اهلا يا خوخه وبس
اول شي الله يوفقج في تجارتج ويكتب لج فيها كل خير
عزيزتي بالاول انصحج بعمل خطة عمل وانتاج ... يعني خلال سنه شنو ناويه تقدمين ومراحل التقديم
وبناءا على الخطة يتم تحديد الخطة التسويقية ومتى راح تسوقين وشلون ؟؟
هناك تسويق عن طريق الانترنت .. الانستغرام مثل ما انتي مسوية .. المشاركه في المعارض
وكذلك الاعلانات بالصحف والمسجات
لكن الاهم ان يكون كل اعلان مرتبط بخط انتاج او طرح شيء مميز
ما ابي تدخلين السوق بطريقه اعتياديه حتى وان كانت خلطاتج مميزة ضروري تدخلين السوق بطريقه مميزة .. على الاقل تفكرين شلون راح تبيعين خلطاتج ؟
يعني ضروري تكون لج لمسه في دخول السوق
تعبي على الاعلان والتسويق في البداية ... خصصي له بند في الميزانية وباذن الله راح يرجع لج بالارباح
ايضا انصح تطورين نفسج وتستثمرين في تطوير ذاتج من خلال القراءة والاطلاع والدورات سواء في مجال العطور والخلطات وحتى مجال ادارة المشاريع لان نجاح اي مشروع ليس فقط بالتميز بالخلطه بل هناك امور ايضا مهمه منها على سبيل المثال كيف تتعامل مع العملاء وتوصل لهم المنتج .. ومواضيع اخرى ايضا مهمه
اتمنى اجابتي كانت واضحه واذا في اي شيء ما جاوبته تفضل اطرحي سؤالج باي وقت
تحياتي
السلام عليكم
اشكرج ع افتتاح هذا الموضوع الحلو
انا حابه ادش بتجارة البخور والعطور والمعمول ومرشات وهالسوالف
خذيت راي اللي حولي كان في اعجاب كبير الكل يقول جنه شغل محلات والحمدالله
وانا وثقة من شغلي وقارنة بشغل التاجرات
لقيت شغلي حيل متعوب عليه ويكلفني حيل ييعني خليته هوايه اكثر من تجاره
السؤال
شلون اخلي الناس تثق بشغلي ؟؟؟
شنو الاساليب اللي اتبعها للسويق والتشويق ؟؟؟
اتمنى فهمتي ع
ويعطيج العافيه
حسابي بالانستغرام alshiok
