?استشارات? تربوية?
? 1-صباح الخير
انا عندي 3 بنات الكبيرة عمرها 4 سنين و3 شهور .. والتانية رح تصير 3 سنوات تقريبا والأولى كمان قريب السنة ..
الكبيرة اخلاقا صعبة واوقات بحسا بضل تحاول تخلق مشكلة بكل الوسائل .. مثلا عطيتا الحليب بتقلي ماما بدي حركه بلمعلقة بعطيا تحركه بعدا بتقلي ماحركته كتير بعدا ماحطيتيلي كاكاو كتير ووو يعني بتضل كل شوي بدا شي ولو انا منعتا من هلشي بتبكي وبتعمل مشكلة...
شو التصرف الصحيح بهيك مواقف؟؟؟
واوقات لما بعطيا بوظة او اي شي تاكله كاكلات او شي حلو ..
عم حس عندها طمع ومابتحب تطعميني .. مع انو بصغرا ماكانت هيك..
يعني بقلا طعميني لقمة بتقلي ماتكبري اللقمة وهيك ..بتحب تسمتع بالأكلة لحالا ..
اكتر شي بتعمل هلحركة بلبوظة .. بالشوكولا اخف يمكن لانو بتاكلا اكتر ..
كيف لازم حاول اغيرلا هلشغلة؟ ؟
والله يجزيكي كل خير ..
? اهلا وسهلا
1. من الاصل يجب ان يكون هناك حزم ..
المسايرة لها اوقاتها ..
منذ البدء عندما تنتهي من تحريك الحليب وتبدأ باسطوانتها لا تكملي ولا تسمحي لها ..
قولي مثلا بحزم:
هذا الكاكاو يكفي ..هل تريدين كوب الحليب أم ارفعه ..
وفعلا في حال أي رد فعل لا تريدينه ارفعي الكوب ..
وتجاهلي كل مااااااااتفعله او تقوم به من نوبات غضب ..
2. فكرة ان لا تطعمك امر طبيعي عند غالب الأطفال وخاصة إذا كان الطعام (مثلجات) ..
لا تغيري شيء ولا تحاولي حتى واتركي الامور طبيعية ..
?1-السلام عليكم
مدام اختصار لحياتي مع طفلي يوسف عمره 4سنوات
صدقا مدام انا بحترم ابني وبحبو وبتعامل معه على اساس انو شب
وقت برفض طلبو ببرر سبب الرفض وقت بعاقب بشرح سبب العقاب
كلمة بحبك والضم والقبلات دايما موجودة
بحاول ازرع فيه ثقة بيني وبينو بقلو ماما انت بتعرف الشي الما حلو ومارح تعملو فبصير موقف غلط بيجي لعندي بقلي ماما هاد غلط وانا ماعملتو وبكون صادق لاني شايفتو
بيرجع من الروضة بضمو وبقلو اشتقتلك والبيت ماحلو بدونك
بحاول اشتغل عليه بشكل صح
منقول لوسمحت وتفضل واستودعك الله
بحكيلو عن الله عز وجل والرسول
كل هاد تمام
بس بتجيني فترات انا بتعب كتير بيرتفع صوتي واحيانا هو بيغلط اغلاط لازم يوقف عندا مثال انو يضرب رفقاتو بوقتا بستخدم كل اساليب التربية بس مافي فائدة وصدقا احيانا بضل اكتر من 4ساعات محاولات ومافي فائدة ونتيجة ضغط من حوالي باضطر اضرب حتى يوقف
بعرف انو غلط بس مدام هي حقيقة و واقع الطفل احيانا ما برد بيعتر انو اساليب التربية ضعف من الأم بس انا عم ازعل وقت بضرب بخاف عليه
لان منكون تربويين فجأة منتغير
وعلى هالموال نسير
عم حاول كون ام جيدة لابني بس عم حس بالفشل بكتير مواقف
بزعل وبدايق وبقول ماعاد بدي جيب غير يوسف
سؤالي
كيف فينا نوازن بين رغبتنا او نكون تربويين وبين الواقع الصعب يلي بيفرض علينا العكس
والله يجزيك الخير وعفوا عالاطالة.
