجعنا بكل شي وكل شي سليم وكنا نتابع فقط علج طبيعي والحين كملت 3سنين مامشت تقعد وتلعب بالقاري وتسولف وتكتب ماشوف عليها شي وحتى الدكاترة قالو نفس الكلام وانتو عارفين ان العلاج الطبيعي بالكويت بطيييييييئ جدا وطلبنا علاج بالخارج مرتين مارضو وقالو حالتها بسيطة وراح تمشي بس يبيلها وقت انا الحين قررت اسفرها لان دكتورة المخ والاعصاب بمستشفى البنك الوطني قالت انها اذا خذت علاج مكثف راح تمشي باذن الله وانا لما امشيها بالبيت امسكها تمشي بس بروحها لأ ف أبيكم تنصحوني دام بسفرها على حسابنا اي مستشفى افضل سمعت عن


تايلند مستشفى الامريكي
والتشيك والهند منتجع بكيرلا
ومصر عند الدكتور كمال شكري وانا مومؤيدة مصر عشان الثورات والظروف السياسية
انصحوني وين اروح وعندي سؤال مهم لو أجل فترة العلاج الطبيعي لشهر خمسة مو الحين هل يؤثر عليها يعني لو اتأخر عنها بالعلاج في فايدة والا الافضل اتسرع لان عندي دراسة خايفة اوديها سيهر خمسة ويقولون ماكو فايدة لانج ماجبتيها واهي صغيرة ساعدوووووني

 

[ام مشعل المطيري]

ولارد شدعووووة

 

[ورود11]

مرحبا اختي انا بنتي نفس حالة بنتج باالضبط وديتها التشيك كان عمرها سنتين ونص وكانت ماتقعد بروحها بس في العربانه تقعد وتلعب وتكلم وذكيه بس

ماتقعد بروحها ولا تقلب ولا تحبي المهم وديتها التشيك وعلاج طبيعي مكثثثف خمس ساعات بااليوم سباحه وعلاج طبيعي ومغناطيس ومساج

والعصر اجيب وحده البيت تعطيها اضافي المهم والله العظيم بس شهرين بنتي صارت تقعد بروحها وتفر الغرفه تزحف وهي قاعده

قال بنتج من. 8 الى سنه علاج طبيعي راح ترد لكويت تمشي المهم ماقدرت اطول الني رايحه على حسابي قعد بس 3 شهور ورديت

وانا اقول لج التشيك افضل دوله جربتها للعلاج الطبيعي انا رحت المانيا 3 مرات ورحت امريكا وقريت عن مصر وعن المركز التشيكي با الرياض وعن المركز الي

باالشرقيه بسيهات وعن الي با الجبيل وكل مركز في الكويت جربته خاص وحكومي ومع الأسف ماستفادت بنتي ولااااا شي

هذي تجربتي ياحبيبتي واي سؤال في بالج أسالي وانا الحين متواجده ب المانيا،،،،،،

 

[ام مشعل المطيري]

ورود مشكورة عالرد وانج
ياريت تساعديني اكثر انا بنتي تقعد بروحها وتحبي وتزحف وتلعب بالقاري ولما امسكها بيدها تمشي بس بروحها لأ
انتي رايحه ع حساب الحكومة لان شكثر حاولنا قالوا حالتها بسيييييطة ماتحتاج وانا اذا سفرتها راح اقعد اقل شي اربع شهور عشان مصلحتها سمعت بالهند يمدحونة كيرلا
وسمعت التشيك غالية واحنا على حسابنا جم تكلفتها تقريبا

 

[الصابرة المحتسبة]

عسى ربي يطمن قلبج عليها وماقصرت ام ورود أذكرت تجربتها مع بنتها.

وتفضلي هالرابط ان شاءالله يفيدج العلاج بالخارج


http://www.q8yat.com/t976684.html

 

[بنت صباح الناصر]

هلاحبيباتي كويتيات اسمحيلي حبيبتي ام مشعل توني شفت موضوعك بااالنسبه حق بنتك ماااقدامهاالاالعافيه بإذن الله بنتي نفس حالتهااااوهذيهي بسم الله عليهاعمرها١٠ سنوات وطيبه وتمشي في البدايه علاج طبيعي مكثف في مستشفى الاحمدي وبعدين طقوهابوتكس في الطب الطبيعي ورحت بهاالمانيابس افضل علاج التشيك اوالخطوات الصغيره في الرياض اذاااتبين اي مساعده دزي رقمك لي على الخاص اراسلك بااالواتس اب اذاعندك وحاضرين للطيبين شرووووواك

 

[M!SS.LOBY]

الله يكون بعونكم

 

[بنت صباح الناصر]

مشكوره حبيبتي على الكلام الطيب

 

[ام مشعل المطيري]

مشكورين ع الرد حبايبي وجزاكم الله ألف خييييير