استخرت وابي استشيركم بالحمل

[Q.8.h.2]

السلام عليكم
بنات انا والده من خمس شهور ومادري ليش بخاااطري احمل
لكن متردده لاني ادرس
واول سؤال سالني ياه زوجي تتحميل عندج بنتج صغيره وكليه ؟؟؟؟؟ قلت له مادري وقالي نطري شوي بس بخاطري ولما قلت له احسن يتربون مع بعض وباخذ المقويات قالي ما ادري
بخاطري وما ادري اخاف اتعب مع الدراسه ومادري شسوي
اشرايكم

 

[Q.8.h.2]

طبعا توقيعي قديم ايام ما كنت حامل في بنوتي الله يحفظها

 

[ساندي-بيل]

انا اقول نطري شوي ع الاقل لما يصير عمر بنتج سنه ،، اول شي توها صغيره ثاني شي انتي عندج درااسه وترى راح يكون صعب عليج حييل وانتي كيفج

 

[ريماا]

مادري بس كللش مااشجعج مسؤؤؤليه حيييل
صج بتسهررين مع الثنتين مرة وحدة وصج بيونسوون بعض بس اول شي تعب علي جسمج ثاني شي كلهم صغار ماعندهم منااعه يعني لمرض طفل احتمال كبير يعدي الثااني وتعالي جابلي اثنين مرضي
لي طلعتي او سافرتي بتكوونين مسؤله عن ثنين مووسهل اذا كانووو صغار وبتنحرمين من الطلعاات لانج بتحسين انه طفلين صعبه تخلينهم وصعبه تاخذينهم غيرر هذا كله وراج كليه وامتحانات وبتبلشين بحمل وتعب وولادة وتعالي وين بتخلينهم
حدي حبطتج هههههه بس والله اوضحلج الاموور
نطري بنووتج بس تشيل عمرها وانتي علي لاقل تخلصين كليتج حملي اذا الله رااد

 

[ام الحلوااات]

مادري بس كللش مااشجعج مسؤؤؤليه حيييل
صج بتسهررين مع الثنتين مرة وحدة وصج بيونسوون بعض بس اول شي تعب علي جسمج ثاني شي كلهم صغار ماعندهم منااعه يعني لمرض طفل احتمال كبير يعدي الثااني وتعالي جابلي اثنين مرضي
لي طلعتي او سافرتي بتكوونين مسؤله عن ثنين مووسهل اذا كانووو صغار وبتنحرمين من الطلعاات لانج بتحسين انه طفلين صعبه تخلينهم وصعبه تاخذينهم غيرر هذا كله وراج كليه وامتحانات وبتبلشين بحمل وتعب وولادة وتعالي وين بتخلينهم
حدي حبطتج هههههه بس والله اوضحلج الاموور
نطري بنووتج بس تشيل عمرها وانتي علي لاقل تخلصين كليتج حملي اذا الله رااد

مـــــن واااقــــــــــع تـــجـــربـــتـــي
كــــــــــــلام ســـلــــيــــم 100% :rerrerek: :rerrerek: :rerrerek:
مــــع ان الــفــرق بــيــن اللـــي عـــنـــدي ســـنــتــيــن واربــعـــه شـــهــــور

 

[tbola]

استخيري وان شاء الله خير

 

[Q.8.h.2]

يزاكم الله خير عالرد قاعده اعيد النظر بالموضوع على قولتكم مو امر سهل ومسؤوليه
وربي يكتب اللي فيه الخير يارب

ومشكورين والله

 

["*آآآنؤؤؤقهـ*"]

احسن لج احملي
توكلي على الله

 

[لورا 22]

اذا زوجج ما يبي شلج بالعباله ريحي على الاقل سنه
اما اذا في خاطرج الله يرزقج

 

[c a t w o m a n]

تعب حبيبتي

انا اشوف نطري شوي و اذا ودج تحملين وقفي قيدج كورسين

ولازم احد يعاونج غير ريلج

والاهم تعطين كل واحد حقه

فكرة الحمل ورى بعض حلوة بس يبيلها مجابل و مسؤولية هذا حق ايللي تبي تربي مو بس تييب

والله يخليلج بنوتج و تفرحين فيها عروس يا رب

 

[ايمانو حلوة]

مادري صعبة حيييييييييييييييييييييييل شلون تنامين تدرسين تجابلين ياهل ليلحين نومته عفسة لاتستعيلين تو الناس عليج والحمال تعب تعب تعب مو وناسة