?اهلا وسهلا
سؤالك عن موازنة الامور في التربية جدا مهم ..
فقط اريد أن أذكرك ان عمر 4 سنوات يعني طفل صغير من حقه ان يخطئ ومن حقه أن يعرف الصواب ..
ولكن بطرق غير مباشرة ..
تعاملك معه برقي وك كبير جيد ..لكن لا يجب ان يجعلك هذا الأمر تنسين أنه يبقى طفلا ..
كاطفال يعيشون بيننا يحتاجون منا امرين:
1. أن ننصت لما يقولون ولما يحتاجون ..
2. أن نعلمهم السلوك الصحيح قبل محاسبتهم ..
ولا ارى أشد تأثيرا من القصص على الطفل وخاصة قبل النوم ..
مثلا ..
طفلك يضرب ..
ركزي على مفهوم آثار الضرب ورفضه في قصة عن حيوانات في الغابة ..
ولا بأس ان نتطرق بين سطور القصة لبعض الرسائل الهامة التي نود ان نوصلها للطفل ..
?2-السلام عليكم
مدام بنتي عمرا ست سنين ونص اول مابقلا على شغلة لا بتصير بتبكي وبتترجاني بطريقة مستفزة واول ماترجع من المدرسة بيبلش النق والموال اليومي وانا ماعاد اتحملتا عم افقد اعصابي وضربتا اليوم بعدين بتصير بتعتذر وبنرجع اي شي بقلا لا نفس الموال
اخوها عمره سنتين الا شهرين وعندا اخت عمرا اربعة ونص بالنسبة لاخوها احيانا كتير بصير يصرخ وبيخبط بابا الفريزر بطريقة شرسة عدة مرات لبعده انا احيانا بيضربنا واحيانا بيمشي على اطراف اصابعه واجت فترة يضرب راسه بالارض بس بنفس الوقت بيحب يلعب ويضحك وبيسال عن جده وجدته وابوه واخواته وتجاوبه ممتاز معنا وبيحكي الحمد لله
كل مالمح مبايل بده يمسكه ومابيمل ابدا وطبعا انا ابدا مابعطيه ياه
هل هو طبيعي?لان البنات ماكانو هيك
?أهلا وسهلا
1. افضل من فقد اعصابك وضربها ..لا تتراجعي عن كلمتك ..
مثلا ..
اذا قلت لها لايوجد اليوم شوكولا ..
فعلا ابقي ولا تتراجعي ولا بأي شكل من الأشكال ..مهما فعلت ومهما صدر منها نق او نوبات غضب ..
هي عندما تلجأ لهذا الاسلوب تستخدمه على امل كلمة موافقة منك ستأتيها ولو بعد ساعات من الرفض..
ومتى وجدت بانه ليس هناك امل ستتوقف منذ قلت لها لا ..لانها ستكون عندئذ متاكدة من ان لا = لا ..
2. نفس الاسلوب يجب ان يتبع مع الصغير ..
والثبات والحزم يجب ان يكون من جميع افراد العائلة ..
بالإضافة إلى أنني أنصح بمغادرتكم المكان عندما يبدأ بنوبات غضبه ..كضرب راسه او ماشابه ..
لأنه سيتوقف في الحال اذا لم يجدكم مهتمين او قلقين عليه ..
?3- استاذة لو سمحتي محتاجة استشارتك
طفل عمره ست سنوات .. شخصيته كانت طبيعية
طفل بيلعب ، اجتماعي ، حساس نوعآ ما ،، تفكيره عميق
مرة من المرات فهم شرح سورة من القرآن الكريم وكان فيها عن تعذيب أشخاص لأشخاص وكتير كتير تأثر
وصار شخص حساس أكتر وأكتر
ويخاف على كلشيئ
ليش بنقطع الأشجار حرام
ليش في قطة جوعانة
ليش في حرمان وتعذيب بالحياة
ومشان تكمل شاف مقطع من فلم رعب عالتلفزيون
ومن وقتا صار متعب أكتر بخاف اذا أبوه واخوه طلعو من البيت وبيمشي وهوي نايم عالسرير التاني وبفكر انو وصل الحمام
كتير تصرفات فيه تغيرت
لو سمحتي كيف فينا نقوي شخصيته ويرجع لطبيعته
وينسى يلي شافه وسمعه استاذة مع انو أهلو حكو معو كتير كتير عن الله وانو هوي يلي بيحمينا
وقرؤوله قصص قبل النوم
بس مافي فايدة مابيرضى أهله يتركوه ثانية وحدة برأيك شو الحل
?أهلا وسهلا
يبدأ الحل عندما يتوقف الأهل عن نقل مخاوفهم على الطفل ..
