استبيان للمتأخرات عن الحمل تعالو شاركو

[out of reach]

الله يرزقنى ويرزقكم جميعا بالذريه الصالحه المتعافيه يارب




.

امين يارب الله يسمع منج

ومشكوره على المشاركه

 

[out of reach]

up


up


up

 

[Amory]

مشكوره على الموضوع

صاجه والله و ( الحمدلله ) اني احس ان آنا وزوجي متحابين اكثر من كل اللي حوالينا اللي عندهم اعيال

صارلنا ست اسنين على هالحال وكل سنه يزيد الحب والأمل عن السنه اللي قبلها

الناس شهر عسلها بس شهر في بداية الزواج وبعدين ايون العيال يخربون عليهم إحنا ولله الحمد 6 اسنين كلها عسل ابعسل.

صحيح ان في البداية واجهت بعض الصعوبات ابسبب الوضع الجديد واهو الحرمان من العيال اللي خلاني احس اني ناقصه عن الناس ابشي بس الحين لأ تأقلمت عالوضع وصارت عندي مناعه و لي درجة اني استغرب من كلمات ونظرات الشفقة اللي اتييني من الناس واحسها سخافه واقول بيني وبين نفسي ( مساكين علبالهم آنا ضايق خلقي وابجي لأن ما عندي اعيال ما يدرون اني سعيده واسعد منهم كلهم واكثر وحده مرتاحه فيهم)

آنا سعيده لأني متأكده ان زوجي يحبني ويبيني حتى وآنا مو املبيتله اهم شي واهو العيال.

انا سعيده لأن هذا ابتلاء من الله عز وجل و ( ان الله اذا احب العبد ابتلاه ) و ان هذا الابتلاء له عظيم الاجر.

انا سعيده لأن عندي القدره على الصبر والصبر مفتاح الفرج. و عندي احساس ان اعيالنا اللي راح ايون بالمستقبل راح يكونون مميزين وغير عن كل الناس لأنهم ما يو الا بعد صبر وتعب ولأنهم راح يلاقون الرعاية والاهتمام اكثر من غيرهم لأن احنا اكثر ناس انحس ابقيمة العيال.


بنات استمتعو ابحياتكم طلعو روحو وردو بدون قيود نامو بدون صراخ وسهر وتعب عيشو اسنين العسل اللي راح تتذكرونها بعد ما ايونكم العيال وراح اتحسون انكم صج كنتو ابشهر عسل.

والله يرزق الجميع الذرية

يارب ترزقنا ذرية تعيننا عند الكبر وتدعو لنا بعد الممات اللهم آمين

 

[نبض زوجها]

والله شوفو يا بنات انا علاقتي بزوجي فوق الممتازه الحمدلله بس مافي شي يقوي ويزيد العلاقة بين المتزوجين مثل العيال والله ان الحياه معاهم طعم ثاني ومو شي هين لما يكون بينج وبين الريال الي تحبينه عيال .. وانا احس بنقص موطبيعي تخيلو اللي تزوجوا معاي واللي بعدي بسنه كاملة صاروا امهات وانا للحين في مكاني ما تغيرت ... حشى مو حسد بس شيء يعور القلب ... احس ان مهما كانت علاقتي زينه بزوجي في فراغ كبييييييييييييييييييييييييييييييييييييييييييييييييييييييييييييييييييييييييييييييييييييييير ما يمليه غير العيال .. الله يرزقنا ...

 

[Amory]

اختي نبض زوجها مو شرط ان العيال اهمه اللي يقوون العلاقة بينج وبين زوجج واهم شي الحب لأن ياما حريم عندهم دزقة اعيال وطلقوهم او تزوجو عليهم.

ما قلتيتي ليش كل هالعيال اللي يابوهم ما قوت العلاقه بينهم ؟

 

[ni3ssani]

عارفين بنات

الظاهر انو الريايل لما ما يكون في عيال يتعاطف الريال مع زوجته اكثر ويحين عليهاـــ اكثر لانه ممكن انه يحس انو هما الاثنين يبون اليهال وهو يكون اب وهي تكون ام

لان والحمدالله انا بعد زوجي وايد زين معاي ويحن علي ويعاملني بلطف وخلق وانا بعد احبه كل يوم اكثر.

حتى احنا ما تحسون شدي انو قلبنا وايد ضعيف واي شي ممكن يكسر خاطرنا ويبكينا

والله ويس رايكم

 

[out of reach]

مشكورين بنات على مشاركتكم يعطيكم العافيه

 

[بيرق الكويت]

أنا علاقتي مع زوجي حلوة شبه خالية من المشاكل وأنا أول أهتماماته
بس صارت ممله وفيها برود وفتور موطبيعي مافية شي يشغلنا وبصراحة أشتقنا للأطفال إلي تملي حياتنا وتنعشها.
ومشكوووووووووورة ياحلوة على الموضوع

 

[out of reach]

الله يرزقج باللي تتمنونه يارب

والعفو حياج حبيبتي