 

[أشبـاهـ المطـر]

لا حبيبتي مـا انصحج بالمره
وترا شعور طبيعي تشتاقين للحمال
بس بليز لا تهورين وتحملين
والله مسـؤوليه انا عندي بنتي وحده عمرها سنه وحده 3 سنين
تعب حيل مع اني موظفه فمابالج لو اكون طالبه لا اجازات ولا راحه ومحاتاه
وانتي جذي بتظلمينها ما راح تقدرين اجابلينها وانتي حامل ونساه لا مايدج بتاتاً
لا توظفتي فكري ...​

 

[ايمانو حلوة]

الا في حالة اذا عيالج تخلينهم عند سستر بليل وتنامين وبالنهار عند الخدامة وانتي بالكلية ومخلصة امورج اهني مافي اي تعب نهاااااااااائيا هني بالامكان تحملين كل عيالج ورا بعض ماكو مشكلة

 

[cat^q8]

انا عندي بنت ويبت ورراها مباشرة ولد

صج انهم حياااتي احبهم كانهم توام وكل شي مع بعض وناااسه يونسون

بعص بالبيت وعندي خدامتين بس

اوصفلج وضعي بكلمة وحده


هلاااااااااااااااااااااااااااااااااااااك


حتى ريلي قام يزعل مني ليش مو فاضيتله

وماقمنا نطلع مثل قبل

وخاصه يوم كبروا شوي يعني سنتين وثلاث تعلقوا فيني اكثر

وبالشطانه يتعاونون عليج ، كنت اخليهم عند امي واطلع مع ريلي سينما وعشا اول الفترة

بس بعدين امي تعبت

والسينما عاااادي تمر 6 شهووور ماطب السينما

قمت ارووح بس مع خواتي مجمعات واهمه اخذهم معاي بالعربانه ام نفرين


خرعتج خخخخخ ؟؟

بس والله هذا الصج

اذا قاعده بالبيت لا شغل ولا مشغله حملي بس دراسه .؟؟ صعب

 

[أأأميرة الورد]

عن تجربة حيييييييييييل صعبه التربية وماراح تنامين كلش ومسئولية

نطري سنة على الاقل تكون بنتج تمشي على ما تولدين البيبي الثاني

 

[أم ملاس]

والله مادرى شقول لج بس زين من زوجج متفهم وضعج قاعد ينورج ومعاه حق دراسه و2بيبي صعب عليج
والحمد لله لاحقه علي الازعاج ..اقل شي خلي بنتج سنه وشي واحملي

واستخيري والله يكتب لج الخيره

 

[الريمـ اللعوبـ]

انا عكس البناااات
انا جبت بنتين ورا بعض وانا ادرس بالكليه اخو بالحمل تعب
بس تربيتهم نفس الشي الله يسلم الخدم متكفلين بكل شي
والله اني اطلع واروح كل مكان عااادي وزوجي ماخذ حقه ماشاءالله
بس يبيلج ترتيييب وقت ويكون عندج احد يسااااعدج

الله يرزقج بالذريه الصالحه

 

[ملاك ^ الحب]

انا عن نفسي اايد الحمال ورا بعض عشان يكبرون مع بعض حلووو

بس انتي تدرسين لو موظفه يمكن شوي اسهل راح تتعبين بالدراسه
خلصي دراستج وحملي على طول

 

[Q.8.h.2]

مشكووورييييين على ردودكم
انا نوعي ما اخلي عيالي عن الخدامه كللللش انا مجابلتها من إلى ولله الحمد اخاف من الخدم صراحه فمن خلال ردودكم شكلي بنطر لان فعلا الدراسه مانقدر ناخذ اجازات او شي وماقدر اوقف قيدي لاني اجازه دراسيه فباذن الله اذا خلصت ربي يكتب لي واحمل. وما اطول مثل بنتي الاخيره تعقدت ماحملت بسرعه بس هم لازم كل واحد ياخذ حقه وما اظلم العيال
سبحان الله اهيا هبه كانت بخاطري واستخرت واستشرتكم وفعلا صار بقلبي خوف بسبة الدراسه
والله كريم يارب

 

[حظ من عنده انا]

الرزق من الله اذا ربي كتب لج الخيره سواء حملتي الحين والا بعدين الحمد لله


لكن نصيحه ترى بتتعبين فيهم ورى بعض خلي بينهم على الاقل سنه ونص / سنتين


خلصي دراستج ربي بنتج دلعيها عيشي حياتج