التعامل مع الأمور بطريقة طبيعية ..
عندما يقول جمله ..
لا نقطع الاشجار و..و..
كلامه صحيح وهذا ما يجب ان نوحيه إليه ..
بدلا من الايحاء إليه بأنه يمر بفترة قد تغيرت فيها شخصيته ..
سينسى طبعا بعد هذه الخطوة ربما بوقت ليس قصير ..
لكن حسب تعامل الأهل مع الموضوع ستكون الاستجابة ..
بينما حال الخوف الذي ينتابه ..
قطعا يجب التعامل معه بتفاعل بمعنى ..
عندما يرفض البقاء وحيدا نقول ..
هل اترك الباب مفتوحا ..
اللمبة مضاءة ..
اجلس معك لمدة نصف ساعة ..
وهكذا ..
ريثما يعود لحال الطمأنينة من جديد.
?4-مساء الخير أستاذة
نرى الفتيات بعمر صغير كابنتي عمرها 3 سنوات تحب الوضوء و الصلاة و قراءة القرآن و حفظه و مساعدتي في الأعمال المنزلية
وعندما يكبرن قليلا ً يبدأن بالنفور و التكاسل
ما السبب يا ترى ؟ وكيف أستطيع أن أبقي هذه الأمور محببة لديها
جزاك الله عنا خيرا ً ???
?أهلا وسهلا
يبقى هذا عندما يمارس الطفل ما نسميه ب( الحياة العملية )
طيلة الست سنوات الاولى من عمره ..
وهو ركن اساسي في المونتيسوري بهذه العمر ..
هو عبارة عن حياتنا اليومية لكن بشكل مصغر يناسب احتياجاته ويرضي رغبته في استخدام ادواتنا الحقيقية بادوات مشابهة حقيقية ولكن تناسب حجمه ..
ومن متعته في العمل بها تبقى في ذاكرته مهام يحب ان يقوم فيها وتشعره بالمتعة ..
بالإضافة طبعا إلى أنه بنفس الوقت ينمي عضلاته ويتطور لديه التآزر الحسي البصري العضلي ..
?5-السلام عليكم
كيف اتصرف مع اولادي المراهقين اذا معهم رفقاء سوء وهم بسن مراهقة سواء في البيت او المدرسة ...
انا الحمدلله زارعة فيهم اخلاق ودين وايمان ومخافة من الله لكن الصديق بيضل يسحب صاحبه يعني عم بياثروا بطريقة تفكير ابني بالمستقبل الدراسي واختياراته لدرحة ابني صار عم بواجهنا وبواجه ابوه بعصبية الشي اللي كان موافق عليه صار لا مابده اياه ومافينا نسايره طبعا بيضيع مستقبله..
كيف لازم اتصرف معه حاسيته مستسهل فكرة بلاش اخد المادة الفلانية بسحبها او بلاش نظام Ig وطبعا هلا متاخر هالحكي اذا ما استمر Igمافيه يكمل عربي مثلا طول عمره انترناشيونال
?أهلا وسهلا
طالما زرعت ستحصدين بلا شك
لا تخافي ..
في هذه العمر يكون تأثير تخبط الهرمونات في اجسادهم اشد من تأثير من حولهم ..
لذلك تبدو ردات افعالهم غير مرغوبة ..
وبالتالي في هذه الفترة
لن يتقبلون سوى آباء يشاركونهم التفكير لا يفرضونه ..
يحاورونهم بعيدا تماما عن الرفض ..
دورك أن تطرحي أثناء النقاش سلبيات كل أمر وإيجابياته ..وتشجيعهم على اتخاذ القرار ..
غير ذلك لن يجدي بل وسيجعل قراراتهم غالبا ردات فعل لمعاكستنا ليس اكثر ..
? 1-صباح الخير
انا عندي 3 بنات الكبيرة عمرها 4 سنين و3 شهور .. والتانية رح تصير 3 سنوات تقريبا والأولى كمان قريب السنة ..
الكبيرة اخلاقا صعبة واوقات بحسا بضل تحاول تخلق مشكلة بكل الوسائل .. مثلا عطيتا الحليب بتقلي ماما بدي حركه بلمعلقة بعطيا تحركه بعدا بتقلي ماحركته كتير بعدا ماحطيتيلي كاكاو كتير ووو يعني بتضل كل شوي بدا شي ولو انا منعتا من هلشي بتبكي وبتعمل مشكلة...
شو التصرف الصحيح بهيك مواقف؟؟؟
واوقات لما بعطيا بوظة او اي شي تاكله كاكلات او شي حلو ..
عم حس عندها طمع ومابتحب تطعميني .. مع انو بصغرا ماكانت هيك..
يعني بقلا طعميني لقمة بتقلي ماتكبري اللقمة وهيك ..بتحب تسمتع بالأكلة لحالا ..
اكتر شي بتعمل هلحركة بلبوظة .. بالشوكولا اخف يمكن لانو بتاكلا اكتر ..
كيف لازم حاول اغيرلا هلشغلة؟ ؟
والله يجزيكي كل خير ..
? اهلا وسهلا
1. من الاصل يجب ان يكون هناك حزم ..
المسايرة لها اوقاتها ..
منذ البدء عندما تنتهي من تحريك الحليب وتبدأ باسطوانتها لا تكملي ولا تسمحي لها ..
قولي مثلا بحزم:
هذا الكاكاو يكفي ..هل تريدين كوب الحليب أم ارفعه ..
وفعلا في حال أي رد فعل لا تريدينه ارفعي الكوب ..
وتجاهلي كل مااااااااتفعله او تقوم به من نوبات غضب ..
2. فكرة ان لا تطعمك امر طبيعي عند غالب الأطفال وخاصة إذا كان الطعام (مثلجات) ..
لا تغيري شيء ولا تحاولي حتى واتركي الامور طبيعية ..
?1-السلام عليكم
مدام اختصار لحياتي مع طفلي يوسف عمره 4سنوات
صدقا مدام انا بحترم ابني وبحبو وبتعامل معه على اساس انو شب
وقت برفض طلبو ببرر سبب الرفض وقت بعاقب بشرح سبب العقاب
كلمة بحبك والضم والقبلات دايما موجودة
بحاول ازرع فيه ثقة بيني وبينو بقلو ماما انت بتعرف الشي الما حلو ومارح تعملو فبصير موقف غلط بيجي لعندي بقلي ماما هاد غلط وانا ماعملتو وبكون صادق لاني شايفتو
بيرجع من الروضة بضمو وبقلو اشتقتلك والبيت ماحلو بدونك
بحاول اشتغل عليه بشكل صح
منقول لوسمحت وتفضل واستودعك الله
بحكيلو عن الله عز وجل والرسول
كل هاد تمام
بس بتجيني فترات انا بتعب كتير بيرتفع صوتي واحيانا هو بيغلط اغلاط لازم يوقف عندا مثال انو يضرب رفقاتو بوقتا بستخدم كل اساليب التربية بس مافي فائدة وصدقا احيانا بضل اكتر من 4ساعات محاولات ومافي فائدة ونتيجة ضغط من حوالي باضطر اضرب حتى يوقف
بعرف انو غلط بس مدام هي حقيقة و واقع الطفل احيانا ما برد بيعتر انو اساليب التربية ضعف من الأم بس انا عم ازعل وقت بضرب بخاف عليه
لان منكون تربويين فجأة منتغير
وعلى هالموال نسير
عم حاول كون ام جيدة لابني بس عم حس بالفشل بكتير مواقف
بزعل وبدايق وبقول ماعاد بدي جيب غير يوسف
سؤالي
كيف فينا نوازن بين رغبتنا او نكون تربويين وبين الواقع الصعب يلي بيفرض علينا العكس
والله يجزيك الخير وعفوا عالاطالة.
?اهلا وسهلا
سؤالك عن موازنة الامور في التربية جدا مهم ..
فقط اريد أن أذكرك ان عمر 4 سنوات يعني طفل صغير من حقه ان يخطئ ومن حقه أن يعرف الصواب ..
ولكن بطرق غير مباشرة ..
تعاملك معه برقي وك كبير جيد ..لكن لا يجب ان يجعلك هذا الأمر تنسين أنه يبقى طفلا ..
كاطفال يعيشون بيننا يحتاجون منا امرين:
1. أن ننصت لما يقولون ولما يحتاجون ..
2. أن نعلمهم السلوك الصحيح قبل محاسبتهم ..
ولا ارى أشد تأثيرا من القصص على الطفل وخاصة قبل النوم ..
مثلا ..
طفلك يضرب ..
ركزي على مفهوم آثار الضرب ورفضه في قصة عن حيوانات في الغابة ..
ولا بأس ان نتطرق بين سطور القصة لبعض الرسائل الهامة التي نود ان نوصلها للطفل ..
?2-السلام عليكم
مدام بنتي عمرا ست سنين ونص اول مابقلا على شغلة لا بتصير بتبكي وبتترجاني بطريقة مستفزة واول ماترجع من المدرسة بيبلش النق والموال اليومي وانا ماعاد اتحملتا عم افقد اعصابي وضربتا اليوم بعدين بتصير بتعتذر وبنرجع اي شي بقلا لا نفس الموال
اخوها عمره سنتين الا شهرين وعندا اخت عمرا اربعة ونص بالنسبة لاخوها احيانا كتير بصير يصرخ وبيخبط بابا الفريزر بطريقة شرسة عدة مرات لبعده انا احيانا بيضربنا واحيانا بيمشي على اطراف اصابعه واجت فترة يضرب راسه بالارض بس بنفس الوقت بيحب يلعب ويضحك وبيسال عن جده وجدته وابوه واخواته وتجاوبه ممتاز معنا وبيحكي الحمد لله
كل مالمح مبايل بده يمسكه ومابيمل ابدا وطبعا انا ابدا مابعطيه ياه
هل هو طبيعي?لان البنات ماكانو هيك
?أهلا وسهلا
1. افضل من فقد اعصابك وضربها ..لا تتراجعي عن كلمتك ..
مثلا ..
اذا قلت لها لايوجد اليوم شوكولا ..
فعلا ابقي ولا تتراجعي ولا بأي شكل من الأشكال ..مهما فعلت ومهما صدر منها نق او نوبات غضب ..
هي عندما تلجأ لهذا الاسلوب تستخدمه على امل كلمة موافقة منك ستأتيها ولو بعد ساعات من الرفض..
ومتى وجدت بانه ليس هناك امل ستتوقف منذ قلت لها لا ..لانها ستكون عندئذ متاكدة من ان لا = لا ..
2. نفس الاسلوب يجب ان يتبع مع الصغير ..
والثبات والحزم يجب ان يكون من جميع افراد العائلة ..
بالإضافة إلى أنني أنصح بمغادرتكم المكان عندما يبدأ بنوبات غضبه ..كضرب راسه او ماشابه ..
لأنه سيتوقف في الحال اذا لم يجدكم مهتمين او قلقين عليه ..
?3- استاذة لو سمحتي محتاجة استشارتك
طفل عمره ست سنوات .. شخصيته كانت طبيعية
طفل بيلعب ، اجتماعي ، حساس نوعآ ما ،، تفكيره عميق
مرة من المرات فهم شرح سورة من القرآن الكريم وكان فيها عن تعذيب أشخاص لأشخاص وكتير كتير تأثر
وصار شخص حساس أكتر وأكتر
ويخاف على كلشيئ
ليش بنقطع الأشجار حرام
ليش في قطة جوعانة
ليش في حرمان وتعذيب بالحياة
ومشان تكمل شاف مقطع من فلم رعب عالتلفزيون
ومن وقتا صار متعب أكتر بخاف اذا أبوه واخوه طلعو من البيت وبيمشي وهوي نايم عالسرير التاني وبفكر انو وصل الحمام
كتير تصرفات فيه تغيرت
لو سمحتي كيف فينا نقوي شخصيته ويرجع لطبيعته
وينسى يلي شافه وسمعه استاذة مع انو أهلو حكو معو كتير كتير عن الله وانو هوي يلي بيحمينا
وقرؤوله قصص قبل النوم
بس مافي فايدة مابيرضى أهله يتركوه ثانية وحدة برأيك شو الحل
?أهلا وسهلا
يبدأ الحل عندما يتوقف الأهل عن نقل مخاوفهم على الطفل ..
التعامل مع الأمور بطريقة طبيعية ..
عندما يقول جمله ..
لا نقطع الاشجار و..و..
كلامه صحيح وهذا ما يجب ان نوحيه إليه ..
بدلا من الايحاء إليه بأنه يمر بفترة قد تغيرت فيها شخصيته ..
سينسى طبعا بعد هذه الخطوة ربما بوقت ليس قصير ..
لكن حسب تعامل الأهل مع الموضوع ستكون الاستجابة ..
بينما حال الخوف الذي ينتابه ..
قطعا يجب التعامل معه بتفاعل بمعنى ..
عندما يرفض البقاء وحيدا نقول ..
هل اترك الباب مفتوحا ..
اللمبة مضاءة ..
اجلس معك لمدة نصف ساعة ..
وهكذا ..
ريثما يعود لحال الطمأنينة من جديد.
?4-مساء الخير أستاذة
نرى الفتيات بعمر صغير كابنتي عمرها 3 سنوات تحب الوضوء و الصلاة و قراءة القرآن و حفظه و مساعدتي في الأعمال المنزلية
وعندما يكبرن قليلا ً يبدأن بالنفور و التكاسل
ما السبب يا ترى ؟ وكيف أستطيع أن أبقي هذه الأمور محببة لديها
جزاك الله عنا خيرا ً ???
?أهلا وسهلا
يبقى هذا عندما يمارس الطفل ما نسميه ب( الحياة العملية )
طيلة الست سنوات الاولى من عمره ..
وهو ركن اساسي في المونتيسوري بهذه العمر ..
هو عبارة عن حياتنا اليومية لكن بشكل مصغر يناسب احتياجاته ويرضي رغبته في استخدام ادواتنا الحقيقية بادوات مشابهة حقيقية ولكن تناسب حجمه ..
ومن متعته في العمل بها تبقى في ذاكرته مهام يحب ان يقوم فيها وتشعره بالمتعة ..
بالإضافة طبعا إلى أنه بنفس الوقت ينمي عضلاته ويتطور لديه التآزر الحسي البصري العضلي ..
?5-السلام عليكم
كيف اتصرف مع اولادي المراهقين اذا معهم رفقاء سوء وهم بسن مراهقة سواء في البيت او المدرسة ...
انا الحمدلله زارعة فيهم اخلاق ودين وايمان ومخافة من الله لكن الصديق بيضل يسحب صاحبه يعني عم بياثروا بطريقة تفكير ابني بالمستقبل الدراسي واختياراته لدرحة ابني صار عم بواجهنا وبواجه ابوه بعصبية الشي اللي كان موافق عليه صار لا مابده اياه ومافينا نسايره طبعا بيضيع مستقبله..
كيف لازم اتصرف معه حاسيته مستسهل فكرة بلاش اخد المادة الفلانية بسحبها او بلاش نظام Ig وطبعا هلا متاخر هالحكي اذا ما استمر Igمافيه يكمل عربي مثلا طول عمره انترناشيونال
?أهلا وسهلا
طالما زرعت ستحصدين بلا شك
لا تخافي ..
في هذه العمر يكون تأثير تخبط الهرمونات في اجسادهم اشد من تأثير من حولهم ..
لذلك تبدو ردات افعالهم غير مرغوبة ..
وبالتالي في هذه الفترة
لن يتقبلون سوى آباء يشاركونهم التفكير لا يفرضونه ..
يحاورونهم بعيدا تماما عن الرفض ..
دورك أن تطرحي أثناء النقاش سلبيات كل أمر وإيجابياته ..وتشجيعهم على اتخاذ القرار ..
غير ذلك لن يجدي بل وسيجعل قراراتهم غالبا ردات فعل لمعاكستنا ليس اكثر ..
